Lava Water býður upp á gistingu á sveitabænum Miðhrauni 2 og Lynghaga, staðsett á sunnanverðu Snæfellsnesi. Um er að ræða 6 tegundir gistirýma fyrir samtals 51 manns sem allar bjóða upp á vel búið eldhús, uppábúin rúm, handklæði og frítt WiFi. Tilvalið fyrir bæði einstaklinga og hópa. Hægt er að panta morgunverðarbakka og eins geta hópar 10+ fengið tilboð í morgunmat sem framreiddur er á svæðinu.

Lava Water er góður kostur fyrir þá sem vilja getað eldað sér sjálfir, upplifað kyrrðina í sveitinni og skoðað Snæfellsnesið. Áhugasamir göngugarpar geta jafnvel gengið á fjöll frá Miðhrauni, t.d. Ljósufjöll og Rauðukúlu eða tekið styttri göngur um hraunið sem bærinn hlýtur nafnið af (ekki eru merktar gönguleiðir).

Leikvöllur er á svæðinu með stóru trampolini sem bæði börn og fullorðnir hafa gaman af.

Á bænum er rekið lítið lífrænt sauðfjárbú með u.þ.bþ 80 kindum. Einnig eru hér hundar, hænur og hestar.

Vinsamlegast hafið samband vegna verðlista og bókana.