Leita
Finnur þú það ekki? Prófaðu leitina :)

Hótel Langaholt

Gistihúsið Langaholt, á sunnanverðu Snæfellsnesi, er umfaðmað stórbrotinni náttúru. Til norðurs mikilfenglegur fjallgarður, til suðurs gullin strönd og til vesturs blasir við Snæfellsjökull í allri sinni dýrð.

Gistingin í Langaholti telur 40 herbergi, öll með sér baði.

Í Langaholti er metnaðarfullur sjávarréttaveitingastaður þar sem kappkostað er að galdra fram ljúffenga rétti úr því besta sem hafið við Snæfellsnes gefur.

Tjaldsvæði er einnig í boði og þaðan er stutt að skreppa á ströndina til að njóta og leika við sjóinn.

Í túnfætinum er 9 holu "Links" golfvöllur í mjög náttúrulegu umhverfi og er undirlag hans uppgróinn foksandur af ströndinni og öll upplifun verður mjög "Skosk".

Hótel Langaholt

Ytri-Garðar Staðarsveit

GPS punktar N64° 48' 50.040" W23° 8' 29.764"
Vefsíða langaholt.is
Opnunartími Allt árið
Þjónusta Opið allt árið Aðgengi fyrir hreyfihamlaða Aðgengi fyrir hjólastóla Almenningssalerni Hótel / gistiheimili Selalátur Veitingastaður Tjaldsvæði Sundlaug Aðgangur að interneti Sturta Golfvöllur Tekið við greiðslukortum Bar

Sumarnótt á Snæfellsnesi

Einnar nætur gisting og gómsætur kvöldverður fyrir tvo.​ - verð 29.900kr

Hafðu samband
Tilboð

Gisting og Golf á Snæfellsnesi

Golf daggjald fyrir tvo í 2 daga og gisting í 2 nætur í Comfort herbergi. Verð 29.900 kr.

Hafðu samband
Tilboð

Hótel Langaholt - ferðaupplýsingar

Úr gagnagrunni Ferðamálastofu Íslands

Aðrir

Þórunn Hilma Svavarsdóttir
Gönguferðir
  • Neðri-Hóll
  • 356 Snæfellsbær
  • 893-5240
Náttúra
15.95 km
Búðir

Búðir er vinsæll áningarstaður. Þar er mikil náttúrufegurð, gullnar sandfjörur og úfið hraunið með miklum gróðri og fuglalífi. Búðakirkja er lítil svört timburkirkja sem heillar marga og fólk kemur víða að úr heiminum til að innsigla þar ást sína. Falleg fjallasýn er frá Búðum og Snæfellsjökull skartar þar sínu fegursta.

Búðahraun sem er eitt fegursta gróðurlendi Íslands var friðlýst árið 1977. Svæðið einkennist af úfnu hrauni og fjölbreyttum gróðri og dýralífi. Gullinn fjörusandur eins og nágrenni Búðahrauns er fátíður í íslenskri náttúru. Á Búðum eru menningarminjar um mikilvægan kafla úr atvinnusögu Íslands, en þar var verslunarhöfn strax á fyrstu öldum Íslandsbyggðar og þaðan mun hafa verið útræði allt frá landnámsöld.

Saga og menning
16.13 km
Búðakirkja

Búðakirkja er lítil svört timburkirkja sem heillar marga og fólk kemur víða að úr heiminum til að innsigla þar ást sína.

Náttúra
10.67 km
Ölkelda

Við bæinn Ölkeldu er laug þar sem koldíoxíð (CO2) kemur upp með grunnvatninu. Hægt er að smakka á ölkelduvatninu.

Saga og menning
7.92 km
Staðastaður

Staðastaður er prestsetur og þar var prestur Ari fróði árin 1076-1148. Hann er þekktur fyrir ritun sína á Íslendingabók, sem er elsta og eitt merkasta sagnfræðirit Íslendingasögunnar. Minnisvarði um Ara fróða eftir Ragnar Kjartansson stendur skammt frá kirkjunni.Núverandi kirkja er steinsteypt reist á árunum 1942- 1945.

Sögusviðið í Kristnihaldi undir Jökli eftir Halldór Kiljan Laxness er að nokkru leiti komið til á Staðastað.

Náttúra
13.24 km
Bjarnarfoss

Bjarnarfoss er tignarlegur foss sem fellur fram af hamrabrún fyrir neðan Mælifell ofan við Búðir. Fossinn ásamt stuðlabergshömrunum í kring er á Náttúruminjaskrá. Stórt bílastæði er fyrir neðan fossinn og góður göngustígur upp í brekkurnar undir fossinum. Áningastaðurinn við Bjarnarfoss hlaut Umhverfisverðlaun Ferðamálastofu 2018.

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 7.400 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík Bjarteyjarsandur