Leita
Finnur þú það ekki? Prófaðu leitina :)
7. október kl. 20:00-22:00

Námskeið um Sturlu Þórðarson og Sturlungu. Fyrsta námskeiðskvöld 7. október

Námskeið um Sturlu Þórðarson og Sturlungu Fyrsta námskeiðskvöld 7. október

Teikning eftir Ingólf Örn Björgvinsson.

Fyrsta námskeiðskvöld námskeiðs vetrarins verður 7. október næstkomandi kl. 20 í Snorrastofu.

Leiðbeinandi verður Þórdís Edda Jóhannesdóttir íslenskufræðingur og yfirskrift kvöldsins er: Bókmenntalegt sjónarhorn Íslendinga sögu; sviðsetningar, lýsingar og samtöl.

Um langt árabil hafa Snorrastofa, Landnámssetur Íslands og Símenntunarmiðstöðin á Vesturlandi staðið fyrir námskeiði um fornsögur, sem farið hefur fram yfir vetrarmánuðina til skiptis í Landnámssetri og Snorrastofu. Námskeið vetrarins 2019-2020 verður um Sturlu Þórðarson og hans þátt í Sturlungu og það þótti því vel við hæfi að leita til nýstofnaðs Sturlufélags í Dölum um samstarf. Þannig breikkar enn grundvöllur þessa ánægjulega og frjóa mennta- og menningarstarfs á Vesturlandi og aðstandendur námskeiðsins horfa bjartsýnir til vetrarins.

Námskeiðið verður haldið 6 sinnum í vetur eins og venjulega og leiðbeinendur þess koma úr ýmsum áttum, allir þekktir sérfræðingar hver á sínu sviði. Þeir eru Einar Kárason rithöfundur, Guðrún Ása Grímsdóttir fyrrv. rannsóknarprófessor við Árnastofnun, Guðrún Nordal forstöðumaður Árnastofnunar, Sverrir Jakobsson sagnfræðingur, Úlfar Bragason fyrrv. rannsóknarprófessor við Árnastofnun og Þórdís Edda Jóhannesdóttir íslenskufræðingur. Síðasta kvöld vetrarins verður haldið í Vínlandssetri í Búðardal, sem þar er í burðarliðnum.

Allir eru boðnir velkomnir að sækja námskeiðið, það kostar 21 þúsund krónur og skráning fer fram hjá Símenntunarmiðstöð Vesturlands.

Skoða fleiri viðburði

Viðburðadagatal
GPS punktar
N64° 39' 54.122" W21° 17' 27.956"
Staðsetning
Snorrastofa, Reykholt

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík