Leita
Finnur þú það ekki? Prófaðu leitina :)
16. febrúar kl. 16:00

,,FARÐU Á ÞINN STAБ‘ í Landnámssetrinu

Teddi lögga tekur sjálfan sig til kostanna í sjáfsævilegum einleik þar sem ferðast er frá Kínahverfinu í Borgarnesi og alveg út á Ystu Nöf, þar sem hann á heima. Höfundurinn, Theodór Kristinn Þórðarson, betur þekktur sem Teddi lögga, rekur í máli og myndum ýmis atvik í samskiptum sínum við samferðafólk sitt, allt frá barnæsku og fram til vorra daga.

Auk þess að vera í um 40 ár í lögreglunni í Mýra- og Borgarfjarðarsýslu þá vann hann við rennismíði og í vélsmiðju frá 1969 til 1987 og var virkur í leikstarfsemi Ungmennafélagsins Skallagríms í tvo áratugi, bæði sem leikari og leikstjóri auk þess að leika hlutverk í nokkrum íslensku kvikmyndum þar á meðal Óðal feðranna árið 1979.
Fréttaritari Morgunblaðsins frá 1985, einkaflugmaður frá 1990 og hann náði sér einnig í pungaprófið til að geta róið bátnum sínum Haferninum löglega út fjörðinn og veitt sér borgfisk við Þormóð og Grænhólma. Menn og konur, birtast í máli og myndum í verkinu. Teddi bregður sér í hlutverk eftirminnilegra persóna og dregur einnig gamla muni upp úr pokahorninu.

Leikverkið “Farðu á þinn stað” er flutt á vegum Leikfélags Borgarness sem er nýlega endurvakið en það var starfandi á árunum 1942 til 1951. Leikstjóri verksins er Geir Konráð Theodórsson og sýningarstjóri er Eiríkur Þór Theodórsson. Eiginkona Theodórs, María Erla Geirsdóttir aðstoðaði sinn mann við myndvinnslu ofl. Þannig að segja má að vissu leyti sé hér um fjölskylduverk að ræða. Leikverkið hlaut styrk úr Uppbyggingarsjóði SSV.

Miðaverð kr. 3.000

Smelltu hér til að fara á miðasölu og til að bóka borð í veitingahúsi Landnámsseturs

Skoða fleiri viðburði

Viðburðadagatal
GPS punktar
N64° 32' 8.369" W21° 55' 24.820"
Staðsetning
The Settlement Center, Brákarbraut, Borgarnes

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík