Harmony sem á íslensku þýðir Samspil er regnhlífarhugtak yfir fjölbreytta starfsemi okkar - Benna Líndals og Siggu Ævars.
Harmony gengur út á ákveðna hugmyndafræði gagnvart móður jörð, manneskjunni, dýrahaldi, list, menningu og lífinu almennt - samspili fólks við hvert annað, umhverfi og náttúru.

Við bjóðum uppá allskyns vörur og þjónustu fyrir hestafólk. Þar að auki þrennskonar upplifanir/afþreygingu í anda Slow Travel fyrir fólk sem langar að koma í stutta heimsókn á sveitabæ og kynnast búsmalanum, fólkinu sem þar býr og landinu.

Vörðuð söguganga - Sögustund á vörðu-göngu
Við þræðum leið milli varða sem staðið hafa á útsýnisstöðum um langa hríð og merkt slóð vegfarenda milli bæja og vísað veginn innan héraðs. Við lofum skemmtilegri, lærdómsríkri og áhugaverðri göngu um landnámsjörðina Gufuá í Borgarbyggð.
Þetta er tveggja klst. löng söguganga með endastöð í gömlum fjárhúsum þar sem kíkt verður á búsmalann. Lesa meira

Valin til forystu - Heimsókn í forystu-fjárhús
Að hitta í návígi og kynnast forystufé - sem er einstök skepna, nýlega skilgreind sem sérstakt kyn innan íslenska sauðfjárstofnsins. Í stuttri heimsókn gefst fólki kostur á að kynnast þessari skepnu nánar, sérkennum hennar og sögu, horfa á og snerta. Einstakt tækifæri til að taka myndir og eignast fallegar minningar. Lesa meira

Geitalabb í góðum fíling
Göngutúr undir leiðslögn með geithöfrunum Gandálfi, Fjalari, Kjalari, Óra og Nóra í ósnortinni náttúru jarðarinnar Gufuár. Gangan er skemmtileg, hressandi og afslappandi - allt á sama tíma. Gönguferðin byrjar við fjárhúsin á Gufuá og liggur eftir stíg þaðan út í birkivaxna útjörð jarðarinnar. Hver ganga tekur um 1,5 klukkustund frá upphafi heimsóknar þar til henni er lokið. Lesa meira