Götulistahátíð dagana á Hellissandi 21. - 22 júní!

Dagana 21.-22. júní næstkomandi verður mikið um dýrðir á Hellisandi. Frystiklefinn á Rifi stendur fyrir Götulistahátíð þar sem listin fær að njóta sín í ótal formum og dagskráin því fjölbreytt og áhugaverð. Einnig verður hoppukastali á svæðinu fyrir börnin, matarvagnar og óvæntar uppákomur.

Nú nýlega eignaðist Hellisandur nýtt vegglistaverk búið til af kanadísku listakonunum Lacey Jane og Layla Folkmann en verkið er af íslenskum hrút baðaður litum með fjalladýrð að baki sér. Einnig hefur stór haförn bæst í götulistaflóruna og því ýmsir fagrir veggir á Hellisandi til að berja augum.

Við hvetjum alla til að kíkja við á Hellissandi og njóta glæsilegrar náttúru og menningar!