Höfrungur AK 91 er fyrsta skipið sem smíðað var fyrir Harald Böðvarsson á Akranesi og hefur skipið stóra sögu að segja.

Haraldur Böðvarsson lét smíða fyrir sig 71 brl. eikarskip með 270 ha. June Munktell vél í Skipasmíðastöð Þorgeirs Jósefssonar á Akranesi 1955. Skipið hlaut nafnið Höfrungur og var síðar löngum nefnt "Höfrungur litli".

Árið 1962 var sett 300 ha. June Munktell vél í Höfrung og 1971 400 ha. Caterpillar vél -. Höfrungur var seldur Gullvík hf. í Grindavík 12. maí 1976 og fékk þá nafnið Harpa GK 111 en síðar Harpa II GK 101 og var skipið selt til Portúgal 14. október 1986, en fór þó aldrei þangað af ýmsum ástæðum.

Skipstjórar á Höfrungi AK 91 voru: Garðar Finnsson (1955-1960 er hann tók við Höfrungi II ), Ingimundur Ingimundarson (1960-1961 og tók þá við nýjum Haraldi AK 10), Runólfur Hallfreðsson (1961 en tók sama ár við Skírni AK 12, árið sem hann var keyptur), Viðar Karlsson (1961-1963), Guðmundur Sveinsson, Einar Jónsson, Þórarinn Guðmundsson, Birgir Jónsson, Gunnar Gestsson, Kristófer Bjarnason og Björn Ágústson.

Höfrungur var mikið happafley og alltaf aflaðist mikið á hann. Hann hefur alla tíð haft sérstakan sess í hugum Skagamanna sem þekktu til sögu hans! Stundum var komist svo að orði að hann hafi fætt af sér alla Höfrungana sem á eftir komu.

Kirkjufell er mest myndaða fjall Íslands og þykir vinsælt að ná mynd af fjallinu með Kirkjufellsfossinn í forgrunni. Fjallið er 463 m og myndast vel frá þéttbýlinu og frá ströndinni og sjónum allt í kringum fjörðinn.

Útsýni frá gönguleiðunum í fjöllunum ofan við þéttbýlið er stórkostlegt. Erlendir miðlar hafa lofað fjallið í hástert og hefur það meðal annars verið sett á lista yfir 10 fallegustu fjöll heims.