Leita
Finnur þú það ekki? Prófaðu leitina :)

Gefum hvort öðru gleði og góða upplifun

Núna er skammdegið allsráðandi, en jólin nálgast og því kjörið að tendra ljós, horfa fram á veg og hugsa um hvernig við getum glatt hvort annað og glaðst saman á aðventunni og yfir jólahátíðina. 
 
Markaðsstofa Vesturlands vill auðvelda landanum jólagjafainnkaupin með því að taka saman og kynna ýmis tilboð og gjafabréf sem eru í boði hjá ferðaþjónustuaðilum á Vesturlandi. Með þessu viljum við líka hvetja Íslendinga til að standa með og styðja við ferðaþjónustufyrirtækin og gefa hvort öðru um leið ánægjulega upplifun og gleði með gjafabréfi í upplifun. Kynningin Jólagjöfin í ár er á www.vesturland.is - skoðið og þið munið finna ýmislegt áhugavert, spennandi og skemmtilegt til að setja í skóinn eða jólapakkann hjá þeim sem ykkur þykir vænt um ❤️
 

Markaðsstofan mælir með því að fyrirtæki bjóði þann möguleika að fólk geti nýtt ferðagjöfina við kaup á gjafabréfi og geti þannig framlengt ferðagjöfina sína fram á næsta ár ef það hentar betur en ferðagjöfin gildir fram að áramótum.

Við bjóðum alla velkomna að dvelja og njóta með okkur á Vesturlandi ❤️
 

Að lokum viljum við, starfsfólk Markaðsstofu Vesturlands, hvetja ykkur, kæru samlandar, til að versla við ferðaþjónustuna, standa við bakið á hvort öðru og hugsa jákvætt til framtíðar. 

Úrval gjafabréfa má skoða hér.

vesturland.is

 


Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 7.400 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík Bjarteyjarsandur