Leita
Finnur þú það ekki? Prófaðu leitina :)

Akranesvitar

Ef þú ert mikill ljósmyndaunnari eða hefur áhuga að kanna nýja hluti á Íslandi, þá er Vitinn á Akranesi tilvalinn staður fyrir þig. Þegar komið er á höfnina eru tveir vitar. Sá stærri er opinn fyrir almenningi, þú getur farið upp og njótið útsýnisins. Vitinn er notaður undir listarsýningar og ljósmyndarsýningar ásamt eru tónleikar haldnir þar. Upplýsingamiðstöð er einnig staðsett í vitanum.

Opið 1. maí - 15. september daglega frá 10:00 til 18:00 og 16. september - 30. apríl þriðjudaga-laugardaga frá 11:00 til 17:00 og eftir samkomulagi fyrir hópa.

6146_1___Selected.jpg
Akranesvitar

Breiðin

GPS punktar N64° 18' 31.900" W22° 5' 42.140"
Sími

894-2500

Opnunartími Allt árið
Flokkar Sýningar

Akranesvitar - ferðaupplýsingar

Úr gagnagrunni Ferðamálastofu Íslands

Aðrir

Reiðhjólaleiga Axels
Hjólaleigur
  • Kirkjubraut 2
  • 300 Akranes
  • 896-1979, 864-1476
Ísland Treasures / Menopause Morph
Ferðasali dagsferða
  • Skagabraut 25
  • 300 Akranes
  • 824 1640
Ari Grétar Björnsson
Ferðaskipuleggjendur
  • Vesturgata 157
  • 300 Akranes
  • 770-6644
Náttúra
2.20 km
Langisandur

Langisandur, neðan við sundlaugina og önnur íþróttamannvirki við Jaðarsbakka, er ein besta baðströnd landsins. Þeim fjölgar sífellt sem skella sér í sjósund reglulega og nýta sér þá aðstöðu sem búið er að koma upp við Langasand. Langisandurinn er tilvalinn til gönguferða og hvers kyns útivistar, ekki síst fyrir börnin.

Ofan við ströndina hefur verið komið upp skjólsælum palli þar sem gott er að hafa auga með ungunum. Þar er lítið þjónustuhús þar sem hægt er að fá keyptar veitingar, svo sem ís og annað góðgæti sem hæfir útiveru og fallegum góðviðrisdögum. Knattspyrnuhöllin er öllum opin til æfinga og leiks og afþreying því tryggð fyrir breiðan aldurshóp. Í knattspyrnuhöllinni er að finna dótakassa sem öllum er heimilt að ganga í og ganga vel um.

Náttúra
11.83 km
Akrafjall

Einkar formfagurt fjall séð frá Akranesi, mjög víðsýnt er af fjallinu. Vinsælar gönguleiðir upp á Háahnúk (555m) sem er syðrí tindurinn eða Geirmundartind (643m). Gestabók er á Háahnúki.

Akrafjall er eitt þeirra fjalla sem er tiltölulega auðvelt að ganga á og hentar því fjölskyldufólki sérstaklega vel. Það þarf ekki mikla reynslu eða dýran útbúnað til að ganga á Akrafjall þó nauðsynlegur hlífðarfatnaður og lágmarks þrek verði að vera til staðar.

Þegar göngunni lýkur er tilvalið að fara niður á Langasand, gera þar teygjuæfingar og láta svo þreytuna líða úr sér í sundi og slökun eða í heita pottinum í Jaðarsbakkalaug.

Náttúra
4.15 km
Garðalundur

Garðalundur, eða skógræktin eins og heimamenn á Akranesi kalla lundinn jafnan, er skammt ofan Byggðasafnsins í Görðum og við hlið golfvallarins. Í Garðalundi er fjölbreyttur gróður og margar trjátegundir. Mest áberandi eru þó hátt í sextíu ára gömul grenitré sem sjá til þess að þar sé alltaf gott skjól til útivistar. Einnig er að finna fallegar tjarnir í Garðalundi þar sem hægt er að veiða síli, fylgjast með öndum og fleiri fuglum, og jafnvel bregða sér á skauta á veturna. Á síðustu árum hefur stöðugt verið bætt við afþreyingarmöguleikum í Garðalundi en þar eru m.a. ýmis konar leiktæki fyrir börn á öllum aldri, strandblakvöllur og sparkvellir. Einnig er þar líka glæsilegur grillskáli, minigolfbrautir og dótakista með alls kyns leikföngum og áhöldum til útileikja sem gestum er frjálst að nota. Garðalundur er eitt helsta útivistarsvæðið á Akranesi og þar er vinsælt að halda alls kyns mannfagnaði s.s. afmæli og ýmsar hópsamkomur, meðal annars á 17. júní og á Írskum dögum.

Náttúra
6.94 km
Blautós

Blautós og Innstavogsnes
Við bæjarmörk Akraness, norðvestanverð, er friðland Blautóss og Innstavogsnes. Í voginn rennur Berjadalsá úr Akrafjalli vestanverðu. Svæðið er auðugt af fuglalífi og er vel gróðri vaxið. Það býr yfir fallegu landslagi og athyglisverðum jarðmyndunum frá tímum síðustu ísskeiða. Svæðið er töluvert vinsælt útivistarsvæði enda nálægt þéttbýlinu á Akranesi og við botn innstavogs er hesthúsabyggð Akurnesinga.

Svæðið er viðkomustaður margra tegunda farfugla auk þess sem varp þar nokkurt. Margæsir hafast við í Blautósi og Innstavogsnesi á vorin og haustin. Talið er að um fjórðungur margæsarstofnsins noti Blautós og Innstavogsnes ásamt friðlandinu í Grunnafirði á ferðum sínum á milli landa en margæsir sem stoppa á Íslandi verpa í Kanada og hafa síðan vetrarsetu á Írlandi. Æðarvarp er á svæðinu og er leyfilegt að nýta það á sama hátt og tíðkast hefur.

Svæðið gegnir mikilvægu upplýsingahlutverki en það býr yfir fallegum og fjölbreytilegum landslagsþáttum ásamt því að bjóða upp á afþreyingarmöguleika sem hægt er að tengja við græna ferðamennsku s.s. gönguferðir og hestaferðir.

Aðrir

GAGA Design
Handverk og hönnun
  • Smiðjuvellir 17
  • 300 Akranes
  • 847-2306

Aðrir

Skessubrunnur
Veitingahús
  • Tunga 1
  • 301 Akranes
  • 863-1750

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík