Leita
Finnur þú það ekki? Prófaðu leitina :)

Sælingsdalslaug

Sundlaug og tjaldsvæði

Sundlaugin:
25 metra útilaug. Við laugina er einnig vaðlaug, heitar pottar og og gufubað.
Opnunartími:
- 1.júní til 19.ágúst er opið alla daga vikunnar frá kl.10-18
- 20.ágúst til 31.ágúst verður opið frá 12-18

Tjaldsvæðið:
Opið frá 1.júní til 31.ágúst
Þar má finna í næsta nágrenni m.a. sundlaug, fallegar gönguleiðir, dýragarð (5mín akstur) og miklar söguslóðir. Skemmtilegt leiksvæði í nágrenni. Á svæðinu er salerni, heitt og kalt vatn ásamt rafmagni.

Verð
-
Fullorðnir: 1500kr.
- Ellilífeyrisþegar og öryrkjar: 1200kr.
- Frítt fyrir börn (16 ára og yngri)
- Rafmagn fyrstu nótt / eina nótt 1000kr.-
- Rafmagn - eftir fyrstu nótt með rafmagni 500kr.-

a84a35630bc8d78585cbfea59b64c276
Sælingsdalslaug

Laugar í Sælingsdal

GPS punktar N65° 14' 43.944" W21° 48' 5.630"
Opnunartími Allt árið

Sælingsdalslaug - ferðaupplýsingar

Úr gagnagrunni Ferðamálastofu Íslands

Saga og menning
0.11 km
Guðrúnarlaug

Í Laxdælu er sagt frá því að Guðrún Ósvífursdóttir hafi löngum dvalið við laug á Laugum í Sælingsdal. Í Sturlungu er getið um baðlaugina og svo virðist sem hún hafa verið mikið notuð.

Talið er að laugin hafi eyðilagst í skriðuhlaupi en árið 2009 var hlaðin ný laug í nágrenni þess þar sem sú eldri er talin hafa verið og nefnist hún Guðrúnarlaug. Þá var einnig hlaðið blygðunarhús þar sem hafa má fataskipti.

Laugin er opin allt árið og er frítt í hana.

Saga og menning
7.58 km
Hvammur í Dölum

Um 890 nam Auður djúpúðga Dalalönd frá Dögurðará í utanverðri Hvammsveit til Skraumuhlaupsár í Hörðudal.

Bústað sinn reisti hún í Hvammi og þar bjuggu ættingjar hennar um langan tíma.

Auður var kristin kona. Ættfaðir Sturlunga, Sturla Þórðarson (1115-1183) bjó í Hvammi. Hann var 9. ættliður frá Auði djúpúðgu. Þar fæddust synir hans Þórður, Sighvatur og Snorri.

Árni Magnússon prófessor og handritasafnari (1663-1730) ólst upp í Hvammi. Prestar voru löngum þaulsætnir í Hvammi. Frá því um siðaskipta til 1944 sátu staðinn aðeins 15 prestar.

Saga og menning
20.63 km
Hjarðarholtskirkja í Laxárdal

Hjarðarholtskirkja er í Hjarðarholtsprestakalli í Snæfells- og Dalaprófastsdæmi. Hún var reist 1904 og vígð sama ár. Hún er krosskirkja úr timbri með allháum ferstrendum turni, járnvarin. Rögnvaldur Ólafsson var húsameistari og kirkjan mun hafa verið prófverkefni hans. Hún er minnst þriggja krosskirknanna, sem hann teiknaði með gríska krossinn að fyrirmynd.

Kirkjunni hefur verið breytt nokkuð frá upprunalegri gerð, einkum að innan. Skírnarsárinn, gerður af Guðmundi Kristjánssyni, bónda og myndskera á Hörðubóli, er meðal margra góðra gripa hennar. Silfurskálin í honum var gjöf til kirkjunnar 1964.

Katólskar kirkjur staðarins voru helgaðar Jóhannesi skírara. Kirkjur, sem tilheyra Hjarðarholtsprestakalli eru Hjarðarholt, Kvennabrekka, Stóra-Vatnshorn og Snóksdalur.

Náttúra
3.94 km
Fellsströnd og Skarðsströnd

Leiðin um Klofningsveg nr. 590 liggur um Hvammssveit, Fellsströnd, Klofning, Skarðsströnd og Saurbæ. Í daglegu tali kallast það að fara fyrir strandir. Mörk Fellsstrandar og Hvammssveitar eru um Hólsá og nær Fellsströnd að Ormsstöðum, þar tekur Klofningur við.

Þéttbýlt var áður á Fellsströnd, en nú eru margar jarðir komnar úr fastri búsetu. Skógrækt ríkisins á jörðina Skóga, en þaðan er nær samfellt skóglendi að Staðarfelli. Staðarfell er fornt höfuðból og kirkjustaður. Þar var rekin húsmæðraskóli 1927-1976, meðferðarheimili SÁÁ frá 1980-2018 og þar er félagsheimili Fellsstrendinga.

Utan við Ytrafellsmúla eykst undirlendið og þar er nokkurt skóglendi og eyjar liggja fyrir landi. Flekkudalur og Galtardalur ganga inn á milli fjallanna og þar liggur Efribyggð. Af Efribyggðarvegi er mikið og fallegt útsýni yfir eyjarnar fyrir mynni Hvammsfjarðar. Kjarlaksstaðir eru landnámsjörð Kjarlaks gamla. Eftir að Flekkudalsá og Galtardalsá sameinast heitir Kjarlaksstaðaá. Í Vogi ólst Bjarni Jónsson upp og kenndi sig við bæinn. Við þjóðveginn er minnisvarði um hann.

Fram til 1918 voru mörk Skarðsstrandarhrepps frá Ormsstöðum að Fagradalsá, þá klofnaði hreppurinn í Klofningshrepp og Skarðshrepp. Héldu þau hreppamörk til 1986 að Klofningshreppur klofnaði um Klofning milli Fellsstrandarhrepps og Skarðshrepps.

Í Dagverðarnesi snæddi Auður Djúpúðga dögurð í leit sinni að öndvegissúlunum. Núverandi kirkja í Dagverðarnesi var byggð árið 1934. Úti fyrir Dagverðarnesi liggur Hrappsey þar sem rekin var fyrsta veraldlega prentsmiðja landsins. Klofningur er náttúrulegt skarð og liggur vegurinn um það. Á Klofningi er hringsjá og gott útsýni yfir eyjarnar og út Snæfellsnesið.

Eitt helsta höfuðból landsins er Skarð á Skarðsströnd. Það er landnámsjörð Geirmundar heljarskinns og þar hefur sama ættin búið frá 11. öld. Bændakirkja er á Skarði og þar er meðal annars altaristafla sem Ólöf ríka Loftsdóttir á að hafa gefið kirkjunni. Neðan við Skarð er Skarðsstöð. Þar er mikið fuglalíf og menningarminjar. Skarðsstöð var fyrsti löggilti verslunarstaður Dalasýslu 1884 og þar er nú útgerðarhöfn Dalamanna.

Félagsheimilið Röðull liggur neðan vegar við Búðardalsá. Í Röðli eru oft sýningar tengdar mannlífi og menningu Skarðsstrendinga. Í Búðardal bjó á 18. öld Magnús Ketilsson sýslumaður, mikill framfaramaður og stundaði merkar jarðræktartilraunir og skrifaði fjölda fræðigreina. Ytri-Fagridalur er innsti bær á Skarðsströnd og landnámsjörð Steinólfs hins lága. Þar yfir trónir Hafratindur, fjall Dalanna.

Náttúra
6.06 km
Krosshólaborg

Landnámskonan Auður djúpúðga nam land í Dalasýslu og reisti bæinn Hvamm.

Hún var kristin og segir sagan að hún hafi reist kross á Krosshólaborg og farið þangað til að biðja.

Kvenfélagskonur í Dölum reistu minnisvarða, steinkross um Auði djúpuðgu árið 1965. Við það tækifæri var útimessa við krossinn og mættu 600 manns.

Sumarið 2008 var sett upp söguskilti á staðnum.

Saga og menning
0.24 km
Laugar í Sælingsdal

Guðrún Ósvífursdóttir ein af aðalsöguhetjum Laxdælu er fædd og uppalin að Laugum.

Á Laugum er jarðhiti og var borað eftir heitu vatni 1964-1965. Öll hús á staðnum eru hituð upp með heitu vatni.

Yfirbyggð sundlaug byggð þar 1932.

Nálægt Laugum er álfaborgin Tungustapi.

Aðrir

Veiðistaðurinn
Veitingahús
  • Vesturbraut 12a
  • 370 Búðardalur
  • 434-1110
Hótel Ljósaland
Gistiheimili
  • Saurbær
  • 371 Búðardalur
  • 776-4103, 776-4103

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 7.400 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík Bjarteyjarsandur