Leita
Finnur þú það ekki? Prófaðu leitina :)

Jólagjöfin í ár

Sjávarpakkhúsið - Gjafabréf

Þú átt skilið að upplifa hið margrómaða Breiðfirska sjávarloft! 

„Við erum afar stolt af að vinna náið með sjómönnum, bændum, matvælaframleiðendum og brugghúsum í nágrenni við okkur sem sjá okkur fyrir besta hráefni sem völ er á. Við leggjum áherslu á staðbundin hráefni og sjálfbærni og gerum ávallt okkar besta í að framreiða hágæða mat með eins litlum áhrifum á umhverfið og mögulegt er. Við veljum hráefni og þjónustu úr nærumhverfinu, höldum matarsóun í lágmarki, leggjum áherslu á að minnka orkunotkun, efnanotkun og úrgang. Við höfum hlotið umhverfisvottun Svansins sem er opinbert norrænt umhverfismerki. Við viljum vera góð fyrirmynd í Umhverfismálum og sýna í verki að umhverfisvernd getur verið sjálfsagður hlutur af daglegu lífi.” 

Sjávarpakkhúsið.is

Hér má panta gjafabréf.

Smellið hér til að skoða fleiri gjafabréf!

Englendingavík - Gjafabréf

Englendingavík, veitingastaður í hjarta Borgarness.

- Alveg við kaupfélagsfjöruna í guðdómlega fallegu umhverfi með útsýni yfir Englendingavíkina og litlu Brákarey. Sjón er sögu ríkari! 

Tveggja rétta máltíð fyrir tvo að eigin vali í Englendingavík sumarið 2021. Verð 8.000 kr.

Hafa má samband í netfangið info@englendingavik.is eða hringja í síma 555 1400 til að panta gjafabréf. 

Smellið hér til að skoða fleiri gjafabréf!

Langaholt - Gjafabréf

Upplifðu töfrandi dvöl í íslenskri sveit!

- Einstakt íslenskt sveitahótel - 

- Yndislegur matur -

- Töfrandi umhverfi - 

 

Gjafabréfin okkar eru vinsæl enda hentug við allskonar tilefni og margir möguleikar í boði. 

Gjafabréfin okkar afhendast einungis útprentuð. Hægt er að nálgast útgefin gjafabréf á Langaholti, í Kópavogi eða fá send með landpósti.

Hér má sjá þau gjafabréf sem í boði eru en við sérsníðum einnig gjafabréf að þinni ósk, með þínum texta og þeirri upphæð sem þú vilt gefa í gjöf.

Vinsamlegast athugið!

Við á Langaholti sýnum ábyrgð og hlýðum Víði! Í vetur takmörkum við til að mynda herbergjaframboð hverju sinni og skipuleggjum niðurröðun í gistingu og veitingasal vel til að tryggja að öllum líði sem best og auðvelt sé að virða nálgunartakmarkanir.

Smellið hér til að skoða fleiri gjafabréf!

 

 

Sæferðir - Gjafabréf

Gefðu ævintýri að gjöf!

Víkingasushi

Ævintýraferðin Víkingasushi er mjög vinsæl afþreying. Siglt er um eyjarnar óteljandi, skyggnst inn í ævintýraheim Breiðafjarðar, skoðaðar fjölbreytilegar bergmyndanir, sögulegar slóðir og sterkustu sjávarfallastraumar við Íslandsstrendur eru vel greinilegir. Á sumrin iðar svæðið af fuglalífi og má meðal annars sjá toppskarfa, lunda, ritu, kríu, fýl, æðarkollu og stundum bregður fyrir sjálfum konungi íslenskra fugla, haferninum. 

Hápunktur ferðarinnar er þegar plógur er settur út og upp koma ýmis skeldýr af botni sjávar. Þetta er hörpuskel, ígulker, krabbar, krossfiskar, sæbjúgu og margt annað. Sumt af þessu má borða beint upp úr sjónum eins og hörpuskel og ígulker. Gestir okkar fá tækifæri til að skoða gersemarnar og einnig er hægt að smakka á hörpuskel og ígulkerjahrognum.

Dagsferð í Flatey 

Flatey er ein af náttúruperlum landsins og byggðin þar alveg einstök. Í eyjunni búa í dag 5 einstaklingar allt árið um kring en á sumrin bætast við ferðamenn og eigendur sumarhúsa. Fyrir ferðamenn er margt að sjá og skoða í eyjunni. Má þar nefna einstaka náttúru, fjölskrúðugt fuglalíf, kirkjuna með málverkum Baltasars, kyrrðina, tímaleysið, gömlu bókhlöðuna, söguslóðir og gamla þorpið. Ef hungrið sækir að er hægt að gæða sér á ljúffengum kræsingum í veitingasal Hótel Flateyjar, fá sér kaffi og kökur í Bryggjubúðinni eða taka með sér nesti og fara í ævintýralega lautarferð með fjölskyldunni. 

Nánari upplýsingar og pantanir gjafabréfa á ➡️seatours@seatours.is

Smelltu hér til að skoða fleiri gjafabréf!

Kontiki Kayak - Gjafabréf

Gefðu hið fullkomna tækifæri til að kanna íslenska náttúru eins og hún gerist best!

Kontiki bíður uppá stuttar kayakferðir frá Stykkishólmi á Snæfellsnesi. Okkar aðal áherslur eru vistvæn ferðamennska með litla hópa í hvert skipti til að upplifa magnaða náttúru Breiðafjarðar.

Þessi tveggja klukkustunda kajaksigling er hið fullkomna tækifæri til að kanna íslenska náttúru eins og hún gerist best og uppgötva kyrrð eyjalífsins. - hreint út sagt ómissandi fyrir náttúrubörn með ævintýraþrá sem langar að skoða Breiðafjörð um leið og þeir fræðast um hina heillandi sögu og jarðfræði Snæfellsness. Þátttakendur fá byrjendakennslu í kajaksiglingum sem sniðin er að þörfum hvers og eins. Að því loknu halda þátttakendur ásamt leiðsögumanni í leit að lundum, selum og skipsflökum.

Kontiki.is 

kontiki gjafabréf

Gjafabréfin eru á 9.900 á mann og til að nálgast þau má senda póst á kayak@kontiki.is 

Smelltu hér til að skoða fleiri gjafabréf!

Vínlandssetur og Eiríksstaðir - Gjafabréf

Sagan lifnar við í Dölunum!

Eiríksstaðir í Haukadal og Vínlandssetur í Búðardal bjóða gjafabréf í jólapakkann!

Á Eiríksstöðum er hægt að fara aftur í tímann og upplifa lífið við langeldinn á tímum Eiríks rauða og á Vínlandssetri eru raktar á spennandi hátt landafundasögur hans á Grænlandi og Leifs sonar hans til Vínlands.  Lifandi leiðsögn er á Eiríksstöðum og sagt frá lífsháttum landnámsmanna, en á Vínlandssetri fær gesturinn hljóðleiðsögn og gengur í gegnum dramatíska sýningu, byggða upp af listaverkum íslenskra listamanna samtímans og hljóðheimi sem styður við söguþráðinn.  Það er 20 mínútna rúntur á milli staðanna.  Þessir áfangastaðir eru frábær viðbót við ferðalag fjölskyldunnar innanlands sumarið 2021.  

Gjafabréfin okkar gilda fyrir 2 fullorðna, en börn að 12 ára aldri fá frítt inn á báða staði.  

Gjafabréfin okkar fyrir tvo, á báða staði, kosta 5000 krónur og hægt er að nýta Ferðagjöfina upp í kaupin. Velkomið að útbúa bréf fyrir fleiri saman, ef ykkur langar að gefa persónulega fjölskyldugjöf.

Sendu okkur línu á: info@vinlandssetur.is og við útbúum bréfin og sendum um allt land.

Smelltu hér til að skoða fleiri gjafabréf!

Dalahyttur - Gjafabréf

Verið hjartanlega velkomin í sveitasæluna!

Við hjá Dalahyttum bjóðum uppá tvær tegundir herbergja öll með sérbaðherbergi og hægt að fá bæði með eða án eldhúseiningu.

Herbergin/húsin með eldhúseiningunni eru útbúin tveimur 90x200 rúmum, í hinum herbergjunum er eitt 160x200 rúm.

Í uppgerða bragganum okkar erum við með móttöku og lítið hlýlegt veitingahús þar sem við bjóðum upp á morgunmat, kvöldmat og einnig bara að setjast niður með félögunum. 

Í Dölunum er margt að gera söfn, sund, göngur, náttúra, hestaleiga og dýragarður.

Frábær staðsetning til að slaka á og njóta náttúrunnar.

Við höfum sett saman þrjú einstök gjafabréf sem eru tilvalin í jólapakkann:

  • Gjafabréf nr. 1 – Gisting í tveggja manna herbergi með morgunmat, á aðeins 14.900.-
  • Gjafabréf nr. 2 – Gisting í tveggja manna herbergi með morgunmat í tvær nætur ásamt 3ja rétta kvöldverði fyrir tvo, á aðeins 35.000.-
  • Gjafabréf nr. 3 - Inneign fyrir ráðstöfun að eigin vali að upphæð 50.000.-

Okkur hlakkar til að taka á móti ykkur. 

Dalahyttur eru á Facebook og Instagram 

Fyrir nánari upplýsingar og pantanir á gjafabréfum sendið póst á info@dalahyttur.is eða hringið í síma 8698778 

Smelltu hér til að skoða fleiri gjafabréf!

Sælkeraganga í Stykkishólmi - Gjafabréf

Gengið um leynistíga með leiðsögn og bragðað á hnossgæti úr héraði!

Matar- og menningarganga um Stykkishólm í fylgd með leiðsögumanni. Í ferðinni er rölt um bæinn, fræðst um sögu staðarins og lífinu fyrr og nú, komið við á listasmiðju og hágæða veitingastöðum og bragðað á ljúffengum mat af svæðinu. Gangan er tilvalin fyrir þá sem vilja njóta matar og kynnast menningarsögu Stykkishólms á óvæntan hátt.

Stykkishólmur hefur alla tíð verið í nánum tengslum við mat og matarframleiðslu enda er matarkista Breiðafjarðar ekki langt undan.  Á göngunni fræðist þú um lífið í plássinu, laumar þér um leynistíga í fylgd með leiðsögumanni, heimsækir listasmiðju og nýtur þess besta í mat sem Stykkishólmur hefur upp á að bjóða.

Sælkeragöngur eru á völdum laugardögum allt árið um kring og tekur ferðin u.þ.b. 2,5 klst. Nánari upplýsingar um ferðina á https://crisscross.is/stykkisholmur/

Gjafabréfið veitir 5% afslátt af almennu verði og gildir til 1.12.2024.

Hafið samband við okkur með tölvupósti á crisscross@crisscross.is

Það er velkomið að nýta ferðagjöfina við kaup á gjafabréfi.

Smelltu hér til að skoða fleiri gjafabréf!

 

Bjargarsteinn Mathús - Gjafabréf
Notalegur staður í gömlum stíl með yndislega fallegt útsýni!
 
Gjafabréf á góða máltíð,
gæðastund það vinur minn.
Svo skaltu vona þér verði boðið,
að skunda með í selskapinn.
 
Bjargarsteinn mathús er notalegur staður í gömlum stíl með yndislega fallegt útsýni. Matseðillinn er breytilegur eftir árstíðum og kenjum kokksins.
 
 
Fyrir nánari upplýsingar og pöntun gjafabréfa má senda póst á mathus@bjargarsteinn.is
 
Vogur Sveitasetur - Gjafabréf

Sælureitur á friðsælum stað milli hafs og fjalla! 

Gisting á Vogi Sveitasetri fyrir tvo, morgunverður og 2ja rétta kvöldverður, á ISK 29.900 

Gisting á Vogi Sveitasetri fyrir tvo ásamt morgunverði, á ISK 20.900

Vogur Sveitasetur

Fyrir nánari upplýsingar og pantanir á gjafabréfum, vinsamlegast hafðu samband á vogur@vogur.org

Smelltu hér til að skoða fleiri gjafabréf!

Fosshótel Reykholt - Gjafabréf

Rómantík í Reykholti! Hótelgisting, kvöldverður og aðgangur í Krauma

Gisting fyrir tvo í notalegu herbergi á Fosshótel Reykholti ásamt tveggja rétta kvöldverði á veitingastað hótelsins, morgunverðarhlaðborði og aðgangi í Krauma Spa. 

Komdu þeim sem þér þykir vænt um á óvart með gistingu á Fosshótel Reykholti. Innifalið í tilboðinu er gisting í eina nótt í notalegu herbergi fyrir tvo ásamt morgunverði, tveggja rétta kvöldverði og aðgangi í Krauma náttúrulaugarnar við Deildartunguhver. 

Fosshótel Reykholt er staðsett á friðsælum stað í Borgarfirði sem er rómað fyrir náttúrufegurð. Hótelið er í aðeins nokkurra mínútna akstursfjarlægð frá Deildartunguhver þar sem má finna Krauma Spa náttúrulaugarnar sem innihalda hreint og tært vatn beint úr hvernum. Sagan er heldur ekki langt undan en við hlið hótelsins má finna Snorrastofu þar sem áður voru heimkynni Snorra Sturlusonar. 

Einstakt tilboð fyrir tvo á aðeins 29.900 kr.

Gildistími til 30.04.2021

Velkomið að hafa samband með því að senda okkur tölvupóst á gjafabref@islandshotel.is

Gjafabréf Íslandshótela.

Into the Glacier - Gjafabréf

Gefðu ævintýralega heimsókn í ísgöngin á Langjökli!

Undanfarin 5 ár hefur Into the Glacier sérhæft sig í ferðum á Langjökli en helsta aðdráttarafl okkar hafa verið manngerðu ísgöngin sem grafin voru út árið 2015. Göngin eru þau stærstu sinnar tegundar í heiminum og veita einstaka innsýn í það sem leynist undir yfirborði jökulsins. Farartækin sem við notumst við eru fyrrverandi loftskeyta trukkar sem voru í þjónustu NATO á kalda stríðsárunum sem hafa nú verið endurgerðir með friðsælla hlutverk í huga.

Into The Glacier ferðin er á 30% afslætti eða 14.630 ISK á mann og 7.315 ISK fyrir 15 ára og yngri.

Nánari upplýsingar má sjá hér

Áhugasamir geta sent póst á info@intotheglacier.is til að panta gjafabréf. 
 
Narfeyrarstofa - Gjafabréf
Verið velkomin inn í hlýjuna í elsta veitingahúsi Stykkishólms!
 
Við bjóðum til sölu gjafaöskjur fyrir jólin 2020. Allt unnið og framleitt á Narfeyrarstofu, nema osturinn sem við fáum á Erpsstöðum. Sjálfsagt er að laga öskjurnar að þínum þörfum ef vilji er til.
 
Einnig bjóðum við uppá gjafabréf í jólapakkana. 
 
Kíktu til okkar á Aðalgötu 3 í Stykkishólmi, sendu okkur línu á vakt@narfeyrarstofa.is eða heyrðu í okkur í síma 533 1119 og við græjum fyrir þig. 
 
Krauma - Gjafabréf

Gefðu slökun og vellíðan frá kjarna íslenskrar náttúru!

Í Krauma náttúrulaugum kemstu í beina snertingu við kjarna íslenskrar náttúru þegar þú baðar þig upp úr hreinu og tæru vatni úr Deildartunguhver sem er kælt með vatni undan öxlum Oks. 

Fimm heitar laugar og ein köld umvefja þig með hreinleika sínum sem er tryggður með miklu vatnsrennsli og engum sótthreinsandi efnum.

Njóttu þín í gufuböðum og útisturtum eða í hvíldarherberginu við snark úr arineldi og fullkomnaðu daginn með notalegri stund á veitingastaðnum okkar sem býður upp á dýrindis rétti úr fersku hráefni úr héraði. 

Með gjafakorti Krauma gefur þú slökun og vellíðan frá kjarna íslenskrar náttúru þar sem einstaklingur fær að njóta sín í náttúrulaugum, gufuböðum eða í hvíldarherberginu við snark úr arineldi. 

Hægt er að enda svo daginn á notalegri stund á veitingastaðnum okkar sem býður upp á dýrindis rétti úr fersku hráefni úr héraði.

Við bjóðum upp á tilbúin gjafabréf fyrir fyrirtæki og einstaklinga en með gjafakorti Krauma gefur þú slökun og vellíðan frá kjarna íslenskrar náttúru.

Nánar hér → www.krauma.is

Smellið hér til að skoða fleiri gjafabréf!

Drangar - Gjafabréf

Það er dýrðlegt á Dröngum á veturna!

Sveitarómantík og glæsilegur arkitektúr. Njótið notalegs vetrarkvölds við eyjarnar á Breiðafirði undir dansandi norðurljósum.

Gjafabréf á Dröngum: gisting í tvær nætur í Fjósinu eða Skemmunni. Morgunmatur er innifalinn.

-Tveggja manna einstakt herbergi: 23.800 kr

-Lúxus tveggja manna herbergi með eldhúskrók: 29.800 kr

https://drangar.com/

Gjafabréfin okkar eru rafræn og kaupandinn getur prentað sjálfur eða sent áfram. Þiggjendurnir senda tölvupóst til okkar og panta herbergi þegar það hentar þeim best.

Gjafabréfin gilda í 12 mánuði frá útgáfu og gilda ekki yfir sumartímabil (1 júní til 30. ágúst) og það er lokað hjá okkur yfir jól og nýár.

Vinsamlegast hafið samband á drangar@drangar.com með spurningar eða til að panta gjafabréf.

Það er velkomið að nýta ferðagjöfina við kaup á gjafabréfi.

Smelltu hér til að sjá fleiri gjafabréf

 

Hótel Húsafell - Gjafabréf

Gefðu einstaklega töfrandi upplifun í gjöf! 

Húsafell er hlýlegur griðastaður þar sem friðsæld og lúxus sameinast ævintýrum og einstakri náttúruupplifun. Uppgötvaðu ævintýrin í faðmi náttúrunnar eða eyddu tíma í afslöppun - þitt er valið. 

Húsafell.is 

Gjafabréf Hótel Húsafells má finna hér

Smellið hér til að skoða fleiri gjafabréf!

Gufuá - Gjafabréf

Gufuá - Öðruvísi upplifun!

Verið velkomin á landnámsjörðina Gufuá í Borgarfirði. Við bjóðum skemmtilegar og öðruvísi upplifanir allt árið fyrir eintaklinga, fyrirtæki og hópa. 

Geitalabb, Heimsókn í forystufjárhús og Vörðuganga með sagnaþul. Afþreying, ævintýri og einstök náttúruupplifun.

Gjafabréf í jólapakkann í skemmtilega og öðruvísi upplifun.

Gjafabréfin gilda til 1.september 2021 og veita 10% afslátt af gildandi verðskrá.

Nánari upplýsingar um allt þetta má finna hér www.gufua.com

Og svo er alltaf hægt að hafa samband við okkur með tölvupósti á infogufua@gmail.com

Smelltu hér til að skoða fleiri gjafabréf. 

Kastalinn í Búðardal - Gjafabréf

Láttu Dalina heilla þig og þína!

Gistiheimilið Kastalinn í Búðardal bíður upp á hin ýmsu gjafabréf sérsniðin fyrir þig.

Tilboð 1: Gisting í tveggja manna smáhýsi með sér baði, ísskáp, örbylgjuofni og kaffivél á 22.000 kr. fyrir eina nótt. Verð á gjafabréfi 12.500 kr.

Tilboð 2: Gisting í tveggja manna smáhýsi með sér baði, ísskáp, örbylgjuofni og kaffivél á 45.000 kr. fyrir tvær nætur. Verð á gjafabréfi 20.000 kr. 

Hjá okkur getur þú nýtt ferðaávísun þína.

Fyrir nánari upplýsingar og pantanir á gjafabréfum sendið póst á dalahestar@gmail.com eða  thecastle370@gmail.com

Smelltu hér til að skoða fleiri gjafabréf.

Dalahestar - Gjafabréf

Gefðu skemmtilega upplifun!

Dalahestar hestaleiga bíður upp á hestaferðir sérsniðnar eftir þínum þörfum.

Tilboð 1: Klukkustundar reiðtúr fyrir einn kostar 7.000 kr. Verð á gjafabréfi 5.000 kr.

Tilboð 2: Tveggja tíma strandreið fyrir einn kostar 15.000 kr. Verð á gjafabréfi 10.000 kr.

Hjá okkur getur þú nýtt ferðaávísunina þína.

Dalahestar.is 

Fyrir nánari upplýsingar og pantanir á gjafabréfum sendið póst á dalahestar@gmail.com eða  thecastle370@gmail.com 

Smelltu hér til að skoða fleiri gjafabréf

Tjaldsvæðið í Búðardal - Gjafabréf

Leyfum okkur að hlakka til sumarsins! 

Tjaldstæðið í Búðardal er á fallegum stað í hjarta Vesturlands. Öll aðstaða, salerni, sturtur, þvottavél, eldunaraðstaða, leiktæki fylgir með.

Tilboð: Tvær nætur með rafmagni fyrir tvo, börn yngri en 18 ára frítt. Kostar 7.500 kr. Verð á gjafabréfi 5.000 kr.

Hjá okkur getur þú nýtt ferðaávísunina þína.

www.visitdalir.is 

Fyrir nánari upplýsingar og pantanir á gjafabréfum sendið póst á dalahestar@gmail.com eða  thecastle370@gmail.com

Smelltu hér til að skoða fleiri gjafabréf. 

 
Útgerðin Ólafsvík - Gjafabréf

Gefðu íslenska hönnun í jólagjöf!

Útgerðin er ný verslun sem selur íslenska hönnun í bland við sælkeravörur og aðrar sérvaldar hönnunarvörur í gamla Pakkhúsinu í hjarta Ólafsvíkur.

Pakkhúsið er eitt af elstu húsum á Snæfellsnesi og á sér ríka sögu af kaupmennsku og verslun sem okkur er heiður að taka þátt í að halda áfram að skrifa.

Við tökum fagnandi á móti þér og þínum.

Útgerðin Ólafsvík

Gjafabréf Útgerðarinnar má sjá hér. 

Þjóðgarðurinn Snæfellsjökull - Boðskort í fræðslugöngu

Velkomin í fræðslugöngur með landvörðum í Þjóðgarðinum Snæfellsjökli sumarið 2021!

Fræðslugöngur eru í boði frá lok júní til ágúst 2021.

Heillandi náttúra og merkar sögulegar minjar urðu til þess að Þjóðgarðurinn Snæfellsjökull var stofnaður 28. júní 2001. Markmiðið er að auðvelda fólki að ferðast um svæðið og kynnast því. Hann er fyrsti þjóðgarður á Íslandi sem nær í sjó fram. Sérstaða þjóðgarðsins felst í nálægðinni við sjóinn og samspili mannlífs og náttúru. Þjóðgarðar eru þjóðareign og er öllum frjálst að fara um þá, samkvæmt þeim reglum sem um þá gilda.
Þjóðgarðsvörður sér um daglegan rekstur þjóðgarðsins í umboði Umhverfisstofnunar. Yfir sumarmánuðina starfa þar landverðir við fræðslu, upplýsingagjöf, eftirlit og umhirðu. Skipulagðar gönguferðir eru nokkrum sinnum í viku. Gestir eru hvattir til að leita upplýsinga og fræðslu hjá starfsfólki þjóðgarðsins. Mjög fjölbreytt dagskrá er í Þjóðgarðinum á sumrin.
Bæklingar og annað kynningarefni um lífríki Þjóðgarðsins er til á nokkrum tungumálum og má nálgast þá í upplýsingamiðstöð í Gestastofu á Malarrifi.

Nánari upplýsingar á snaefellsjokull.is eða facebook.com/ThjodgardurinnSnaefellsjokull 

Boðskortinu má hlaða niður með því að smella á myndina hér að neðan: Boðskort í fræðslugöngur í Þjóðgarðinum Snæfellsjökli

 

Smelltu hér til að sjá fleiri gjafabréf!

Hótel Búðir - Gjafabréf

 Gefðu ógleymanlega upplifun í einu fegursta sveitahóteli landsins!

  • Gjafabréf á Hótel Búðir: gisting í eina nótt í tveggja manna herbergi (loft/súðaherbergi) ásamt þriggja rétta veislukvöldverð „eftir kenjum kokksins“ og morgunverðarhlaðborði. Verð 39.900 kr. 

  • Dekur gjafabréf á Hótel Búðir: gisting í eina nótt í tveggja manna deluxe herbergi ásamt fimm rétta veislukvöldverði „eftir kenjum kokksins“ og morgunverðarhlaðborði. Verð 59.900 kr.

  • Lúxus gjafabréf á Hótel Búðir: gisting í tvær nætur í tveggja manna deluxe herbergi ásamt fimm rétta veislukvöldverði „eftir kenjum kokksins“ bæði kvöldin og morgunverðarhlaðborði báða dagana. Einnig bíður óvæntur glaðningur gesta á herbergi við komu. Verð 97.400 kr.

Gjafabréfin gilda í 12 mánuði frá útgáfu og gilda ekki yfir sumartímabil eða frá 15. Maí til 30. September.

Gjafabréfin eru fáanleg á heimasíðu Hótel Búðir hér https://store.budir.is/ 

Einnig er hægt að hafa samband við okkur með tölvupósti á budir@budir.is
Það er velkomið að nýta ferðagjöfina við kaup á gjafabréfi.

Smellið hér til að skoða fleiri gjafabréf!

Hótel Egilsen - Gjafabréf

Það er auðvelt að skapa ævintýri í Hólminum!

  • Gjafabréf á Hótel Egilsen: gisting í eina nótt í tveggja manna superior herbergi ásamt sex rétta kvöldverð á Sjávarpakkhúsinu og morgunverð á hótelinu. Verð 39.900 kr.

  • Lúxus gjafabréf á Hótel Egilsen: gisting í tvær nætur í tveggja manna superior herbergi ásamt sex rétta kvöldverð á Sjávarpakkhúsinu annað kvöldið og morgunverð á hótelinu báða dagana. Verð 54.900 kr.

Gjafabréfin gilda í 12 mánuði frá útgáfu og gilda ekki yfir sumartímabil eða frá 15. Maí til 30. September.

 

Gjafabréfin eru fáanleg á heimasíðu Hótel Egilsen hér https://store.egilsen.is/

Einnig er hægt að hafa samband við okkur með tölvupósti á egilsen@egilsen.is
Það er velkomið að nýta ferðagjöfina við kaup á gjafabréfi.

Smellið hér til að skoða fleiri gjafabréf!

Snorrastofa - Gjafabréf

Leyfðu sögunni að heilla þína nánustu!

Reykholt er einn sögufrægasti staður landsins. Sagnaritarinn, fræðimaðurinn og höfðinginn Snorri Sturluson settist að í Reykholti 1206 og var veginn þar haustið 1241.  Sýningin Saga Snorra er opin alla virka daga frá kl 10 – 17 og alla daga yfir sumarið.

Gjafabréfið gildir fyrir tvo fullorðna en frítt er fyrir börn 16 ára og yngri. Nánari upplýsingar og pantanir á gestastofa@snorrastofa.is 

Smellið hér til að skoða fleiri gjafabréf!

Háafell Geitfjársetur - Gjafabréf
Gefðu upplifun í geitaheimsókn, fóstur eða öskju með geitaafurðum!
 
Á Háafelli í Borgarfirði hefur verið staðið að verndun íslensku geitarinnar og nýtingu afurða þeirra í yfir 30 ár. Með þrautseigju hefur tekist að byggja upp geitfjárbú þar sem þróaðar hafa verið fjölbreyttar geitaafurðir, bæði matvara og húðvörur. 
 
Ýmsir möguleikar á gjafabréfum. Setjum saman gjafaöskjur eftir óskum. 
 
Fyrir frekari upplýsingar hafið samband haafell@gmail.com eða s. 845 2331
 

 

Blómasetrið/Kaffi Kyrrð - Gjafabréf

Gefðu fallega og nærandi upplifun í jólagjöf!

Gefðu yndislega upplifun í jólagjöf! Gisting í fallegum íbúðum á einstökum stað í Borgarnesi. 

Gefðu fallega og nærandi upplifun í jólagjöf. Ljúf stund í notalegu og töfrandi umhverfi Kaffi Kyrrðar. 

Það er hægt að panta í gegnum síma hjá okkur 437-1878 eða í gegnum tölvupóst: blomasetrid@blomasetrid.is

Blómasetrið-Kaffi Kyrrð

Smellið hér til að skoða fleiri gjafabréf!

Vatnshellir - Gjafabréf

Hellaferð er einstök upplifun fyrir fjölskylduna!

Ferðin niður í þennan 8000 ára gamla hraunhelli tekur um 45 mínútur þar sem gestir fylgja leiðsögumanni um 200 metra inn í hellinn og um 35 metra undir yfirborðið. Fróðleg, áhugaverð og skemmtileg ferð sem smellpassar í jólapakkann. 

Nánari upplýsingar á jólagjafavefsíðu Summit Adventure Guides, www.jolagjofin.is 

Smellið hér til að skoða fleiri gjafabréf!

Rútuferðir - Gjafabréf

Gefðu ævintýraferð uppá Snæfellsjökul!

Hvernig væri að gefa ferð á Snæfellsjökul með snjóbíl og leiðsögumanni.  Þú finnur kraftinn frá jöklinum og útsýnið er stórkostlegt, þessi blanda gefur manni einstaka orku.  

Verð frá 9.000,- á mann

Sendu okkur póst á rutuferdir@simnet.is til að panta gjafabréf eða fá nánari upplýsingar.

Starfsfólk Rútuferða ehf óska þér og þínum góðra jóla.

 

 

Smiðjuloftið - Gjafabréf

Bjóddu fjölskyldunni eða vinunum í hæstu hæðir!

Upplifun í jólapakkann

Smiðjuloftið, afþreyingarsetur á Akranesi býður upp á frábæra skemmtun fyrir alla aldurshópa. Tilvalið fyrir fjölskyldur og vinahópa að eiga góða stund saman í leik og fjöri.

Upplifun í hæstu hæðum

Klifur í öryggislínu á 8 metra háum vegg með starfsmanni í 45 mínútur. Verð 15.000kr fyrir allt að 5 gesti.

Stóri fjölskyldu- og vinapakkinn

Þið hafið Smiðjuloftið út af fyrir ykkur. Allskyns afþreying á staðnum, svo sem klifur, mini-zipline, rólur, trampólín, pool, fótboltaborð, spil, litir, dúkkukrókur ofl. Kaffi og sætur moli í boði, en einnig frjálst að taka með eigin veitingar.
Klifur í öryggislínu á 8 metrar háa klifurveggnum okkar undir leiðsögn þjálfara. Opinn hljóðnemi á efri hæðinni fyrir söngfugla og uppistandara fjölskyldunnar. Samsöngur með tónlistarkennara í lokin ef stemmning er fyrir því.
Tveir starfsmenn í húsinu.

Verð fyrir tvo tíma: 35.000 + 1000kr á mann eftir 10 manns.

Litli fjölskyldu- og vinapakkinn

Þið hafið Smiðjuloftið út af fyrir ykkur. Allskyns afþreying á staðnum, svo sem klifur (ekki línuklifur) rólur, trampólín, pool, fótboltaborð, spil, litir, dúkkukrókur ofl. Velkomið að taka með eigin veitingar. Einn starfsmaður í húsinu.

Verð fyrir tvo tíma: 20.000 + 1000kr á mann eftir 10 manns.

Gjafabréf í Fjölskyldutíma

Nú getur þú boðið börnunum og barnabörnunum upp á frábæra samverustund í Fjölskyldutíma á sunnudegi á Smiðjuloftinu. Verð fyrir hvert barn er 1000 krónur. Hægt að útbúa gjafabréf fyrir hvern einstakling eða eitt fyrir systkinahópinn. 

10 skipta kort í Fjölskyldutíma á sunnudögum
Sniðugt að láta kortið fylgja með jólakortinu til barnafjölskyldna. Verð: 7500 kr.

Smiðjuloftið.is 

Ef þú hefur einhverjar spurningar eða vilt panta gjafabréf hafðu þá samband við smidjuloftid@smidjuloftid.is

Smellið hér til að sjá fleiri gjafabréf!

Víðgelmir - Gjafabréf

Upplifun er tilvalin gjöf fyrir þá sem eiga allt! 

Heimsókn í stærsta hraunhelli á landinu, Víðgelmi, er einstök skemmtun sem hentar öllum meðlimum fjölskyldunnar!

The Cave Víðgelmir

Pantaðu gjafabréf hér. 

Smellið hér til að skoða fleiri gjafabréf!

Bjarg Borgarnesi - Gjafabréf
Huggulegheit og magnað útsýni á besta stað í bænum! 
 
Lítið og huggulegt fjölskyldurekið gistihús í gömlum bóndabæ í Borgarnesi.
 
Kyrrðin er algjör, útsýnið magnað en stutt í alla þjónustu. 
 
Bjarg Borgarnesi býður upp á:
  • Gjafabréf í gistingu í 4-6 m. bústað
  • Gjafabréf í gistingu í stúdíó-íbúð 
  • Gjafabréf í gistingu í herbergi án baðs
  • Gjafabréf upp í gistingu fyrir upphæð að eigin vali
Ef bókaðar eru 2 nætur eða fleiri er veittur 20% afsláttur af gistingu og hægt er að nýta ferðagjöfina við kaup á gjafabréfi.
 
Upplýsingar um gjafabréfin eru veittar á bjarg@simnet.is, í síma: 437 1925 & 864 1325 eða í skilaboðum hér á FB.
 

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 7.400 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík Bjarteyjarsandur