Leita
Finnur þú það ekki? Prófaðu leitina :)
12. febrúar kl. 20:30-22:30

Fyrirlestrar í héraði (í bókhlöðu Snorrastofu): Ögn um útfararsiði Þórólfur Sveinsson á Ferjubakka

Þórólfur Sveinsson á Ferjubakka flytur fyrirlesturinn „Ögn um útfararsiði“

Þórólfur fjallar mest um húskveðjuna, sið sem kom og fór. Þá verður í fyrirlestrinum fjölmargt annað sem tengist útförum fyrr og nú en lítið sem ekkert um trúarlega hlið útfararsiða.

Þórólfur Sveinsson er ættaður úr Fljótum. Hann lauk BS-prófi frá þáverandi Framhaldsdeild Bændaskólans á Hvanneyri árið 1975 og var ráðunautur í Vestur-Húnavatnssýslu 1975 – 1978. Hefur verið bóndi á Ferjubakka frá árinu 1978. Hann vann að félagsmálum bænda í liðlega tvo áratugi og hin síðari ár hefur hann nokkuð setið að grúski, meðal annars um útfararsiði.

Það er ánægjuefni að eiga slíkan fyrirlestur í vændum og Snorrastofa tekur honum fagnandi.

Kvöldið hefst kl. 20:30 og að fyrirlestri loknum er boðið til kaffiveitinga og umræðna.

Skoða fleiri viðburði

Viðburðadagatal

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík