Leita
Finnur þú það ekki? Prófaðu leitina :)

Golfklúbbur Staðarsveitar

Garðavöllur undir Jökli er á margan hátt sérstæður í hinni fjölbreyttu golfvallarflóru á Íslandi, með stutta fortíð að baki en á að talið er mikla framtíð fyrir sér.

Völlur: Garðavöllur undir jökli
Langaholt, 356 Snæfellsbær
Afgreiðsla:
Sími 4356789
Netfang langaholt@langaholt.is
Vefsíða: www.langaholt .is
Facebook: smellið hér
Opið: Flesta daga 08:00 til 22:00

Það var árið 1997 sem Þorkell Símonarson í Görðum fékk Hannes Þorsteinsson, golfvallaarkitekt til að hanna völlinn. Fluttar voru inn slátturvélar, keyptur gamall traktor og opnað svo í ágúst sama ár og þótti mönnum völlurinn nokkuð gisinn til að byrja með.

Svo er aðstæðum hér í gamla -heimatúninu- í Görðum fyrir að þakka að hægt er yfirleitt að reka golfvöll með einhverju móti en heimatúnið gamla er myndað úr gulum foksandi sem hefur hlaðist upp í sunnan ofsaveðrum í gegnum aldirnar. Þetta skilar sér sem harðgert, þurrt land og á allan hátt þægilegt og vandræðalítið miðað við það sem víða er. Einnig má taka fram að golfíþróttin sjálf varð til á einmitt svona grónum sandbölum á Bretlandseyjum fyrir mjög löngu síðan en bæta má við að golffróðir menn kalla svona velli "Links".

Það kom senn að því að þeir íbúar í sveitinni sem hvað skemmtilegast þótti að leika golf ákváðu að stofna með sér félagsskap og hlaut klúbburinn nafnið Golfklúbbur Staðarsveitar eftir hinu forna nafni sveitarinnar sem nú er hluti Snæfellsbæjar, en nokkuð var tekist á um nafn. Þetta var í ágúst 1998 og var stofnfundurinn haldinn í gistihúsinu Langaholti að Ytri Görðum og voru stofnfélagar átta talsins. Sumarið 2002 hlaut klúbburinn svo inngöngu í G.S.Í. og eru það óneitanlega þó nokkur tímamót í sögu vallarins og golfiðkunar á Íslandi yfirleitt.

Gaman er að segja frá því að golfvöllurinn er einnig fræðslustígur þar sem á hverri braut eru skilti sem veita upplýsingar um sögu og jarðfræði þess sem fyrir augu ber.

Golfklúbbur Staðarsveitar

Votilækur

GPS punktar N64° 50' 2.170" W23° 14' 51.976"
Vefsíða www.golfklst.is
Opnunartími Allt árið
Þjónusta Gönguleið Fuglaskoðun Hótel / gistiheimili Veitingastaður Tjaldsvæði Golfvöllur
Flokkar Golfvellir

Golfklúbbur Staðarsveitar - ferðaupplýsingar

Úr gagnagrunni Ferðamálastofu Íslands

Aðrir

Gistiheimilið Hof
Gistiheimili
  • Hofgarðar
  • 356 Snæfellsbær
  • 8463897
Nátthagi
Sumarhús
  • Lýsudalur
  • 356 Snæfellsbær
  • 895-8987, 898-7086
Saga og menning
7.86 km
Staðastaður

Staðastaður er prestsetur og þar var prestur Ari fróði árin 1076-1148. Hann er þekktur fyrir ritun sína á Íslendingabók, sem er elsta og eitt merkasta sagnfræðirit Íslendingasögunnar. Minnisvarði um Ara fróða eftir Ragnar Kjartansson stendur skammt frá kirkjunni.Núverandi kirkja er steinsteypt reist á árunum 1942- 1945.

Sögusviðið í Kristnihaldi undir Jökli eftir Halldór Kiljan Laxness er að nokkru leiti komið til á Staðastað.

Saga og menning
10.61 km
Búðakirkja

Búðakirkja er lítil svört timburkirkja sem heillar marga og fólk kemur víða að úr heiminum til að innsigla þar ást sína.

Náttúra
10.61 km
Ölkelda

Við bæinn Ölkeldu er laug þar sem koldíoxíð (CO2) kemur upp með grunnvatninu. Hægt er að smakka á ölkelduvatninu.

Náttúra
10.43 km
Búðir

Búðir er vinsæll áningarstaður. Þar er mikil náttúrufegurð, gullnar sandfjörur og úfið hraunið með miklum gróðri og fuglalífi. Búðakirkja er lítil svört timburkirkja sem heillar marga og fólk kemur víða að úr heiminum til að innsigla þar ást sína. Falleg fjallasýn er frá Búðum og Snæfellsjökull skartar þar sínu fegursta.

Búðahraun sem er eitt fegursta gróðurlendi Íslands var friðlýst árið 1977. Svæðið einkennist af úfnu hrauni og fjölbreyttum gróðri og dýralífi. Gullinn fjörusandur eins og nágrenni Búðahrauns er fátíður í íslenskri náttúru. Á Búðum eru menningarminjar um mikilvægan kafla úr atvinnusögu Íslands, en þar var verslunarhöfn strax á fyrstu öldum Íslandsbyggðar og þaðan mun hafa verið útræði allt frá landnámsöld.

Náttúra
7.72 km
Bjarnarfoss

Bjarnarfoss er tignarlegur foss sem fellur fram af hamrabrún fyrir neðan Mælifell ofan við Búðir. Fossinn ásamt stuðlabergshömrunum í kring er á Náttúruminjaskrá. Stórt bílastæði er fyrir neðan fossinn og góður göngustígur upp í brekkurnar undir fossinum. Áningastaðurinn við Bjarnarfoss hlaut Umhverfisverðlaun Ferðamálastofu 2018.

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 7.400 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík Bjarteyjarsandur