Leita
Finnur þú það ekki? Prófaðu leitina :)

Pakkhúsið

Pakkhúsið í Ólafsvík er gamalt verslunarhús, byggt árið 1844.Á fyrstu hæð hússins er Útgerðin, hönnunarverslun en þar er líka hægt að setjast niður og njóta kaffiveitinga og kruðerís innan um fallegar listasýningar.

Byggðasafnið er á efri hæðinni, þar geta gestir upplifað íslenskt alþýðuheimili 19. aldar og skyggnst inn í atvinnu- og lifnaðarhætti sjómanna fyrr á öldum. Í risinu er sýningin "Krambúðarloftið" sem ber íslenskri verslunarsögu vitni. Þar má finna ýmsa verslunarvöru, svo sem saltfisk og gúmmískó, sem höndlað var með forðum.

Í upphafi gegndi Pakkhúsið hlutverki birgðageymslu en síðar var m.a. rekin verslun í húsinu. Þar spurði fólk frétta, skiptist á skoðunum og dreypti á kaupmannsbrennivíni sem geymt var undir búðarborðinu.

Þess má geta að Ólafsvík telst elsti verslunarstaður landsins, en árið 1687 gaf konungur út skipun þar sem hann viðurkenndi Ólafsvík sem verslunarstað.

Pakkhúsið

Ólafsbraut 12

GPS punktar N64° 53' 46.028" W23° 42' 30.794"
Sími

857-5050

Opnunartími Allt árið
Þjónusta Opið allt árið Athyglisverður staður Handverk til sölu

Pakkhúsið - ferðaupplýsingar

Úr gagnagrunni Ferðamálastofu Íslands

Aðrir

Golfklúbburinn Jökull
Golfvellir
  • Fróðá
  • 355 Ólafsvík
  • 861-9640
Brimhestar
Sumarhús
  • Brimilsvellir
  • 356 Snæfellsbær
  • 436-1533, 864-8833
Söguferðir Sæmundar Kristjánssonar
Gönguferðir
  • Rif
  • 360 Hellissandur
  • 436-6767, 893-9797
Saga og menning
9.19 km
Ingjaldshóll

Ingjaldshóll var höfuðból og höfðingjasetur í margar aldir og kemur við sögu í Víglundarsögu og Bárðar sögu Snæfellsáss.

Þar varð snemma kirkjustaður og lögskipaður þingstaður og þá um leið aftökustaður sakamanna.

Kirkjan á Ingjaldshóli er elsta steinsteypta kirkja heims sem var reist 1903.

Náttúra
20.24 km
Saxhóll

Saxhóll er gígur á vestanverðu Snæfellsnesi.

Gönguleið er upp á Saxhól og þaðan er mjög góður útsýnisstaður.

Saga og menning
6.97 km
Viti - Töskuviti

Töskuviti var reistur árið 1981. Vitinn er 12 m há stálsúla sem stendur á steyptri undirstöðu fyrir utan hafnarmynnið á Rifi.

Vitinn er með sérstöðu meðal íslenskra vita þar sem hann stendur úti í sjó og undirstaðan að mestu undir yfirborði sjávar.

Steingrímur Arason verkfræðingur hannaði vitann.

Upplýsingar eru fengnar úr bókinni Vitar á Íslandi, útgefandi er Siglingastofnun Íslands árið 2002.

Náttúra
22.34 km
Kirkjufell

Kirkkjufell er mest myndaða fjall Íslands og þykir vinsælt að ná mynd af fjallinu með Kirkjufellsfossinn í forgrunni. Fjallið er 463 m og myndast vel frá þéttbýlinu og frá ströndinni og sjónum allt í kringum fjörðinn.

Útsýni frá gönguleiðunum í fjöllunum ofan við þéttbýlið er stórkostlegt Erlendir miðlar hafa lofað fjallið í hástert og hefur það meðal annars verið sett á lista yfir 10 fallegustu fjöll heims.

Saga og menning
11.46 km
Fiskibyrgi

Skammt frá Gufuskálum má finna rústir á annað hundrað byrgja þar sem fiskur var þurrkaður og geymdur en á Gufuskálum var verstöð.

Byrgi þessi eru talin vera 500 - 700 ára gömul.

Um 10 min. ganga er frá veginum við Gufuskála (vegnúmer 574) upp að nokkuð heillegu byrgi sem má skríða inn í. Að innan er byrgið manngengt.

Saga og menning
24.02 km
Viti - Krossnesviti

Krossnesviti var reistur árið 1926 eftir teikningu Benedikts Jónassonar verkfræðings.

Þrír vitar voru reistir við Breiðafjörð árið 1926, allir eftir sömu teikningu. Vitarnir eru Krossnesviti, Klofningsviti og Höskuldseyjarviti, sem var síðan rifinn árið 1948 og nýr viti reistur eftir annarri teikningu.

Krossnesviti er steinsteyptur ferstrendur turn 9,3 m hár. Anddyri var byggt við vitann árið 1931.

Erfitt aðgengi er að vitanum, sem stendur vestast við mynni Grundarfjarðar.

Upplýsingar eru fengnar úr bókinni Vitar á Íslandi, útgefandi Siglingastofnun Íslands, árið 2002.

Náttúra
11.36 km
Snæfellsjökull

Snæfellsjökull er 1446 m hár og hefur oft verið kallaður konungur íslenskra fjalla. Jökullinn sért Víða á landinu og njóta margir fegurðar hans í fallegu sólsetri. Sumir finna sterk áhrif frá jöklinum og telja að hann sé ein af sjö stærstu orkustöðvum jarðar. Sagt er frá því í Bárðar sögu Snæfellsáss að Bárður hafi gefist upp á samneyti við fólk og að lokum gengið í jökulinn Upp frá því er Bárður af sumum talinn verndari svæðisins. Þeim sem hyggja á ferðir á Snæfellsjökul er bent á að kynna sér vel aðstæður og ástand jökulsins. Bendum á að akstur vélknúinna ökutækja á jökli er háð leyfi þjóðgarðsvarðar. Óvönu fólki er bent á að ganga á jökulinn með leiðsögumanni en nokkur fyrirtæki bjóða uppá ferðir á Jökulinn.

Saga og menning
18.59 km
Viti - Svörtuloftaviti

Árið 1914 var reistur 10 m hár járngrindarviti með 2,3, m ljóshúsi yst á Skálasnaga á Svörtuloftum vestast á Snæfellsnesi. Thorvald Krabbe teiknaði mannvirkið.

Vitinn entist í 17 ár þá var hann orðinn mjög ryðbrunninn og þótti ekki lengur treystandi.

Árið 1931 var tekinn í notkun nýr viti sá var steinsteyptur, ferstrendur 9,5 m hár. Benedikt Jónsson verkfræðingur hannaði vitann.

Upplýsingar eru fengnar úr bókinni Vitar á Íslandi, útgefandi er Siglingastofnun Íslands árið 2002.

Saga og menning
20.72 km
Viti - Öndverðarnesviti

Árið 1909 var fyrsti vitinn reistur á Öndverðarnesi. Vitinn var stólpaviti en árið 1914 var reist 2,5 metra há timburklædd járngrind með 2,4 m háu áttstrendu ljóshúsi.

Steinsteyptur viti var síðan byggður að Öndverðarnesi árið 1973. Vitinn er ferstrendur 3,5 metra hár með 3 m háu áttstrendu ljóshúsi. Vitinn er sömu gerðar og Surtseyjarviti sem reistur var sama ár. Aðalsteinn Júlíusson verkfræðingur hannaði vitann.

Upplýsingar eru fengnar úr bókinni Vitar á Íslandi, útgefandi Siglingastofnun Íslands, 2002.

Saga og menning
1.85 km
Viti - Ólafsvíkurviti

Ólafsvíkurviti var reistur árið 1943 eftir teikningu Axels Sveinssonar, verkfræðings.

Vitinn er sömu gerðar og Arnarstapaviti og Grundarfjarðarviti sem reyndar er búið að afleggja.

Vitinn er 3 m hár, steinsteyptur ílangur ferhyrningur 2 x 4 m að grunnfleti með innbyggt ljóshúss.

Upplýsingar eru fengnar úr bókinni Vitar á Íslandi, útgefandi er Siglingastofnun Íslands árið 2002.

Aðrir

Hvítahús
Sýningar
  • Krossavík
  • 360 Hellissandur
  • 692 4440 / 896 6860, 896 6860

Aðrir

Hraðbúðin Hellissandi - N1
Verslun
  • við Sandahraun
  • 360 Hellissandur
  • 436-6611
Söluskáli ÓK
Verslun
  • Ólafsbraut 27
  • 355 Ólafsvík
  • 436-1012
Grillið
Skyndibiti
  • Ólafsbraut 19
  • 355 Ólafsvík
  • 436-1362

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík Bjarteyjarsandur