Svæðisgarðurinn Snæfellsnes hefur þróað Sælkeraferðir um Snæfellsnes s.l. misseri. Á Sælkeraleiðinni eru áfangastaðir sem varpa ljósi á matarmenningu Snæfellsness. Boðið er upp á margvíslega upplifun þar sem ferðlangar kynnast matvælaframleiðslu, sögu og hefðum og síðast en alls ekki síst eru veitingastaðir á leiðinni sem bjóða upp á mat úr héraði.
Við vonum að þið njótið en munið ávallt að athuga opnunartíma staða þar sem hann getur breyst.
Sælkeraleiðin er í stöðugri þróun og við hlökkum til að bjóða upp á fleiri áfangastaði í náinni framtíð.
