Leita
Finnur þú það ekki? Prófaðu leitina :)

Traðir Gistiheimili

Traðir er lítið gistihús alveg við sjávarsíðuna, staðsett við vestari endann á Löngufjörum og býður upp á gistingu í uppábúið rúm í 6 x 2ja manna herbergi og 2 herbergi með kojur. Morgunmatur innifalin. Kaffihús og veitingastaður opið daglega frá 1. maí til 1. október.

Tilvalinn staður fyrir þá sem vilja koma og leika sér á hestum á fjörunum hvort sem þeir vilja koma með eigin hesta eða fara með hestaleigunni sem er á staðnum. Einnig er hægt að koma og fá sér kaffi og njóta hinnar miklu náttúrufegurðar sem staðurinn býður upp á.

Gistiaðstaða, hestaleiga, veiðileyfi í Staðaránni og veitingasala á staðnum. Erum með fína aðstöðu fyrir hópa sem vilja sjá um sig sjálfir og geta þá pantað aðgang að eldhúsi.

Nóg af beitarhólfum fyrir hestana, góð aðstaða til að geyma reiðtygi og leggja á. Einungis 5 mínútna reið niður að fjörunni.

Traðir Gistiheimili

Traðir

GPS punktar N64° 48' 15.354" W23° 0' 6.919"
Sími

431-5353

Traðir Gistiheimili - ferðaupplýsingar

Úr gagnagrunni Ferðamálastofu Íslands

Aðrir

Þórunn Hilma Svavarsdóttir
Gönguferðir
  • Neðri-Hóll
  • 356 Snæfellsbær
  • 893-5240
Saga og menning
22.90 km
Búðakirkja

Búðakirkja er lítil svört timburkirkja sem heillar marga og fólk kemur víða að úr heiminum til að innsigla þar ást sína.

Náttúra
22.72 km
Búðir

Búðir er vinsæll áningarstaður. Þar er mikil náttúrufegurð, gullnar sandfjörur og úfið hraunið með miklum gróðri og fuglalífi. Búðakirkja er lítil svört timburkirkja sem heillar marga og fólk kemur víða að úr heiminum til að innsigla þar ást sína. Falleg fjallasýn er frá Búðum og Snæfellsjökull skartar þar sínu fegursta.

Búðahraun sem er eitt fegursta gróðurlendi Íslands var friðlýst árið 1977. Svæðið einkennist af úfnu hrauni og fjölbreyttum gróðri og dýralífi. Gullinn fjörusandur eins og nágrenni Búðahrauns er fátíður í íslenskri náttúru. Á Búðum eru menningarminjar um mikilvægan kafla úr atvinnusögu Íslands, en þar var verslunarhöfn strax á fyrstu öldum Íslandsbyggðar og þaðan mun hafa verið útræði allt frá landnámsöld.

Náttúra
3.89 km
Ölkelda

Við bæinn Ölkeldu er laug þar sem koldíoxíð (CO2) kemur upp með grunnvatninu. Hægt er að smakka á ölkelduvatninu.

Náttúra
20.01 km
Bjarnarfoss

Bjarnarfoss er tignarlegur foss sem fellur fram af hamrabrún fyrir neðan Mælifell ofan við Búðir. Fossinn ásamt stuðlabergshömrunum í kring er á Náttúruminjaskrá. Stórt bílastæði er fyrir neðan fossinn og góður göngustígur upp í brekkurnar undir fossinum. Áningastaðurinn við Bjarnarfoss hlaut Umhverfisverðlaun Ferðamálastofu 2018.

Saga og menning
1.14 km
Staðastaður

Staðastaður er prestsetur og þar var prestur Ari fróði árin 1076-1148. Hann er þekktur fyrir ritun sína á Íslendingabók, sem er elsta og eitt merkasta sagnfræðirit Íslendingasögunnar. Minnisvarði um Ara fróða eftir Ragnar Kjartansson stendur skammt frá kirkjunni.Núverandi kirkja er steinsteypt reist á árunum 1942- 1945.

Sögusviðið í Kristnihaldi undir Jökli eftir Halldór Kiljan Laxness er að nokkru leiti komið til á Staðastað.

Dýralíf
19.97 km
Sunnanvert Snæfellsnes

Sunnanvert Snæfellsnes

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 7.400 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík Bjarteyjarsandur