Fréttir og fróðleikur

Ný samantekt Ferðamálastofu, Ferðaþjónusta í tölum – sumar 2026, sýnir að ferðamannasumarið 2026 var það næstfjölmennasta frá upphafi mælinga þrátt fyrir lítilsháttar fækkun erlendra ferðamanna milli ára. Alls voru um 830 þúsund brottfarir erlendra ferðamanna skráðar um Keflavíkurflugvöll yfir sumarmánuðina júní til ágúst, sem er 2,3% fækkun frá sumrinu 2025.

Íslandsstofa hefur hleypt af stokkunum nýrri og óvenjulegri kynningarherferð fyrir áfangastaðinn Ísland undir heitinu AI Knittakers (Authentic Icelandic Knittakers). Markmið herferðarinnar er að vekja athygli á Íslandi sem vellíðunaráfangastað með því að bjóða fólki að senda íslenska prjónara í sinn stað á fjarfundi.

Gestakomur ferðamanna frá Kína á Vesturlandi hafa meira en tvöfaldast á aðeins tveimur árum og með nýrri flugtengingu milli Peking og Keflavíkur opnast enn frekari tækifæri fyrir ferðaþjónustufyrirtæki í landshlutanum.

Íslensk ferðaþjónustufyrirtæki geta nú tekið þátt í nýrri alþjóðlegri markaðsherferð Visit Iceland, sem fer í loftið síðar í október. Herferðin er unnin af Íslandsstofu í samstarfi við markaðsstofur landshlutanna og SAF og beinist að mörkuðum í Bretlandi og Bandaríkjunum.

Ef nefna ætti eina náttúruperlu sem flestir ferðalangar tengja við Borgarfjörð væru Hraunfossar líklega ofarlega á listanum. Fossarnir eru einstakt náttúrufyrirbæri þar sem tært lindarvatn streymir undan Hallmundarhrauni og fellur í Hvítá. Í stað þess að falla fram af háum klettum birtast fossarnir á löngum kafla undan hraunjaðrinum og skapa sjón sem á sér fáa líka á Íslandi. Hraunfossar eru ásamt Barnafossi meðal vinsælustu áningarstaða Vesturlands og hafa verið friðlýstir sem náttúruvætti frá árinu 1987.

„Mótvindur – eru stjórnvöld helsta hindrun ferðaþjónustu?“ var yfirskrift fundar um stöðu og framtíð ferðaþjónustunnar í Norðvesturkjördæmi sem fram fór í Hjálmakletti í Borgarnesi 22. október. Fundurinn var haldinn í samstarfi Samtaka ferðaþjónustunnar, Markaðsstofu Vesturlands, Markaðsstofu Vestfjarða og Markaðsstofu Norðurlands og var vel sóttur af fulltrúum ferðaþjónustu, sveitarfélaga og stjórnmálaflokka.

Ferðaþjónustuaðilar á Vesturlandi eru hvattir til að taka dagana 26.-28. janúar 2027 frá en þá fer Ferðaþjónustuvikan 2027 fram á höfuðborgarsvæðinu. Vikunni er ætlað að efla samstarf, fagmennsku og tengslamyndun innan ferðaþjónustunnar og koma þar saman aðilar víðs vegar af landinu. Að viðburðinum standa Markaðsstofur landshlutanna, Íslenski ferðaklasinn, Samtök ferðaþjónustunnar (SAF), Ferðamálastofa og Íslandsstofa.

Almyrkvinn 12. ágúst var stórt verkefni sem kallaði á náið samstarf stjórnvalda, sveitarfélaga, viðbragðsaðila, ferðaþjónustu og annarra hagaðila. Vesturland og sérstaklega Snæfellsnes voru meðal þeirra svæða þar sem búist var við miklum fjölda gesta.

Í Hnappadal stendur Eldborg, áberandi og reglulegur gígur sem minnir á eldvirkni liðinna tíma. Brattar hlíðar, hringlaga gígurinn og dökkt hraunið umhverfis mynda sérstakt og fallegt landslag. Eldborg er því ekki aðeins áhugavert jarðfræðifyrirbæri heldur einnig eitt af þekktari kennileitum Vesturlands.

Ferðamálastofa hefur kannað reynslu ferðaþjónustufyrirtækja af farsímasambandi í kjölfar lokunar 2G- og 3G-farsímakerfa.

Gott starfsfólk er gulls ígildi – en hvað fær það til að vera áfram og hvað fær fyrrverandi starfsfólk til að snúa aftur? Menntamorgunn ferðaþjónustunnar fer fram 14. október kl. 11:00–12:00 í beinu streymi. Á fyrsta Menntamorgni vetrarins verður sjónum beint að fólkinu okkar og því hvernig hægt er að skapa vinnustaði þar sem starfsfólk vill vera, vaxa og leggja sitt af mörkum.