Gönguleiðir

Gönguleið sem býður upp á fjölbreytta upplifun gesta þar sem tignarlegt Hafnarfjall býður gesti velkomna, Snæfellsjökull stendur í fjarska, meðfram strandlengjunni liggur Hvítá, hinu megin við Borgarvoginn sést yfir á Borg á Mýrum og finna má fjölmarga áningastaði þar sem upplifa má kyrrð og ró.  Borgarnes er stærsti þéttbýliskjarni í Borgarfirði eða með um 3.800 íbúa. Borgarnes er þekktur áningastaður fyrir innlenda og erlenda ferðamenn en keyra þarf í gegnum Borgarnes og er þar að finna mikla þjónustu, hvort sem það er í formi gistingar, veitinga eða afþreyingu. Borgarnes er í alfaraleið en farið er í gegnum bæinn til að komast vestur á Snæfellsnes, keyra suður til Reykjavíkur eða Norður til Akureyrar.  Hægt er að finna fjölmargar gönguleiðir í Borgarnesi. Nýjir göngustígar með aðgengi fyrir vagna og hjólastóla er þar á meðal en einnig eru stígar sem leynast víða inn á milli íbúðarhverfa Borgarness, sem eru með mismunandi undirlag, hönnun og aðgengi. Áningastaði er víða að finna, upplýsingaskilti um lífríki Borgarvogs og upplýsingaskilti um sögu Borgarness. Tenging við tjaldsvæði, íþróttasvæði og þjónustusvæði er á gönguleið en hafa þar í huga að ganga þarf yfir þjóðveg nr. 1 á gönguleið en engin undirgöng eða brú er að finna fyrir útivistarfólk. Skallagrímsgarður, Vigdísarlaut, Granastaðir, Vestur-nes, Suður-nes, Mið-nes, Bjössaróló, Hlíðartúnshús, Hjálmaklettur eru allt skemmtileg svæði sem tengjast gönguleið um Borgarnes.  Staðsetning: Borgarnes, Borgarbyggð Heimilisfang byrjunarreits: Brákarbraut 15, Borgarnes Erfiðleikastig: Auðvelt Lengd: 9.89km Hækkun: 50-100 metrar Merkingar: Engar merkingar Tímalengd: 2 klst.  Tegund gangstígar: Möl og smásteinar Fyrirstöður á leið: Nokkur smá þrep eru á leiðinni Þjónusta á svæðinu: Þjónustu má finna víða á leiðinni og á tjaldsvæðinu á Granastöðum og Upplýsingamiðstöð Borgarbyggðar í Ljómalind.  Lýsing: Hluti leiðarinnar er upplýstur Árstíð: Gönguleiðin er aðgengileg og fær allan ársins hring GPS hnit upphafspunktar: N64°53523 W021°923 GPS hnit endapunktar: N64°53523 W021°923

Gönguleið um útjaðar Ólafsvíkur og inn í miðsvæði bæjarins er mjög skemmtileg og fjölbreytt. Innviðir eru til staðar við tjaldsvæði og margir áningastaðir á gönguleiðum. Upplýsingaskilti eru einnig víða að finna og leiktæki fyrir allan aldur. Göngusvæði er því fyrir fjölbreyttan hóp gesta og íbúa og tilvalið að njóta.  Tjaldsvæði er staðsett við útjaðar Ólafsvíkur að austanverðu en þar er að finna salerni, sturtu, rafmagn, eldunaraðstöðu og úrgangslosun. Leiktæki eru á svæðinu en tjaldsvæði er skjólgott og er um 10 mínútna ganga inn í miðbæ Ólafsvíkur. Gestir sem ganga um þær fjölmörgu gönguleiðir munu upplifa fallegan gróður, marga áningastaði, leiktæki og fallega náttúru.  Ólafsvík gönguleið er fjölbreytt og skemmtileg leið. Skógræktarfélag Ólafsvíkur hefur lagt mikið í skógræktinga og tengingu við bæinn en einnig við gönguleið upp Enni og fjalllendi fyrir ofan Ólafsvík. Upplýsingar á gönguleið eru fjölmargar, útsýni yfir Ólafsvík og skógrækt. Svæðið er kjörið fyrir útivist en hægt er að finna fjölmarga afþreyingamöguleika á leiðinni eins og Frisbee-golf brautir, hoppubelg og fleira.  Staðsetning: Ólafsvík Upphafspunktur: Tjaldsvæðið í Ólafsvík (Útnesvegur nr. 574). Erfiðleikastig: Auðvelt Lengd: 4.26 km Hækkun: 50 m Merkingar: Stikur Tímalengd: 1 klst Undirlag: smásteinar og trjákurl  Hindranir á leið: Þrep eru á leiðinni Þjónusta á svæðinu: Þjónustumiðstöð tjaldsvæðis Lýsing: Engin lýsing Árstíð: Leiðin er opin allt árið um kring GPS hnit upphafspunktar: N64°53.3401 W023°41.2849 GPS hnit endapunktar: N64°53.3401 W023°41.2849

Gönguleið um Reykholt söguhring er fróðleg og skemmtileg. Mikil vinna hefur verið unnin við uppsetningu skilta og göngustíga en hægt er að ganga inn í Reykholtsskóg sem staðsettur er fyrir ofan þorpið. Alla þjónustu má finna á Snorrastofu og möguleiki er að fylgja forritinu „Snorri" þegar gengið er um svæðið en það er skemmtileg viðbót við gönguna.  Reykholt í Borgarfirði er þekktur staður fyrir ferðamenn og íbúa en þar er að finna Snorralaug, forna og friðlýsa laug sem er kennd við Snorra þó svo að sagt sé í Landnámu að laug hafi verið þar síðan frá árinu 960. Kirkjurnar á svæðinu eru tvær, sú eldri er timburkirkja sem stendur við gönguleiðina en sú nýrri var vígð árið 1996 og er hún mikið notuð, t.d. í tónleikahald en Reykholtshátíð er haldin á ári hverju. Reykholtsskógur er fyrir ofan kirkjurnar en aþr er að finna forna þjóðleið sem fer í gegnum og meðfram skóginum. Snorrastofa er svo upplýsingamiðstöð þar sem hægt er að finna leiðsögn, fyrirlestra og sýningar. Svæðið hefur því mikið upp á að bjóða, hvort sem það sé fyrir gesti sem eru í leit að náttúru eða sögu.  Þjónusta á svæðinu: Salerni er aðgengilegt á gönguleiðinni sem og ruslatunnur. Hægt er að kaupa aðgang að leiðsögn um svæðið. Þjónustu er að finna á Snorrastofu og Fosshótel Reykholt býður upp á gistingu, veitingar og veitir upplýsingar til gesta.  Staðsetning: Reykholt, Borgarbyggð Vegnúmer að upphafspunkti: Hálsasveitarvegur (nr. 518), Borgarbyggð Erfiðleikastig: Auðvelt Lengd: 1.64km Hækkun: 50 metra hækkun Merkingar: Engar merkingar eru á leiðinni Tímalengd: 25 mínútur Tegund jarðvegar: Litlir steinar og malbik Hindranir á leið: Engar hindranir Lýsing: Hluti leiðarinnar er upplýstur Árstíð: Gönguleiðin er opin allt árið um kring GPS hnit upphafspunktar: N64°66318 W021°292 GPS hnit endapunktar: N64°66318 W021°292

Gönguleiðin er hringleið sem liggur frá Hótel Basalt að Iðunnarstöðum, upp hálsinn, þaðan að Hrútaborgum og Pétursvirki, niður hálsinn að Englandslaug, yfir Tunguá og meðfram þjóðveginum að Krosslaug og þaðan með ánni aftur að Iðunnarstöðum.  Gönguleiðin er fjölbreytt, með fjölbreyttum göngustígum, fjölbreyttum áningastöðum og útsýni yfir fjallgarða Lundareykjadals í Borgarfirði. Pétursvirki er hlaðið mannvirki sem stendur á Englandshálsi og hefur verið endurhlaðið. Englandslaug er innarlega í Lundarreykjadal en umhverfi hennar er grasi gróið en laugin er hlaðin að hluta en á öðrum stöðum er grjót eða gras á bökkum hennar. Krosslaug í Lundarreykjadal er friðlýst laug en talið er að vestanmenn hafi látið skíra sig í Krosslaug, er þeir riðu frá Alþingi eftir að kristni var lögtekin á Íslandi árið 1000. Staðsetning: Lundarreykjadalur, Borgarbyggð Númer vegar sem liggur að upphafspunkti: Uxahryggjavegur nr. 52 (við Iðunnarstaði) Erfiðleikastig: Krefjandi Lengd: 12 km Hækkun á leið: 424 metrar Merkingar: Leiðin er stikuð Tímalengd: 3 klst og 35 mín Tegund jarðvegar: Litlir og stórir steinar, mold og gras Hindranir á leið: Það eru þrep á leiðinni en einnig þarf að vaða yfir Tunguá eða klifra yfir á járngirðinu sem liggur yfir ánna.  Þjónusta á svæðinu: Það er þjónusta aðgengileg á Hótel Basalt  Lýsing: Engin lýsing er á leiðinni Árstíð: Leiðin er opin allan ársins hring GPS hnit upphafs- og endapunktar: N64°29.9538 W021°14.9126

Bjarnarfoss á Snæfellsnesi er tignarlegur foss, ofan við Búðir, sem fellur fram af hamrabrún fyrir neðan Mælifell. Fossinn, ásamt stuðlabergshömrum í kring, er á Náttúruminjaskrá og í brekkunum við fossinn er mikið blómgresi. Stórt bílastæði er fyrir neðan fossinn og góður göngustígur upp í brekkurnar undir fossinum. Áningastaðurinn við Bjarnarfoss hlaut Umhverfisverðlaun Ferðamálastofu árið 2018. Bjarnarfoss hefur verið þekktur áfangastaður á Snæfellsnesi í áraraðir. Fossinn er steinsnar frá afleggjaranum inn á Útnesveg sem liggur að Hótel Búðum, Arnarstapa, Hellnum, Djúpalónssandi og Vatnshelli. Fossinn er þannig staðsettur að hann gnæfir yfir ferðafólki sem keyrir veg nr. 54 (Snæfellsnesveg) og Útnesveg, sem gerir hann að vel áberandi landmarki. Gönguleiðin upp að fossinum er mjög aðgengileg og útsýni yfir Búðakirkju, Hótel Búðir og strandlengjuna er mjög fallegt þaðan séð.  Staðsetning: Snæfellsnes (Staðarsveit) Vegnúmer: Snæfellsnesvegur (nr. 54) Erfiðleikastig: Auðvelt Lengd: 600 metrar Hækkun: 50 metrar Merkingar: Engar merkingar en leiðin er mjög skýr Tímalengd: 12 mínútur Tegund jarðvegar: Plastmottur Hindranir á leið: Engar hindranir  Þjónusta á svæðinu: Engin þjónusta er á svæðinu Lýsing: Engin lýsing er við gönguleið Árstíð: Leiðin er opin allt árið GPS hnit upphafs- og endapunktar: N64°50.5621 W023°24.2126

Árið 2013 var lagður fyrsti hluti stígsins en hann lá á milli Hellissands og Rifs. Í framhaldi var lagður stígur á milli Ólafsvíkur og Rifs árið 2014 og var hann malbikaður árið 2017. Brú var sett yfir Höskuldsá árið 2020 og tengist nú Ólafsvík-Rif-Hellissandur með göngu- og hjólastíg. Stígurinn er mikið notaður af íbúum svæðisins.  Við göngu á Frístundastíg tengjast gestir þeirri náttúru sem er að finna á svæðinu. Fjölbreyttur hópur fólks getur notað stíginn sem er malbikaður og ganga gestir meðfram strandlengjunni á sumum stöðum, með útsýni að Svöðufossi og Snæfellsjökli. Fuglalíf er mikið á svæðinu en farið er niður að Keflavíkurbjargi þar sem mikið er um fugla en einnig er gengið í gegnum kríuvarpstaði á leiðinni.  Staðsetning: Ólafsvík-Rif-Hellissandur Vegnúmer: Útnesvegur (nr. 574) Erfiðleikastig: Auðvelt Lengd: 19,26 km Hækkun: 50 metrar Merkingar: Engar merkingar en leiðin er mjög ský Tímalengd: U.þ.b. 1 klst og 20 á hjóli Tegund jarðvegar: Malbik Hindranir á leið: Engar hindranir eru á leiðinni Þjónusta á svæðinu: Þjónusta er aðgengileg í Ólafsvík, Rifi og Hellissandi Lýsing: Hluti leiðarinnar er lýstur Árstíð: Leiðin er opin allan ársins hring GPS hnit upphafs- og endapunktar: N64°53.3401 W023°41.2849

Húsafell hefur upp á að bjóða fjölbreyttar gönguleiðir þar sem þéttir skógar, stórbrotin gil, jöklar, dýra- og fuglalíf, auk menningaminja setja stóran svip á svæðið.  Upplýsingakort við Hótel Húsafell er af gönguleiðum á svæðinu en einnig eru frekari upplýsingar inn á heimasíðu hótelsins, husafell.is. Leiðirnar eru: Bæjargil, Oddaleið, Kiðárbotnar, Háifoss, Hraunfossar og Kaldárbotnar.  Húsafell er með þeim vinsælustu sumarhúsabyggðum á Íslandi en nýlega var landið Húsafell III skilgreint sem íbúðarsvæði. Hótel Húsafell hefur mikið aðdráttarafl fyrir svæðið og er að finna fjölmargar afþreyingar í kring um Húsafell, hvort það er jöklaferðir eða hellaskoðanir.  Upphaf gönguleiða er við Hótel Húsafell en stórt upplýsingaskilti er fyrir neðan hótelið.  Gönguleið Húsafell-Bæjargil er falleg leið þar sem útivistarfólk getur notið þeirrar sögu sem er að finna á svæðinu, kyrrðinni og útsýni. Gönguleið er vel greinileg, stikuð á köflum og er fjölfarin leið gesta Húsafells.  Gönguleið Húsafell-Oddaleið er gullfalleg leið þar sem vatnsmiklar ár setja svip sinn á gönguleiðina. Leiðin er vel greinileg, stikuð og fjölfarin leið gesta Húsafells.  Gönguleið Húsafell-Kaldárbotnar geymir stórfenglegt útsýni yfir Langjökul og Strút, á meðan áin Geitá liggur þétt við leiðina. Gengið er meðfram þjóðveinum, inn Kaldadalsveg, inn í Húsafellsskóg og til baka.  Leiðin Húsafell-Kiðárbotnar liggur á sömu leið og Oddaleið en fer svo inn á flugvöll Húsafells og inn á þjóðveg.  Leiðin Húsafell-Hraunfossar/Háifoss liggur á gamla veginum, frá Húsafellskirkju og upp að Reyðafellsskógi. Þaðan er svo hægt að fara yfir þjóðveginn og inn á vegslóða, alla leið að bílastæði við Hraunfossa. Útsýnispallur við Háafoss er að finna í Reyðafellsskógi.  Staðsetning: Húsafell, Borgarbyggð Vegnúmer: Hálsasveitarvegur (nr. 518), Borgarbyggð, Húsafell. Erfiðleikastig:  Oddaleið - Létt leið Kaldárbotnar - Létt leið Hraunfossar - Létt leið Háifoss - Krefjandi Bæjargil - Krefjandi (þrátt fyrir góðan göngustíg getur verið tiltölulega erfitt að ganga leiðina). Krefst grunn-þekkingar og líkamlegrar hreysti. Innan við fjögurra klst göngleið.  Kiðárhlaup - Létt leið Lengd: Oddaleið - 4.3km Kaldárbotnar - 10.7km Hraunfossar - 9.3km Háifoss - 6km Bæjargil - 6.4km Kiðárhlaup - 2.5km Hækkun:  Bæjargil - 450 metrar Merkingar: Stikur á Oddaleið og merkingar á leiðinni upp í Bæjargil. Engar stikur á gönguleiðum Kaldárbotna, Hraunfossa og Háafoss.  Tímalengd (u.þ.b.): Oddaleið - 2 klst. Kaldárbotnar - 3 og 1/2 klst. Hraunfossar - 3 og 1/2 klst. Háifoss - 2 og 1/2 klst. Bæjargil - 2 klst. Kiðárhlaup - 1 klst.  Undirlag: Það er smágrýti á flestum leiðum en á Oddaleið er einnig hraun. Á leiðinni upp í Bæjargil eru stórir steinar sem þarf að fara yfir. Malbikaðir stígar eru á leiðinni að Kiðárhlaupi og Hraunfossum.  Hindranir á leiðum: Það eru þrep á öllum leiðum nema að Kiðárhlaupi. Þjónusta á svæðinu: Hótel Húsafell þjónustar gesti og gangandi. Lýsing: Engin lýsing Árstíð: Gönguleiðirnar eru opnar allan ársins hring.  GPS hnit upphafspunktar: N64°41.9304 W020°52.2730 GPS hnit endapunktar: N64°41.9304 W020°52.2730

Eldborg í Hnappadal á Snæfellsnesi er óvenjulega formfagur gígur sem rís 60 metra yfir hraunið í kring og er stærstur gíga á stuttri gossprungu. Gígopið er sporöskjulagað, um 100 metrar í þvermál og 50 metra djúpt. Veggirnir eru mjög brattir, gerðir úr örþunnum hraunskánum. Eldborg var friðlýst árið 1974. Gönguleiðin upp á Eldborg er fjölbreytt þar sem gengið er í gegnum kjarri vaxið hraun. Fallegar hraunmyndanir eru á leiðinni og ef vel er að gáð má sjá margar kynjaverur. Ofan á Eldborg er mikið útsýni í allar áttir en í góðu skyggni má sjá fjallahring allt frá Snæfellsjökli að Reykjanesi. Gönguleiðin byrjar við þjónustusvæði við Snorrastaði en þar er að finna gistiaðstöðu. Gönguleið hefur mismunandi undirlag en meirihluti hennar er á hraunbreiðu. Við rætur og upp hlíðar Eldborgar er að finna keðjur til að aðstoða göngufólk upp og niður hlíðar Eldborgar.  Staðsetning: Hnappadalur í Borgarbyggð Vegnúmer: Snæfellsnesvegur nr. 54, Snorrastaðir Erfiðleikastig: Auðvelt en það eru há þrep á leiðinni Lengd: 6.64 km Hækkun: 50-100 metrar Merkingar: Merkingar við upphaf og nokkrar stikur sem vísa veg Tímalengd: 1 klst og 30 mín Undirlag: Litlir og stórir steinar, hraun og mold Hindranir á leiðinni: Það eru þrep á leiðinni og það getur verið erfitt að halda sig á réttri leið Þjónusta á svæðinu: Finna má salerni á leiðinni og ruslatunnur eru á þjónustusvæðinu við Snorrastaði Lýsing: Hluti leiðar er upplýstur, frá Snorrastöðum að upphafi gönguleiðar Árstími: Leiðin er opin allt árið um kring GPS hnit upphafs/endapunktar: N64°46.4456 W022°18.1262

Breiðafjörður hefur verið þekktur sem „matarkista Íslands" í gegnum aldirnar og eru eyjarnar í firðinum taldar óteljandi. Mikla sögu er þar að finna og er nokkuð um umferð í firðinum yfir sumartímann en fjölmörg sumarhús er þar að finna og einnig eru skoðunarferðir um eyjarnar í miklum vinsældum. Við Á á Skarðsströnd er að finna tjaldsvæði og þjónustuhús en á Vogi er að finna stórglæsilegt sveitahótel.  Hægt er að hafa upphaf göngu við Á á Skarðsströnd eða við Vog á Fellsströnd. Gengið er þá út á Klofning en þaðan er stórbrotið útsýni yfir Breiðafjörð og Hvammsfjörð. Á gönguleiðinni sjálfri eru nokkur falleg vötn og skemmtileg náttúra. Við Vog á Fellsströnd er að finna sveitahótel og á Á á Skarðsströnd er að finna tjaldsvæði ásamt samkomuskemmu. Engar merkingar er að finna á gönguleið, sumsstaðar er leiðin ógreinileg og hafa ber í huga að það þarf að vaða/hoppa yfir eina á á leiðinni.  Staðsetning: Skarðsströnd/Fellsströnd, Dalabyggð Vegnúmer að upphafspunkti: Klofningsvegur (nr. 590) Erfiðleikastig: Krefjandi Lengd: 22.50 km  Hækkun: 889 metrar Merkingar: Engar merkingar eru á leiðinni Tímalengd: 7 klst. Tegund jarðvegar: Smáir steinar, graslendi, stór grjót, þúfur, mýri og blandað efni Hindranir á leið: Þrep eða hjalli sem þarf að stíga upp á og óbrúaðir lækir Hættur á leið: Berghrun, vað og vindur. Þjónusta á svæðinu: Það er þjónusta á Á Skarðsstrandar megin og á Vogi Fellsstrandarmegin Lýsing: Engin lýsing Árstíð: Gönguleið er opin nema þegar tímabundnar lokanir eiga sér stað, t.d. vegna ófærðar yfir vetrarmánuði GPS hnit upphafspunktar: Við Krossá: N65°15.7793 W022°20.7537 GPS hnit endapunktar: Við Vog: N65°10.5871 W022°21.9751

Búðardalur í Dölum er þjónustumiðstöð Dalana en þar er að finna fjölmarga þjónustufyrirtæki, heilsugæslu og skóla. Helsta aðdráttarafl Búðardals er Vínlandssetrið en þar er að finna sýningar og sögur af landafundum Eiríks rauða og Leifs heppna Eiríkssonar á Grænlandi, Kanada og Bandaríkjunum. Í Vínlandssetri er að finna upplýsingamiðstöð fyrir ferðamenn en í Búðardal er einnig að finna gistiheimili, tjaldsvæði ásamt veitinga-og kaffihús. Frá Vínlandssetri hefst gönguleið um Búðardal-Laxarós.   Í byrjun göngu er gengið inn Ægisgötu en þar er að finna gangstétt sem liggur upp götuna. Niður við fjörunaer búið að setja upp göngubrýr til að auðvelda aðgengi og mottur hafa verið settar niður á gönguleið til að auðvelda aðgengi gesta. Gönguleið um Búðardal-Laxarós er falleg og fjölbreytt, með skemmtilegum áningarstöðum á leiðinni. Gönguleið er mjög greinileg þegar komið er niður í fjöruborðið en lítið er um merkingar á leiðinni allri. Vínlandssetur er mjög hentugur staður til að hefja eða enda göngu en þar er að finna alla þá þjónustu sem útivistafólk þarf en einnig væri hægt að hefja göngu á öðrum stöðum í Búðardal.    Svæði: Búðardalur, Dalabyggð.  Vegnúmer við upphafspunkt: Vestfjarðarvegur(nr. 60) og gatnamótum Miðbraut og Ægisbraut inn í Búðardal.  Erfiðleikastig: Auðveld og létt leið.  Vegalengd: 1.43 km  Hækkun: 0-50 metrar.  Merkingar á leið: Á nokkrum stöðum á leið.  Tímalengd: 21 mín.  Yfirborð leiðar: malbik, smáir steinar, gras,trékurl, blandað yfirborð.  Hindranir á leið: Þrep eru víða.  Þjónusta á leið: Vínlandssetur.  Upplýst leið: Óupplýstar leiðir.  Tímabil: Gönguleið er opin allt árið.  GPS hnit upphaf: N65°06.6323 W021°46.3246  GPS hnit endir: N65°05.9515 W021°46.3543  

Gönguleið um Tröð skógrækt er skemmtileg ogfjölbreytt. Skógræktin er falleg og góður staður til að njóta umhverfis ognjóta samveru. Göngustígur frá skógrækt er skemmtileg útivistarleið þar semhægt er nálgast tjaldsvæði, Sjóminjasafnið og nýrri byggingu ÞjóðgarðsSnæfellsjökuls.    Árið 1950 hóf Kristjón Jónsson ræktun í Tröðvið Hellisand. Fallegt svæði sem stóð í hrauninu og varð snemma vinsælt meðaláhugafólks um skóg-og trjáræktun. Árið 2002 gerði Skógrækt-oglandverndarfélagið undir Jökli samning við Snæfellsbæ um að taka að sér umsjónsvæðisins, á grundvelli sérstaks samstarfssamning. Skjólgott er í Tröðinni,kjörin staður til að njóta í fögru umhverfi og nýta þær gönguleiðir semtengjast svæðinu, að íþróttasvæði, tjaldsvæði og að Sjóminjasafninu. Tröðskógrækt er „Opinn skógur“ en hann var formlega opnaður árið 2006. Aðgengi ogaðstaða er til fyrirmyndar en inn í skóginum er að finna margar gönguleiðir,áningarstaði, upplýsingar og aðstaða til eldunar. Umhverfis skóginn ergrjóthleðslu girðing en handan girðinga er svo fleiri gönguleiðir ínærumhverfi. Snæfellssjökull skín skært frá skógræktinni og gönguleiðin umhraunið er skemmtileg upplifun.    Svæði: Snæfellsbær.   Vegnúmer við upphafspunkt: Útnesvegur(nr.574).  Erfiðleikastig: Auðveld leið/létt leið.  Vegalengd: 2.08km  Hækkun: 0-50 metra hækkun.  Merkingar á leið: Engar merkingar á leið en leiðin er mjög greinileg.  Tímalengd: 27 mínútur.  Yfirborð leiðar: Hellulagðir stígar, smágrjót, trjákurl, hraun undirlag og gras undirlag.  Hindranir á leið: Þrep yfir grjótgarðinn frá skógræktinni en einnig eru þrep við Sjóminjasafnið.   Þjónusta á leið: Sjóminjasafnið og ný bygging svæðisgarðs Snæfellsjökuls.  Upplýst leið: Leið óupplýst.  Tímabil: Leið opin 12 mánuði ársins.   GPS hnit upphaf: N 64°54.8411 W 023°52.9142  GPS hnit endir: N 64°54.8411 W 023°52.9142 

Akranes er fjölmennasta þéttbýli Vesturlands, með um 7.688 íbúa. Fjölmargar gönguleiðir er að finna á svæðinu, með fjölbreytu undirlagi og með áhugaverðum áningarstöðum. Gönguleiðir er að finna á útjaðri bæjarins, við sjávarsíðu og inn í bænum sjálfum sem gerir gestum og íbúum Akranes kleift að upplifa mikin fjölbreytileika.    Akranes hefur margt uppá að bjóða þegar kemur af afþreyingu og upplifun en þekktustu svæðin eru Langisandur og Breiðin. Langisandur er gríðarlega vinsæll meðal íbúa Akranes en þar er að finna fjölmargar afþreyingarmöguleika, hvort það er að fara í Guðlaugu, sjósund, líkamsrækt eða að njóta strandlengjunnar og fegurðinni sem hún hefur að geyma.Breiðin er vinsæll áfangastaður ferðamanna en svæðið hefur tekið miklum framförum, með góða innviði og góða upplýsingagjöf. Akraneskaupstaður hefur gert frábæra hluti þegar kemur að aðgengi og upplýsingagjöf og er gríðarlegaáhugaverður áfangastaður að heimsækja.   Svæði: Akranes.  Vegnúmer við upphafspunkt: Kalmansbraut(nr.51), við tjaldsvæði Akranes.  Erfiðleikastig: Auðveld leið.  Vegalengd: 10.36km  Hækkun: 0-50 metra hækkun.  Merkingar á leið: Engar merkingar.  Tímalengd: 2.15klst.  Yfirborð leiðar: Smá grjót og malbikaður stígur.  Hindranir á leið: Engar hindranir.  Þjónusta á leið: Við tjaldsvæði Akranes og þjónustufyrirtæki á svæðinu.  Upplýst leið: Meirihluti leiðar er upplýstur en hluti sem er óupplýstur.  Tímabil: Opið 12 mánuði ársins.   GPS hnit upphaf: N64°19.5756 W022°04.0371 við tjaldsvæði Akranes.  GPS hnit endir: N64°18.7945 W022°02.6144 við Himnaríki. 

Síldarmannagötur er gömul þjóðleið sem er á verndarsvæði í byggð hjá Skorradalshreppi, sem liður í því að halda til haga alfaraleiðum fyrri tíma. Hægt er að byrja göngu við Vatnshorn inn í Skorradal en einnig við vörðu inn í Hvalfirði.    Síldarmannagötur, sem liggur á milli Skorradals og Hvalfjarðar, er vinsæl útivistarleið sem breiður markhópur nýtur.Vörður og stikur eru á milli upphafs/enda leiðar. Fara þarf yfir Blákeggsá tvisvar sinnum á leiðinni og er undirlag gönguleiðar mismunandi, allt frá smá grjóti að moldar undirlagi. Sjálfboðaliðar hafa verið dugleg við að viðhaldamerkingum á leiðinni til að aðstoða göngufólk á leiðinni og er útsýni yfir Skorradal, Hvalfjörð, Botnsúlur og jökla á leiðinni stórkostlegt. Síldarmannagötur eru og verða ein vinsælasta útivistarleið á Vesturlandi og ermikilvægt að viðhalda henni og útdeila upplýsingum um hana.    Svæði: Hvalfjörður/Skorradalshreppur  Vegnúmer við upphafspunkt: Hvalfjarðarvegur(nr.47) og vegur nr.508 inn í Skorradal.  Erfiðleikastig: Krefjandi/erfið krefjandi leið.  Vegalengd: 15.56km.  Hækkun: 500 metra hækkun.  Merkingar á leið: Stikur og vörður eru á leið.  Tímalengd: 4klst.  Yfirborð leiðar: Smá grjót, moldarundirlag, þúfur, mýrar, gras undirlag og stór grjót.  Hindranir á leið: Bláskeggsá en fara þarf yfir hana tvisvar á gönguleið.  Þjónusta á leið: Engin þjónusta.  Upplýst leið: Óupplýst leið.  Tímabil: Óráðlegt að fara leiðina frá nóv. til maí vegna veðra, snjólaga eða aurbleytu.   GPS hnit upphaf: N64°28.4501 W021°19.1845 Vatnshorn inn í Skorradal  GPS hnit endir: N64°23.2899 W021°21.5792 Inni í Hvalfirði 

Búðir er staðsett vestast í Staðarsveit á Snæfellsnesi. Á Búðum var eitt sinn virkasti verslunastaður Snæfellsnes ogblómlegt sjávarþorp en fornleifa sem fundist hafa, t.d. á Frambúðum, benda til að starfsemi allt frá fyrstu landnámi Íslands. Víðáttumikið hraun Búðahrauns nær austur í átt að sjó við Faxaflóa og vestur að Hraunlandsrifi.   Gönguleið um Búðir-Frambúðir og Búðaklett er fjölbreytt náttúru upplifun. Náttúra svæðisins, í bland við þá sögu og minjar sem eru fyrir, gerir gönguleið um Búðir-Búðaklett og Frambúðir að einstakri upplifun. Merkingar á svæðinu eru til fyrirmyndar, þar sem stikur og vegvísar eru mjög greinilegir. Gönguleið frá Frambúðum og að Búðakirkju er nokkuðógreinileg og sumstaðar engar merkingar um hvar væri best að ganga en einungis er um að ræða stutta leið. Búðahraun er á náttúruminjaskrá Umhverfisstofnunar yfir friðlönd á Íslandi en Búðir er einn af vinsælustu áfangastöðumVesturlands. Hótel Búðir er vinsæll kostur þegar kemur að gistingu og veitingum, kirkjan á Búðum er gríðarlega vinsæl fyrir brúðkaup og er sú þekktasta kirkja á Vesturlandi. Svæðið í kring um Búðir er mjög vinsælt útivistarsvæði, með ljósum strandlengjum í bland við svarta strandlengju og gullfallega náttúru þar sem Snæfellsjökullinn gnæfir yfir svæðið.   Svæði: Snæfellsbær  Vegnúmer við upphafspunkt: Beygt er af þjóðveg nr. 54 (Snæfellsnesveg) og inn á veg nr. 574 (Útnesvegur) og er þar afleggjari inn á Búðir (Búðavegur).  Erfiðleikastig: Létt leið. Einfaldar skemmtigöngur sem breiður hópur notenda getur nýtt sér.   Vegalengd: 6.8km  Hækkun: 88 metra hækkun (Búðaklettur).  Merkingar á leið: Stikur og vörður eru á leið.  Tímalengd: 1.4 klst  Yfirborð leiðar: Smá grjót, gras, hraun og blönduðu náttúrulegu efni.  Hindranir á leið: Þrep eru á leiðinni.  Þjónusta á leið: Þjónusta er á hótel Búðum.  Upplýst leið: Óupplýst leið.  Tímabil: Ferðaleið er opin alla 12 mánuðiársins.   GPS hnit upphaf: N64°49.3046 W022°23.0755   GPS hnit endir: N64°49.3046 W022°23.0755   

Hafnarfjall í Hvalfjarðarsveit er vinsæll útivistarstaður þar sem gangandi og hlaupandi útivistarfólk nýtir sér. Fjallið hefur upp á að bjóða möguleika á mismunandi gönguleiðum, hvort það er að ganga upp að „Steini“, ganga upp á topp og til baka eða að fara sjö tinda. Með tilvist Ferðafélags Borgarfjarðar, hefur aðgengi við bílastæði verið stórbætt og stikur hafa verið settar upp alla leið á topp fjallsins. Upplýsingaskilti hefur verið sett upp við bílastæði sem sýnir mismunandi gönguleiðir, hvað ber að varast og svo framvegis. Mikill fjöldi útivistarfólks nýtir sér gönguleiðir upp Hafnarfjall.  Hafnarfjall hefur verið þekktast fyrir sterka vinda sem vegfærendur um Vesturlandsveg hafa fundið fyrir í gegnum árin. Hafnarfjall og gönguleiðir um svæðið er nokkuð þekkt og hafa íbúar Borgarfjarðar og nærsveita verið öflug í því að ganga og njóta. Margir nýta gamla þjóðvegin sem liggur frá bílastæði og niður að vegi nr. 50 sem liggur við Hvítá. Möguleikar fyrir stóran hóp útivistarfólks er mikill, þar sem hægt er að ganga á jafnsléttu, ganga upp brattar hlíðar Hafnarfjals en einnig að njóta útivistar inn í þeim gilum og meðfram þeim ám sem er að finna á svæðinu. Útsýni við „Stein“ og útsýni þegar ofar er komið er stórkostlegt en við sjö tinda göngu er útsýni fjölbreytilegt og nær viðkomandi að sjá víða. Svæði: Hvalfjörður. Vegnúmer við upphafspunkt: Við þjóðveg nr. 1 (gamli þjóðvegur nr. 52/2). Erfiðleikastig: Krefjandi leið/erfið leið. Vegalengd: 15.31 km. Hækkun: 1010 metra hækkun. Merkingar á leið: Búið er að stika fyrsta hluta leiðar, frá bílastæði og upp fyrsta tind. Tímalengd: 4.30 klst. Yfirborð leiðar: Smá grjót, grasi, stóru grjóti og blandað yfirborð. Hindranir á leið: Þrep og vað Þjónusta á leið: Hægt er að losa sorp við bílastæði. Upplýst leið: Óupplýst leið. Tímabil: Tímabundnar lokanir (vegna ófærðar yfir vetrarmánuði). GPS hnit upphaf: N64°30.8785 W021°53.4740  GPS hnit endir: N64°30.8785 W021°53.4740 

Skógræktin er staðsett við þjóðveg og hefur áningarstaðurinn við útjarð skógræktar mikið aðdráttarafl ferðamanna um svæðið en útsýni þaðan er frábært. Gamla réttin og fossinn, Sjávarfoss, vekja mikla athygli þegar keyrt er um svæðið og einnig útsýnið yfir Hvalfjörð. Fossá er skógræktasvæði í Hvalfirði sem fjögur skógræktarfélög halda utan um. Skógræktarfélag Mosfellsbæjar, Kjalarnes, Kjós og Kópavogs. Fossá var formlega tekin inn í Opinn skógur verkefnið árið 2011 en Fossárjörðin er með skjólgott svæði og mikin skóg en hefur einnig að bjóða kræklingafjöru undan Fossárósum, fossar og flúðir sem berast með Fossáinni og ágætis berjalandi. Jörðin er alls 1.100 hektarar og er búið að planta yfir milljón plöntun en aðallega hefur verið gróðursett greni, birki og fura. Á Fossá eru að finna merktar gönguleiðir ásamt áningarstöðum og hefur svæðið því mikla útivistarmöguleika. Skógræktarfélögin fjögur, stofnuðu árið 2001, rekstrarfélag um skógræktina á jörðinni og aðrar framkvæmdir á svæðinu, svo sem stígagerð og lagningu vega í skóginum. Þetta rekstrarfélag nefnist Fossá skógræktarfélag en það hefur tekjur sínar af sölu jólatrjáa en á síðustu árum hefur sala á skógarviði til margvíslegra nota einnig komið til. Jólatrésræktun er fyrirferðamikil á svæðinu og hefur rekstrarfélagið ágætil tekjur af sölu ár hvert. Svæði: Kjósahreppur. Vegnúmer við upphafspunkt: Hvalfjarðarvegur (nr. 47). Erfiðleikastig: Létt leið. Aðgengi er víða fyrir vagna og hjólastóla en ekki allsstaðar. Vegalengd: 9.5km. Hækkun: 50-100 metra hækkun. Merkingar á leið: Stikur eru sýnilegar á köflum á gönguleið en sumsstaðar eru engar merkingar. Tímalengd: 2 klst. Yfirborð leiðar: Smá grjót, gras og stór grjót. Hindranir á leið: Þrep og vað. Þjónusta á leið: Engin þjónusta. Upplýst leið: Óupplýst leið. Tímabil: Ferðaleið er opin alla 12 mánuðiársins. GPS hnit upphaf: N 64°21.1996 W 021°27.9139 GPS hnit endir: N 64°21.1996 W 021°27.9139

Á Akranesi er að finna þrjár skemmtilegargönguleiðir um skógræktir. Ein er í Garðalundi, ein í Klapparholti og ein íSlaga. Garðalundur hefur fjölbreytta afþreyingarmöguleikar fyrir íbúa og gesti Akranes, Klapparholt er skógrækt þar sem finna má margbreytilegar tegundir gróðurs, eins og t.d. birki, reynitré og stafafura og Slagi sem er staðsett viðrætur Akrafjalls. Þar hefur veirð gróðursett síðan 1980 og er þar að finna skemmtilegar gönguleiðir auk fallegs útsýnis yfir Akranes.   Inn í Garðalundi er að finna fjölbreytta afþreyingu gesta og íbúa Akranes. Standblakvöllur, frisbeegolf völlur,æfingatæki, áningarstaðir, skáli, gönguleiðir og upplýsingaskilti. Eins er að finna salerni og sorptunnur eru víða. Blómlegt félagslíf er þar að finna fyrir gesti, sem geta notið veðurblíðunnar sem þar er að finna, en mjög skjólsamt erþar eða notið sín í þeim fjölmörgu afþreyingar möguleikum sem hægt er að finna.Inn í Klapparholti er að finna nokkur upplýsingaskilti um svæðið og hjónin Guðmund Guðjónsson og Ragnhildi Árnadótturen þau hófu ræktun og skipulag á svæðinu árið 1988. Eins er að finna „Klapparholtið“ en það stendur í miðri skógrækt. Sögur fara af því að álfakirkja og huldufólk búi í „Klapparholtskirkju“ sem stendur þar. Vinsælt er að útivistafólk nýti svæðið í göngu,hlaup eða hjólaferðir.  Inn í Slaga er að finna salerni og áningarstaði en auk þess er frábært útsýni yfir Akranes og nærsveitir.Gönguleið er úr Slaga að upphafi gönguleiðar upp Akrafjall en einnig er vinsælt að útivistafólk nýti svæðið undir göngu, hlaup eða hjólaferðir.   Svæði: Akranes.  Vegnúmer við upphafspunkt: Við Garðalund (Klapparholtsvegur) inn í Akranesi.  Erfiðleikastig: Auðveld leið. Aðgengi fyrir vagna og hjólastóla en sumstaðar er aðgengi erfitt. Vegalengd: 12.31km  Hækkun: 50-100 metra hækkun.  Merkingar á leið: Merkingar eru að finna inn í sumum skógræktarsvæðum en ekki á milli svæðana. Leiðin er að mestu mjög sýnileg.  Tímalengd: 2.23klst.  Yfirborð leiðar: Smá grjót, trjákurli, grasi og blönduðu efni.  Hindranir á leið: Engar hindranir inn í Garðalundi og Klapparholti en undirlag og þrep í Slaga.  Þjónusta á leið: Við Garðalund og inn í Slaga.  Upplýst leið: Óupplýst leið.  Tímabil: Opið 12 mánuði ársins.   GPS hnit upphaf: N64°19.3052 W022°02.2243. Við Garðalund.  GPS hnit endir: N64°19.9648 W021°58.8807. Við Slaga skógrækt.  

Skógræktarfélag Íslands hefur frá því um 1990 stundað jólatrjárækt í Brynjudal í Hvalfirði og er það í mörgum hjörtum, ómissandi hluti af jólahaldi á ári hverju. Inni í Brynjudalsskógi hafa viðarnytjar verið vaxandi og hefur viður úr skóginum verið notaður til byggingar skjólhýsa og stígagerðar en margir göngustígar eru að finna um skóginn og sumir þeirra eru nýttir sem upphafs eða endaleiðir fyrir hefðbundnar gönguleiðir á Leggjabrjót yfir til Þingvalla eða upp að Botnsúlum. Tvö skjólhýsi eru í skóginum og eru nokkrir áningarstaðir í skóginum auk þrautabrautar. Göngustígar eru fjölmargir í skóginum og er einnig að finna marga áningarstaði. Svæðið er fjölsótt yfir jólahátíð, þar sem jólatrésala fer þar fram hvert ár. Inn í Brynjudal er að finna mikla kyrrð og nálægð við gífurlega fallegan fjallagarð, þar sem Botnsúlur gnæfa yfir svæðið. Skógurinn sjálfur er vel hirtur og er mjög snyrtilegur. Gönguleið um Brynjudalsskóg bíður gestum upp á kyrrð og fallegt umhverfi. Fjalllendið í kring um skógræktina setur mikin svip á umhverfið og er skógræktin kyrrlátur staður til að njóta og upplifa. Svæðið hefur upp á að bjóða mismunandi gönguslóða auk fjölmargra áningarstaði. Svæði: Kjósahreppur.  Vegnúmer við upphafspunkt: Hvalfjarðarvegur (nr. 47). Keyrt inn Ingunnarstaðaveg.  Erfiðleikastig: Auðveld leið.  Vegalengd: 3.2km  Hækkun: 103 metra hækkun.  Merkingar á leið: Sumstaðar eru merkingar en annars engar merkingar.  Tímalengd: 1 klst.  Yfirborð leiðar: Smá grjót og gras.  Hindranir á leið: Þrep.  Þjónusta á leið: Engin þjónusta.  Upplýst leið: Óupplýst leið.  Tímabil: Ferðaleið er opin alla 12 mánuðiársins.  GPS hnit upphaf: N 64°21.8068 W 021°18.1513   GPS hnit endir: N 64°21.8068 W 021°18.1513   

Útivistarsvæði inn í Álfholtsskóg er vinsæll áfangastaður fyrir ferðalanga í Hvalfjarðarsveit en aðgengi hefur verið bætt síðastliðin ár og er svæðið skilgreint sem „Opinn skógur“. Gönguleiðir eru víða um svæðið, merkingar hafa verið settar upp og áningarstaðir inn í skóginum eru fjölmargar. Upphaf skógræktar í Álfholtsskóg má rekja til ársins 1939 en í dag má finna yfir 130 tegundir af trjám og runnum í skóginum og misjöfnum yrkjum af sömu tegund. Gönguleiðir um Álfholtsskóg eru fjölbreyttar og krefjandi en aðstaða til að njóta er fyrsta flokks. Áningarstaðir þar sem gestir geta hvílst, borðað nesti eða eingöngu að njóta svæðisins eru til staðar og auk þess eru að finna merkingar víða. Félagar í skógræktarfélagi Skilmannahrepps hafa gert mjög vel með að merkja leiðirnar og auka aðgengi fyrir göngufólk, með tilkomu brúa og trappa upp hlíðar Álfholtsskógar. Svæði: Hvalfjörður.  Vegnúmer við upphafspunkt: Akrafjallsvegur (nr. 51).   Erfiðleikastig: Auðveld leið og létt leið.  Vegalengd: 7 km.  Hækkun: 0-50 metra hækkun.  Merkingar á leið: Merkt leið með skiltum sem vísa leið.  Tímalengd: 1.30 klst.  Yfirborð leiðar: Smá grjót, trjákurli, grasi og blönduðu efni.  Hindranir á leið: Þrep og brýr á gönguleið.  Þjónusta á leið: Hægt er að losa sorp við bílastæði.  Upplýst leið: Óupplýst leið.  Tímabil: Opið 12 mánuði ársins.   GPS hnit upphaf: N 64°22.2406 W 021°51.0028.  GPS hnit endir: N 64°22.2406 W 021°51.0028.  

Í Stálpastaðaskóg er að finna fjölmargar trjátegundir og gönguleiðir víða um skógrækt. En vinsælasti áningarstaðurinn er við steyptu fjóshlöðuna sem er að finna á Stálpastöðum. Vinsælt er að stoppa við þau bílastæði sem er að finna og ganga upp að hlöðunni, njóta útsýnis yfir Skorradalsvatnið og skrifa í gestabók inn í hlöðunni. Íbúar Skorradals og Borgarfjarðar hafa verið dugleg að setja upp ýmis konar sýningar við hlöðuna en þar má nefna ljósmyndasýningar, myndlistarsýningar og fleira.   Útivistarsvæði um Stálpastaði er í miðju sumarhúsabyggð í Skorradal. Svæðið er því mikið nýtt af þeim fjölmörgu gestum og íbúum í Skorradal. Við Skorradalsvatn er að finna fjölmarga möguleika fyrir útivist og er því stór markhópur sem nýtir góðs af. Skógræktin hefur verið öflug í gegnum tíðina við það að grysja, leggja stíga og auðvelda aðgengi enþað gerir þessa gönguleið einstaka upplifun útivistarfólks, þar sem útsýni yfir Skorradalsvatn í bland við þá kyrrð sem þar er að finna, einstaka á Vesturlandi. Gönguleið um Stálpastaðaskóg er skemmtileg gönguleið sem breiður hópur gesta getur nýtt sér. Aðgengi er mjög gott, þar sem göngustígar eru breiðir en einnig eru merkingar vel sýnilegar. Svæðið í kring um hlöðuna er fallegt og hefur skógræktin og íbúar Skorradals gert mjög vel að útbúa slíkan demant.    Svæði: Skorradalur.  Vegnúmer við upphafspunkt: Við þjóðveg nr. 508 (Skorradalsvegur).  Erfiðleikastig: Auðveld leið (leiðinn er samblanda af skógarvegi, fjallaleið og gamla bæ. Hafa ber í huga að vinnuvélarfara stundum um skógarveginn á virkum dögum).  Vegalengd: 1.6 km  Hækkun: 0-50 metra hækkun.  Merkingar á leið: Engar merkingar.  Tímalengd: 23 mín.  Yfirborð leiðar: Smá grjót og gras.  Hindranir á leið: Engar hindranir.  Þjónusta á leið: Möguleiki er að nálgast bækling um gönguleiðir um skóginn allan.  Upplýst leið: Óupplýst leið.  Tímabil: Ferðaleið opin alla 12 mánuði ársins.  GPS hnit upphaf: N 64°31.2295 W 021°26.3108   GPS hnit endir: N 64°31.2295 W 021°26.3108   

Fossatún er þekktur áfangastaður í Borgarfirðien þar er að finna gönguleiðir sem tengjast þjóðsöguarfi og tröllabókum semstaðarhaldari hefur skrifað og sögusviðið er af Vesturlandi. Fossatún erstaðsett miðsvæðis á milli stóra sumarhúsa svæða en Skorradalur og Húsafellliggja hvoru megin við Fossatún. Við Fossatún liggur Grímsá og er útsýni yfirfjallagarða Borgarfjarða stórbrotið.    Fossatún er staðsett um 90 km frá Reykjavíkvið veg nr.50, mitt á milli Borgarnes og Reykholts í Borgarfirði. Mismunandigistiaðstaða er til staðar á Fossatúni, frá tjaldsvæði, smáhýsi, gistiheimiliog sveitahótel. Veitingastaður auk aðstöðu fyrir gesti til eldunar er tilstaðar og hafa allir aðgang að heitum pottum. Fossatún er staðsett á bökkumGrímsár og er gönguleiðir meðfram árbakkasvæðinu en einnig er gönguleið inn aðBlundsvatni, þar sem er að finna fjölbreytt fuglalíf og fallegt útsýni yfirfjallagarða Borgarfjarðar.  Hægt er að ganga frá þjónustuskála viðFossatún og genga meðfram Grímsá en mikið af skiltum eru á leiðinni og þáskilti um tröll og þjóðsögur. Gönguleiðin er vel greinileg og er malarstígursem er vel breiður. Margir áningarstaðir er á þeirri gönguleið og endar hún svoaftur við þjónustuskála. En leiðin að Blundarvatni er nokkuð greinileg en undirlagá þeirri gönguleið er með bæði graslendi og malastíg og er hún einnig nokkuðbreið. Leiðin liggur við bakka Blundarvatns og inn á sumarhúsabyggð en þar erað finna vegslóða sem liggur svo frá sumarhúsabyggð, aftur að þjónustuskála.   Staðsetning: Fossatún, Borgarbyggð.  Upphafspunktur: Við þjóðveg nr. 50 (Borgarfjarðarbraut).  Erfiðleikastig: Auðveld.  Lengd: 1.75km í Tröllagöngu og 3.13km að Blundsvatni. Samtals: 4.8km  Hækkun: 47 metra hækkun að Blundsvatni og 60 metra hækkun í Tröllagöngu.  Merkingar: Merkt leið með stikum, hlöðnum steinum og myndefni.  Tímalengd: Tröllaganga 32mín og ganga að Blundsvatni 40mín. Samtals 1.2klst  Undirlag: Yfirborð úr smáum steinum og blönduðu yfirborði.  Hindranir á leið: Engar hindranir á leið.  Þjónusta á svæðinu: Þjónustuhúsnæði Fossatún.  Lýsing: Gönguleið án lýsingar í myrkri.  Árstíð: Ferðaleið er opin nema þegar tímabundnar lokanir eiga sér stað, t.d. á varptíma fugla eða vegna ófærðar yfirvetrarmánuði.  GPS hnit upphafspunktar: N64°35.5672 W021°34.6263   GPS hnit endapunktar: N64°35.5672 W021°34.6263  

Varmaland er lítið þorp sem byggst hefur í kring um jarðhitasvæði í Stafholtstungum í Borgarbyggð. Byggðin er staðsett ítungunni á milli Hvítár og Norðurá en þar er starfræktur leikskóli auk sundlaugar og íþróttahús. Laugaland, sem er lítið býli á svæðinu, nýtir jarðhitasvæðið í garðyrkju en ræktaðar eru gúrkur þar allt árið í kring. Hótel Varmaland er staðsett í hjarta þorpsins og er Varmaland vinsæll staður að heimsækja og dvelja.   Varmaland í Borgarbyggð er þekktur staður fyrir ferðamenn, bæði innlenda og erlenda. Tjaldsvæði Varmalands hefur verið þekkt meðal innlendra ferðamanna í áraraðir en með tilkomu hótel Varmalands hefur bæst við fleiri erlendir ferðamenn á svæðið. Varmaland sést vel frá þjóðvegi nr.1 en ljósabirtan og gufan sem kemur frá svæðinu er vel sýnileg.Gönguleið um Varmaland er staðsett inn í skógrækt, á holtinu fyrir ofan Varmaland og er stórgott útsýni yfir nærliggjandi svæði þegar gengið er á holtinu. Gangan hefst við hótel Varmaland og gengið í átt að skólahúsi. Þar er göngustígur sem er vel breiður en beygt er inn í skógrækt sem er á hægri hönd en þar inni er að finna leiksvæði fyrir yngri kynslóð en einnig fjölmarga göngustíga. Fjölbreyttir göngustígar, ásamt fallegu landslagi gerir gönguleið um Varmaland mjög áhugaverða og heillandi upplifun.   Staðsetning: Varmaland, Borgarbyggð.  Upphafspunktur: Hótel Varmaland (Nr. 527 Varmalandsvegur).  Erfiðleikastig: Létt leið.  Lengd: Heildalengd 5.03km.  Hækkun: 75 metrar.  Merkingar: Merkt leið að hluta með stikum.  Tímalengd: 1.07 klst að ganga.  Undirlag: Blandað undirlag, smáir steinar, gras og trjákurl.   Hindranir á leið: Þrep, trappa eða lágur hjalli sem þarf að stíga upp á.  Þjónusta á svæðinu: Hótel Varmaland og sundlaug Varmalands.  Lýsing: Gönguleið án lýsingar í myrkri.  Árstíð: Ferðaleið er opin alla 12 mánuði ársins.  GPS hnit upphafspunktar: N64°21.2886 W021°36.6383  GPS hnit endapunktar: N64°21.2886 W021°36.6383 

Barnaborgarhraun er úfið apalhraun frá nútíma, víða lyngi og kjarri vaxið, runnið frá Barnaborg. Eldvarp var í miðju hrauni en Barnaborgir eru tveir hraunhólar sem standa í miðju hrauninu. Skemmtilegt útivistarsvæði þar sem gönguleið liggur um hraunið og hægt er að njóta svæðisins, kyrrðinni og fegurð Snæfellsnes og Borgarbyggðar á sama tíma. Barnaborgir eru á náttúruminjaskrá Umhverfisstofnunar Íslands. Gönguleið um Barnaborgarhraun er greinileg en frá bílastæði eru þrep yfir girðingu en svo blasir við gestum greinilegur slóði sem leiðir gesti inn hraunið. Þegar komið er inn í hraunið taka við mjóir stígar sem geta verið hættulegir en tryggja þarf góðan skóbúnað áður en haldið er inn í hraunið. Þegar komið er að hraunhólunum tekur við smá grjótar undirlag en hægt er að ganga víða um svæðið og njóta umhverfisins, náttúru og kyrrðar sem svæðið hefur uppá að bjóða.   Staðsetning: Borgarbyggð.  Upphafspuntkur: Við þjóðveg nr. 54 (Snæfellsnesveg).  Erfiðleikastig: Létt leið.  Lengd: 2.8 kílómetrar  Hækkun: 107 metrar.  Merkingar: Nokkrar stikur og nokkrar vörður á leiðinni.  Tímalengd: 45 mínútur.  Undirlag: Smá grjót, storknað hraun, stór grjót, þúfur.  Hindranir á leið: Þrep eru víða á leiðinni.  Þjónusta á svæðinu: Engin þjónusta.  Lýsing: Engin lýsing.  Árstíð: Opin 12 mánuði ársins en huga þarf að aðstæðum að vetri til.  GPS hnit upphafspunktar: N64°45.3335 W022°14.9905  GPS hnit endapunktar: N64°45.3335 W022°14.9905  

Helgafell er klettafell úr blágrýti sem staðsett er rétt fyrir utan Stykkishólm. Við rætur fellsins er að finna bílastæðiásamt skiltum tengdum sögu staðarins og er öll aðkoma til fyrirmyndar. Við upphaf göngu er gengið í gegnum hlið en við tekur göngustígur sem leiðir göngufólk upp að útsýnisskífu og hlaðna tóft sem er að finna á toppi Helgafells.    Helgafell í Helgafellssveit er fornfræg jörð en hún kemur við sögu í íslendingasögunum og eru sumar hverjar taldar hafaverið skrifaðar á Helgafelli. Mikil saga fylgir því svæðinu og stórfenglegt útsýni á toppi Helgafells, þar sem sést yfir Breiðarfjörð og fjallagarð Snæfellsnes. Gömul þjóðtrú segir að þau sem ganga í fyrsta sinn á Helgafell hafi kost á þvíað bera upp þrjár óskir þegar upp á fellið er komið. Skilyrðin eru að gengið sé í þögn upp á fellið og ekki sé litið til baka. Þegar upp á fellið er komið er horft í austurátt og þrjár óskir bornar fram í huganum og engum sagðar.   Staðsetning: Helgafell, Helgafellssveit.  Upphafspuntkur: Helgafellsvegur (frá Stykkishólmsvegur nr.58)  Erfiðleikastig: Létt leið.  Lengd: 500 metrar  Hækkun: 73 metrar.  Merkingar: Engar merkingar.  Tímalengd: 10 mínútur.  Undirlag: Smá grjót, trjákurli, stóru grjóti og blönduðu náttúrulegu efni.  Hindranir á leið: Þrep eru víða á leiðinni.  Þjónusta á svæðinu: Salerni eru við bílastæði og ruslafötur.  Lýsing: Engin lýsing.  Árstíð: Opin 12 mánuði ársins en huga þarf að aðstæðum að vetri til.  GPS hnit upphafspunktar: N65°02.5055 W022°43.9716   GPS hnit endapunktar: N65°02.5055 W022°43.9716   

Hvanneyri er lítið, vaxandi þéttbýli í Borgarfirði, þar sem höfuðstöðvar Landbúnaðarháskóla Íslands (LBHÍ) eru staðsett en einnig er þar að finna Landbúnaðarsafn Íslands, verslunin Ullarsel og Hvanneyrartorfan, sem eru gömlu skólahúsin á Hvanneyri. Gönguleiðin fer út að Andakílsá og í kring um Torfuna. Friðlýst svæði Umhverfisstofnunar, Ramsarsvæði sem er fuglafriðland er á Hvanneyri en það er við Andakíl. Hvanneyrartorfan er friðlýst svæði Minjastofnunar en auk þess hefur Landbúnaðarskóli Íslands séð um viðhald göngustíga á svæðinu auk sjálfboðaliða. Mikil uppbygging hefur verið í gönguleiðum og útivistarstöðum á svæðinu og hefur Hvanneyri mikið aðdráttarafl fyrir útivistarfólk.   Hvanneyri hefur upp á að bjóða sögu, náttúru og útivist. Fuglalífið á svæðinu er margbreytilegt en aðdráttarafl dýralífs hefur dregið marga ferðamenn til að koma augu á blesgæsina en verndarsvæði hennar er á Hvanneyri. Torfan dregur gesti að Hvanneyri en gömlu skólahúsin eru enn í notkun og hafa þar mismunandi hlutverk, eins og kaffihús, íþróttahús, safnahús og íbúðir fyrir kennnara Landbúnaðarháskólans.  Hvanneyrartorfan er á skrá Minjastofnunar um friðlýst hús og mannvirki en þau eru Hvanneyrarkirkja (byggt árið 1905),Skólahúsið (byggt árið 1910), Skólastjórahúsið (byggt árið 1920), Skemman (byggt árið 1896), Leikfimihúsið (byggt árið 1911), Hjartarfjós (byggt milli 1900-1901), Halldórsfjós og hlaða (byggt milli 1928-1929) og Vélahús.   Umhverfisstofnun friðlýsti Hvanneyri sem búsvæði árið 2002 en stækkaði svo svæðið árið 2011 og fékk þá nafnið Andakíll. Markmið friðlýsingar var og er að vernda þau votlendi sem þar er að finna, sem eru búsvæði fjölmargra fuglategunda.  Gönguleið byrjar við bílastæði Landbúnaðarsafns Íslands og gengið í átt að LBHÍ, á leið út að Andakílsá.Gönguleið fer inn á þjóðveg á litlum kafla en annars er gengið á malarvegi, mottum, hellulögðum stíg, trékurli og smá grjóti.    Vakin er athygli á því að frá 20.apríl til 20.júlí er varptími fugla og því er gestum á svæðinu bent á að taka sérstakt tillit til fuglalífs á verndarsvæðinu. Þá er ekki leyfilegt að vera með hunda/ketti í lausagöngu á svæðinu. Staðsetning: Hvanneyri, Borgarbyggð.  Upphafspunktur: Landbúnaðarsafn Íslands (Hvanneyrabraut nr. 53).  Erfiðleikastig: Auðveld leið/létt leið  Lengd: Heildalengd 8.77km  Hækkun: 12 metrar.  Merkingar: Merkt leið að hluta með stikum.  Tímalengd: 1.46 klst að ganga.  Undirlag: Blandað undirlag, smáir steinar, gras og trjákurl.   Hindranir á leið: Þrep, trappa eða lágur hjalli sem þarf að stíga upp á.  Þjónusta á svæðinu: Landbúnaðarsafn Íslands, Ullarselið og LBHÍ.  Lýsing: Gönguleið án lýsingar í myrkri.  Árstíð: Ferðaleið er opin alla 12 mánuði ársins en bent er á mikilvægt er að halda sig inn á göngustígum frá 20.apríltil 20.júlí vegna fuglavarps á svæðinu.  GPS hnit upphafspunktar: N 64°33.8794 W021°45.9281   

Borg á Mýrum er kirkjustaður vestur af Borgarnesi. Staðurinn er, samkvæmt Egils sögu Skallagrímssonar, landnámsjörð en kirkja hefur staðið þar frá árinu 1002. Borg á Mýrum er vel þekktur staður sem áfangastaður ferðamanna, hvort sem það er erlent eða innlent ferðafólk. Kirkjustaðurinn hefur tekið á móti erlendum gestum í árabil en gestir hafa þá fengið leiðsögn um svæðið og fengið að skoða kirkju undir handleiðslu prestins á Borg. Listaverkið Sonatorrek og útsýni yfir Borgarnes og Hafnarfjall blasir við gestum sem koma að kirkjunni.   Einkunnir eru 273 hektara fólkvangur sem er að finna norðan við Borgarnes. Skógrækt hefur verið þar síðan árið 1951 en innan fólkvangsins er að finn fallega tjörn, Álatjörn ásamt fjöldan af göngustígum, áningarstöðum og gullfallegri skógrækt sem gerir Einkunnir að einum af perlum Borgarbyggðar. Minjar eru á gönguleið. Hægt er að finna þær við Borg á Mýrum en einnig á gönguleið á milli Borg og Einkunna. Árið 2015 hófst skráning á minjum við gönguleið en þar er að meðal annars að finna minjar af beitarhúsi, smalahúsi, sel og fleiru. Göngufólk er beðið um að bera virðingu fyrir þeim minjum sem eru að finna.   Gönguleið er stikuð alla leið en hafa ber í huga að víða er erfið yfirferð við skurði og mýrar á leiðinni. Gönguleið ámilli Borg á Mýrum-Einkunnir hefur upp á að bjóða stórkostlegt útsýni yfir Hafnarfjall og Borgarnes ásamt því fallega lífríki sem er að finna á leiðinni.   Staðsetning: Borg á Mýrum/Einkunnir, Borgarbyggð.  Upphafspunktur: Bílastæði við Borg á Mýrum (þjóðvegur nr.54).  Erfiðleikastig: Létt leið.  Lengd: 5.26 km  Hækkun: 123 metrar.  Merkingar: Stikur eru alla leið.  Tímalengd: 1.30klst.  Undirlag: Yfirborð úr smáum steinum, trjákurli, blönduðu náttúrulegu efni og grasi.  Hindranir á leið: Þrep, trappa eða lágur hjalli sem þarf að stíga upp á.   Þjónusta á svæðinu: Salerni er aðgengilegt við Einkannir.  Lýsing: Gönguleið án lýsingar í myrkri.  Árstíð: Ferðaleið er opin 12 mánuði ársins en hafa ber í huga aðstæður yfir vetrarmánuði.  GPS hnit upphafspunktar: N64°33.6630 W021°54.9579 (byrjun við Borg á Mýrum).  GPS hnit endapunktar: N64°35.8993 W021°54.6785 (endir á Einkunnum). 

Í Einkunnum er að finna mjög fjölbreytt landslag, dýra-og plöntulíf. Einkunnir voru friðlýstar sem fólkvangur árið 2006en markmið með friðlýsingu svæðisins er að vernda það votlendi og jarðmyndanir sem almenningur getur nýtt til fræðslu, útivistar og náttúruskoðunar. Göngustígar liggja víða um svæðið og er hægt að finna erfiðar brekkur í bland við léttar leiðir á láglendi. Klettaborgirnar þrjár sem rísa upp af mýrlendinu eru vel sýnilegar í fjarska en upp af Syðri-Einkunnum er útsýnisskífa, þar sem viðsýnt er um mýrar, Borgarfjörð og Borgarfjarðadali.   Beygt er af þjóðveg nr.1 og inn á veg nr. 536/3. Vegur liggur að bílastæði við Einkunnir. Þar er að finna upplýsingaskiltium líffríki svæðisins ásamt fjölmörgum upphafsstöðum gönguleiða. Aðgengi vagna og hjólastóla er að finna á nokkrum leiðum en flestar leiðir eru mjóir og hækkanir eru víða. Tenging við gönguleið að Borg á Mýrum er að finna en einnig er útivistarsvæði inn í Einkunnum, þar sem grill, bekkir og borð eru að finna. Álatjörn ásamt fjöldan af göngustígum, áningarstöðum og gullfallegri skógrækt gerir Einkunnir að einum af perlum Borgarbyggðar.    Staðsetning: Einkunnir, Borgarbyggð.  Upphafspunktur: Bílastæði við skógrækt (vegur nr.536/3).  Erfiðleikastig: Auðveld leið/Létt leið.  Lengd: 5.2 km  Hækkun: 70 metrar.  Merkingar: Stikur eru að finna en sumstaðar eru engar merkingar.  Tímalengd: 1.17klst.  Undirlag: Yfirborð úr smáum steinum, trjákurli, blönduðu náttúrulegu efni og grasi.  Hindranir á leið: Þrep, trappa eða lágur hjalli sem þarf að stíga upp á.   Þjónusta á svæðinu: Salerni er aðgengilegt.  Lýsing: Gönguleið án lýsingar í myrkri.  Árstíð: Ferðaleið er opin 12 mánuði ársins en hafa ber í huga aðstæður yfir vetrarmánuði.  GPS hnit upphafspunktar: N64°59824 W021°911   GPS hnit endapunktar: N64°59824 W021°911   

Arnastapi er þekktur áfangastaður ferðamanna um Snæfellsnes og er búin að vera uppbygging á síðastliðnum árum á svæðinu. Göngustígar um svæðið eru nú sumir hverjir vel aðgengilegir og mikill fjöldi veitingastaða auk gistiaðstöðu er á svæðinu. Höfnin við Arnastapa og göngustígar á milli Arnastapa og Hellnar eru vinsælir áfanga/áningastaðir. Umhverfið í heild sinni á svæðinu er einstakt, þar sem fuglalíf, í bland við fjölbreytt landslag, gerir Arnarstapa að einum vinsælasta áfangastaðar Vesturlands. Hlaðin mynd af Bárði Snæfellsás eftir Ragnar Kjartansson gnæfir yfir svæðinu og strandlengju Arnarstapa. Svæði: Bárður Snæfellsás, Arnarstapi. Snæfellsnes. Vegnúmer við upphafspunkt: Arnarstapavegur (nr. 5710). Erfiðleikastig: Auðveld leið. Vegalengd: 1.18km. Hækkun: 30 metra hækkun. Merkingar á leið: Engar merkingar. Tímalengd: 18 mínútur. Yfirborð leiðar: Mottur og smá grjót. Hindranir á leið: Engar hindranir. Þjónusta á leið: Salerni og möguleiki á að losa sorp á leiðinni. Upplýst leið: Leið óupplýst. Tímabil: Leið opin 12 mánuði ársins en bent er á að leið gæti verið hál vegna ísingar yfir vetrartímann. GPS hnit upphaf: N64°45.9992 W023°37.7660 GPS hnit endir: N64°45.9992 W023°37.7660

Upphaf gönguleiðar er við bílastæði hjá Beruvík. Gönguleið liggur um rústir bæja sem voru í Beruvík og er leiðin stikuð. Sagt er að kona að nafni Bera hafi búið í Beruvík. Í Beruvík voru tvær jarðir, Garðar og Hella. Nýjabúð, Bakkabúð og Helludalur voru hjáleigur. Landið var erfitt búskapar því lítil tún og hraun gerðu bændum erfitt fyrir. Þó var skjólsamt og góð beit árið um kring. Bændur sóttu sjóinn frá Beruvík og nýttu reka. Byggð lagðist af um miðja 20 öld. Á göngu um Beruvík er farið á milli bæjarrústa en sjá má m.a. fjárbað þar sem sauðfé var baðað vegna fjárkláða, Nýjabúð rústir og ýmsar tóftir á meðan Snæfellsjökullinn gnæfir yfir gesti. Svæði: Beruvík, Snæfellsjökull þjóðgarður. Vegnúmer við upphafspunkt: Útnesvegur (nr. 574. ) Erfiðleikastig: Auðveld leið Vegalengd: 1.17km. Hækkun: 7 metra hækkun. Merkingar á leið: Merkingar á leið. Tímalengd: 18 mínútur. Yfirborð leiðar: Hraun og graslendi. Hindranir á leið: Göngustígar eru þröngir, grasstígar, og blandað yfirborð. Þjónusta á leið: Engin þjónusta á leið. Upplýst leið: Leið óupplýst. Tímabil: Leið opin 12 mánuði ársins en bent er á að leið er ófær yfir mars og apríl mánuði. GPS hnit upphaf: N64°48.7933 W023°57.6929 GPS hnit endir: N64°48.7933 W023°57.6929

Eyrarhringur er staðsettur í í verndarsvæðinu, Þjóðgarðinum Snæfellsjökull. Þjóðgarðurinn er staðsettur á utanverður Snæfellsnesi en tilgangur hans er að vernda þá sérstöku náttúru svæðisins og þær minjar sem eru að finna en jafnframt er markmiðið að auðvelda fólki að ferðast um svæðið og kynnast því. Strandlengjan við Eyrar og Snæfellsjökull eru stór upplifunarþáttur gesta á svæðinu en einnig eru minjarnar á svæðinu fyrirferðamiklar. Frá bílastæði liggja tvær gönguleiðir, önnur að Öndverðaneshólum en hin Eyrahringinn.  Eyrahringur er auðveld gönguleið. Leiðin liggur niður að sjó og að mestu um helluhraun. Fallegar tjarnir eru í hrauninu og þar eru ýmsar tegundir fugla. Á leiðinni sjást víða minjar eftir búsetu. Á stóru-Eyri eru bæjarrústir og mun hafa verið búið þar fram á miðja sautjándu öld.  Svæði: Eyrar, Snæfellsjökull þjóðgarður. Vegnúmer við upphafspunkt: Útnesvegur (nr. 574. ) Erfiðleikastig: Auðveld leið Vegalengd: 6km. Hækkun: 50 metra hækkun. Merkingar á leið: Merkingar á leið. Tímalengd: 1.3 klst. Yfirborð leiðar: Hraun og graslendi. Hindranir á leið: Þrep og gróft undirlag. Þjónusta á leið: Engin þjónusta á leið. Upplýst leið: Leið óupplýst. Tímabil: Leið opin 12 mánuði ársins en bent er á að leið er ófær yfir mars og apríl mánuði. GPS hnit upphaf: N64°49.3462 W023°57.9035 GPS hnit endir: N64°49.3462 W023°57.9035

Klukkufoss er staðsettur inn í Eysteinsdal á Snæfellsnesi. Gönguleiðin er nokkuð stutt en krefjandi, þar sem gengið er upp bratta hlíð, að grágrýtishöfðanum Klukku og fellur Klukkufoss innan um fallegar stuðlabergsmyndanir. Við göngu upp að Klukkufoss er möguleiki á því að njóta útsýnis nærsveita en stuðlabergsmyndanir grípa athygli gesta ásamt fallega Klukkufossi. Klukkufoss gönguleið er ein af 35 gönguleiðum sem settar hafa verið upp á gönguleiðabækling fyrir þjóðgarð Snæfellsjökuls og er þar hægt að finna upplýsingar um km lengd gönguleiðar, tímalengd gönguleiðar og upplýsingar um merkingar á gönguleið. Við göngu upp að Klukkufoss er útsýni niður í Öndverðarnes og Saxhól ásamt nálægð við Snæfellsjökul og útsýni yfir nærsveitir.   Svæði: Klukkufoss, Snæfellsjökuls þjóðgarður.  Vegnúmer við upphafspunkt: Útnesvegur (nr. 574). Eysteinsdalsvegur (F575).  Erfiðleikastig: Létt leið.  Vegalengd: 0.94km.  Hækkun: 58 metra hækkun.  Merkingar á leið: Merkingar eru á leið.  Tímalengd: 13 mínútur.  Yfirborð leiðar: Smá grjót, hraun undirlag og graslendi.  Hindranir á leið: Þrep eru á leið.  Þjónusta á leið: Engin þjónusta.  Upplýst leið: Leið óupplýst.  Tímabil: Leið opin 12 mánuði ársins en bent er á að leið gæti verið hál vegna ísingar yfir vetrartímann og þegar aurbleyta er frá mars til maí.  GPS hnit upphaf: N64°52.1791 W023°51.6872  GPS hnit endir: N64°52.1791 W023°51.6872 

Frá Rauðhóli rann Prestahraun í sjó fram, allt frá Hellisandi til Skarðsvíkur. Stikuð leið liggur frá bílastæði við Eysteinsdalsveg á Rauðhól en á gönguleið er gengið innan um hrauntröð, ásamt graslendi en einnig er að finna fallegar tjarnir sem myndast hafa. Rauðhóll er á verndarsvæði Umhverfisstofnunar Íslands og hafa ber í huga að forðastutanstígsgöngu, til að vernda svæðið við troðningi. Rauðhóls gönguleið er ein af 35 gönguleiðum sem settar hafa verið upp á gönguleiðabækling fyrir þjóðgarð Snæfellsjökuls og er þar hægt að finna upplýsingar um km lengd gönguleiðar,tímalengd gönguleiðar og upplýsingar um merkingar á gönguleið. Við göngu upp Rauðhól er útsýni niður í Öndverðarnes og Saxhól ásamt nálægð við Snæfellsjökul er mikið og útsýni yfir nærsveitir einnig gríðarlegt.   Svæði: Rauðhóll, Snæfellsjökuls þjóðgarður.  Vegnúmer við upphafspunkt: Útnesvegur (nr. 574). Eysteinsdalsvegur (F575).  Erfiðleikastig: Létt leið.  Vegalengd: 2.83km.  Hækkun: 103 metra hækkun.  Merkingar á leið: Merkingar eru á leið.  Tímalengd: 43 mínútur.  Yfirborð leiðar: Smá grjót, hraun undirlag og graslendi.  Hindranir á leið: Þrep eru á leið.  Þjónusta á leið: Engin þjónusta.  Upplýst leið: Leið óupplýst.  Tímabil: Leið opin 12 mánuði ársins en bent er á að leið gæti verið hál vegna ísingar yfir vetrartímann og þegar aurbleyta er frá mars til maí.  GPS hnit upphaf: N64°52.1638 W023°52.8236   GPS hnit endir: N64°52.1638 W023°52.8236   

Svöðufoss á Snæfellsnesi er fallegur foss í Hólmkelsá, skammt frá Rifi. Fossinn er 10 metra hár og fellur af fallegumbasalt súlukletti með stuðlabergsumgjörð. Búið er að byggja bílastæði í nágrenni við fossinn, búið er að setja upp járngrindur ásamt mottum til að komast að fossinum. Allt aðgengi er fyrsta flokks og er hægt að koma vögnum oghjólastólum alla leið að fossinum.   Svæði: Snæfellsnes (milli Rif og Ólafsvík).  Vegnúmer við upphafspunkt: Útnesvegur (nr. 574) og beygt inn við Svöðufoss afleggjara.  Erfiðleikastig: Auðveld leið  Vegalengd: 1.18km.  Hækkun: 20 metra hækkun.  Merkingar á leið: Engar merkingar.  Tímalengd: 17 mín.  Yfirborð leiðar: Mottur, hlaðnir stígar og járngrindur  Hindranir á leið: Engar hindranir.  Þjónusta á leið: Engin þjónusta.  Upplýst leið: Óupplýst leið.  Tímabil: Leið opin 12 mánuði ársins.   GPS hnit upphaf: N64°54.0155 W 023°48.6369  GPS hnit endir: N64°54.0155 W 023°48.6369  

Jafnaskarðsskógur er í eigu skógræktarinnar og er eitt af útivistarleyndarmálum Vesturlands. Göngustígur var fyrst lagður um skóginn árið 1995 að auki sem skógurinn tengist öðrum áhugaverðum gönguleiðum. Jafnaskarðsskógur er staðsettur í brekkum suðvestan við Hreðavatn en útsýni af hæðum ofan skógarins er stórfenglegt. Útsýni yfir Eiríks-og Langjökul, Hreðavatn og nærrliggjandi sveitir auk útsýnis til Skjaldbreiðar og Botnssúla í fjarska. Beygt er við þjóðveg nr.1 við Grábrókarhraun og keyrt að Hreðavatni. Keyrt er framhjá sumarbústöðum en komið er að bílastæði sem er vel merkt. Göngustígur er fjölbreyttur, með brattar hlíðar í bland við léttar leiðir. Gönguleiðir eru ekki merktar, útsýnisstaðir eru margir á svæðinu auk þess sem áningarstaðir, með borðum og bekkjum, er einnig að finna. Hægt er að eyða heilum degi á þessu svæði en einnig eru margar náttúruperlur steinsar frá Jafnaskarðsskógi og má þá nefna Grábrók, fossinn Glanna og Paradísarlaut. Staðsetning: Jafnaskarðsskógur, Borgarbyggð. Upphafspunktur: Bílastæði við skógrækt (vegur Hreðavatn nr. 5258). Erfiðleikastig: Létt leið. Lengd: 2.47 km Hækkun: 141 metrar. Merkingar: Engar merkingar. Tímalengd: 40 mínútur. Undirlag: Yfirborð úr smáum steinum, trjákurli og grasi. Hindranir á leið: Þrep, trappa eða lágur hjalli sem þarf að stíga upp á.  Þjónusta á svæðinu: Engin þjónusta. Lýsing: Gönguleið án lýsingar í myrkri. Árstíð: Ferðaleið er opin 12 mánuði ársins en hafa ber í huga aðstæður yfir vetrarmánuði. GPS hnit upphafspunktar: N64°45.3059 W021°35.7743 GPS hnit endapunktar: N64°45.3059 W021°35.7743

Rauðsgil í Borgarfirði er á mörkum Hálsasveitar og Reykholtsdalshrepps en gilið er dýpst neðst en það nær frá 60 til 70 m dýpi en grynnist þegar ofar dregur. Mikið magn af fossum eru í ánni og ber þar að nefna Laxfoss, Einiberjafoss, Tröllafoss og Bæjarfoss. Fyrsti hluti leiðar gefur göngufólki útsýni af háum fossum en hægt er að ganga meðfram brún en einnig er annar slóði fjær brún sem hægt er að ganga með. Þegar ofar kemur með ánni er möguleiki á því að komast nær ánni og berja augum á fossa og njóta útsýnis og kyrrðarinnar sem er á svæðinu.  Rauðsgil er lít þekktur staður íslenskra og erlenda ferðamann sem getur verið góð viðbót við þá náttúruupplifun sem er aðgengileg á þessu svæði. Upplifun gesta sem heimsækja og ganga upp Rauðsgil er mikil en fjallagarðar sem sjást á þessu svæði geta gefið mikla upplifun, eins og hljóðið í ánni og fossunum á leiðinni. Gangan er tiltölulega auðveld en ekkert er um klifur á leiðinni heldur geta gestir ráðið hvort að gengið er meðfram brún gilsins eða dregið sig nær dráttavélaslóða sem er greinilegur í landslaginu.  Hundar vinsamlega hafðir í böndum þegar féð er laust í hlíðum 1.júní til 30.september. Bent er á að rútur eða stærri bílar geta lagt við Rauðsgilsrétt. Staðsetning: Rauðsgil, Borgarbyggð. Upphafspunktur: Malarnáma við Steindórsstaði (veg nr. 5150). Erfiðleikastig: Létt leið/krefjandi leið Lengd: Heildalengd 4.16km Hækkun: 252 metrar. Merkingar: Engar merkingar. Tímalengd: 1.21klst að ganga. Undirlag: Yfirborð úr smáum steinum, grasi og stóru grjóti.  Hindranir á leið: Þrep, trappa eða lágur hjalli sem þarf að stíga upp á.  Þjónusta á svæðinu: Engin þjónusta á svæðinu. Lýsing: Gönguleið án lýsingar í myrkri. Árstíð: Ferðaleið er opin allan ársins hring nema þegar féð er smalað úr hlíðum og fjöllum. 1-2 dagar á ári í september. Merkingar eru við hlið. GPS hnit upphafspunktar: N64°39.3434 W021°13.7068  GPS hnit endapunktar: N64°39.3434 W021°13.7068