Leita
Finnur þú það ekki? Prófaðu leitina :)
1. júlí kl. 20:00-22:00

Kristjana Stefáns og Svavar Knútur í Gömlu Stykkishólmskirkju

Úr drunga og doða sóttkvía og -kvíða rís söngur og gleði eins og fuglinn Fönix úr öskunni. Kristjana Stefáns og Svavar knútur munu geysast um landið í júlí næstkomandi á sinni árlegu sumartónleikaferð undir yfirskriftinni: "Með Faðmlög í farteskinu"

Kristjana og Svavar Knútur munu á ferð sinni heimsækja alla helstu landsfjórðungana og bæta fyrir þyngsl vormánaðanna sem skriðu hjá í móki samkomubanns með húmor og hlýju, krúttlegum kvöldsöngvum, angurværum Abbalögum og sígildum söngperlum. Þá munu sagðar sögur, lesin ljóð og klassísk íslensk kvöldvökustemmning höfð í hávegum. Það verður stutt í hláturinn og líka í tárin, enda víða komið við í lystigarði mannlegrar tilvistar.

Kristjana og Svavar hafa síðan 2008 haft unun af því að syngja saman dúetta og komið fram víða um land við gríðargóðar undirtektir. Nú ferðast þau um landið þvert og endilangt með splunkunýja dúettaplötu í farteskinu, en hún ber nafnið "Faðmlög".

Ferðalagið hefst í gömlu kirkjunni í Stykkishólmi 1. júlí.
Tónleikarnir hefjast kl. 20.00 Miðaverð er kr. 4.000 og frítt fyrir börn 14 ára og yngri.

MIKILVÆG TILKYNNING: Í ljósi breytinga sem hafa verið gerðar á samkomureglum munu verða aðeins fleiri miðar til sölu, en við munum að sjálfsögðu gera ráð fyrir því að fólk sem hefur áhyggjur af heilsu sinni fái andrúm á tónleikunum. Engir tónleikar munu nýta húsrými til fulls.

Miðasala er á https://tix.is/is/event/9989/sumartonleikar-kristjonu-stefans-og-svavars-knuts/

Facebook viðburður: https://www.facebook.com/events/714598739396224/

 

Skoða fleiri viðburði

Viðburðadagatal
GPS punktar
N65° 4' 25.884" W22° 43' 18.444"
Staðsetning
Stykkishólmskirkja Church In Iceland, Borgarbraut, Stykkishólmur

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík Bjarteyjarsandur