Dægradvöl

Á íslensku má finna yfir 130 orð yfir vind. Sólrún Halldórsdóttir listamaður hefur hér valið 112 orð með tilvísun í neyðarnúmer á Íslandi. Íslendingar eru margir hverjir háðir veðri í sínum daglegu störfum og varla líður sá dagur að veðrið berist ekki í tal manna á milli. Orðunum er raðað upp eftir vindhraða og stuðst við veðurkóda Veðurstofu Íslands, nema hér eru litatónarnir mun fleiri. Oft ræður tilfinning hvar orðið lendir, en einnig er stuðst við frásagnir eldra fólks.  Sólrún Halldórsdóttir er fædd árið 1964 og uppalin í Grundarfirði, næst yngst hjónanna Halldórs Finnssonar og Pálínu Gísladóttur. Mikið var lesið á heimilinu, móðirin rak bókabúð hér í Grundarfirði og snemma fékk Sólrún mikla ást á íslenskri tungu.  Verkið er 18 metra langt og 60 cm breitt. Efniviður er grjót, stál og harðviður. 

Í Einkunnum er að finna mjög fjölbreytt landslag, dýra-og plöntulíf. Einkunnir voru friðlýstar sem fólkvangur árið 2006en markmið með friðlýsingu svæðisins er að vernda það votlendi og jarðmyndanir sem almenningur getur nýtt til fræðslu, útivistar og náttúruskoðunar. Göngustígar liggja víða um svæðið og er hægt að finna erfiðar brekkur í bland við léttar leiðir á láglendi. Klettaborgirnar þrjár sem rísa upp af mýrlendinu eru vel sýnilegar í fjarska en upp af Syðri-Einkunnum er útsýnisskífa, þar sem viðsýnt er um mýrar, Borgarfjörð og Borgarfjarðadali.   Beygt er af þjóðveg nr.1 og inn á veg nr. 536/3. Vegur liggur að bílastæði við Einkunnir. Þar er að finna upplýsingaskiltium líffríki svæðisins ásamt fjölmörgum upphafsstöðum gönguleiða. Aðgengi vagna og hjólastóla er að finna á nokkrum leiðum en flestar leiðir eru mjóir og hækkanir eru víða. Tenging við gönguleið að Borg á Mýrum er að finna en einnig er útivistarsvæði inn í Einkunnum, þar sem grill, bekkir og borð eru að finna. Álatjörn ásamt fjöldan af göngustígum, áningarstöðum og gullfallegri skógrækt gerir Einkunnir að einum af perlum Borgarbyggðar.    Staðsetning: Einkunnir, Borgarbyggð.  Upphafspunktur: Bílastæði við skógrækt (vegur nr.536/3).  Erfiðleikastig: Auðveld leið/Létt leið.  Lengd: 5.2 km  Hækkun: 70 metrar.  Merkingar: Stikur eru að finna en sumstaðar eru engar merkingar.  Tímalengd: 1.17klst.  Undirlag: Yfirborð úr smáum steinum, trjákurli, blönduðu náttúrulegu efni og grasi.  Hindranir á leið: Þrep, trappa eða lágur hjalli sem þarf að stíga upp á.   Þjónusta á svæðinu: Salerni er aðgengilegt.  Lýsing: Gönguleið án lýsingar í myrkri.  Árstíð: Ferðaleið er opin 12 mánuði ársins en hafa ber í huga aðstæður yfir vetrarmánuði.  GPS hnit upphafspunktar: N64°59824 W021°911   GPS hnit endapunktar: N64°59824 W021°911   

Sælingsdalslaug eða Laugar eru bær í Dölum. Þar var löngum skólasetur og aðstaða til íþróttaiðkunar og hafa skólahúsin verið nýtt á ýmsa vegu, meðal annars voru þar skólabúðir um tíma. Að Laugum er 25 metra útilaug, vaðlaug, heitir pottar og gufubað sem opið er öllum.   Á Laugum er Guðrún Ósvífursdóttir, ein af aðalsöguhetjum Laxdælu, fædd og uppalin. Bærinn stendur í grösugum dal, Sælingsdal sem umlukinn er lágum fjöllum frá botni Hvammsfjarðar. Jarðhiti er á svæðinu og koma heitar uppsprettur undan fjallinu. Þar var borað eftir heitu vatni 1964-1965. Öll hús á staðnum eru hituð upp með heitu vatni.  

Flatey á Breiðafirði er stærst vestureyja og hefur alltaf verið þeirra fjölmennust. Í eyjunni er hótel og veitingastaður, mikilnáttúrufegurð og friðsæld. Hafa margir haft á orði að þar sé eins og tíminn standi þar í stað.   Höfnin var skeifulaga, sjálfgerð frá náttúrunnar hendi og veitti var í flestum vindáttum og gengur ferja frá Sæferðum út í eyjuna frá Stykkishólmi.  Í Flatey er kauptún og fjöldi húsa í eyjunni sem eigendur hafa verið að gera upp. Þar var lengi verslun en árið 1777 varð þar löggildur verslunarstaður og ætíð öflugt athafnalíf.   Kirkja er í eyjunni, en einnig var þar prestssetur, hraðfrystihús, læknissetur, landsímastöð og póstafgreiðsla. Kirkjan í Flatey er sérstök að því leyti að innan dyra er hún eins og stórt listaverk sem er verk Baltasar listmálara.   Klaustur var reist í Flatey árið 1172 sem síðar var flutt að Helgafelli á Snæfellsnesi. Heita Klausturhólar þar sem klaustrið stóð og enn sér þar á stóran stein sem á að hafa staðið fyrir utan aðaldyr klaustursins.    

Blautós og Innstavogsnes við Akranes er friðland, auðugt af fuglalífi og vel gróðri vaxið. Það er staðsett norðvestur frá Akrafjalli, rétt við bæjarmörk Akraness. Í voginn rennur Berjadalsá úr Akrafjalli.   Umhverfið býr yfir fallegu landslagi og athyglisverðum jarðmyndunum frá tímum síðustu ísskeiða. Þar er viðkomustaður Margæsa vor og haust á ferð þeirra milli landa. Blautós og Innstavogsnes gegna mikilvægu upplýsingahlutverki og búa yfir fallegum og fjölbreytilegum landslagsþáttum og afþreyingarmöguleikum.  

Fallegur foss við veginn sem gaman er að stoppa við og njóta fallegrar náttúru. Skjólsæll staður og hjálpar þar til skóræktin við Fossá sem er opin skógur og gaman er að taka göngu í skóginum.

Búðir á Snæfellsnesi bjóða upp á mikla náttúrufegurð, gullnar sandfjörur og úfið hraunið með miklum gróðri og fuglalífi. Falleg fjallasýn er frá Búðum og Snæfellsjökull skartar þar sínu fegursta. Búðir voru bújörð og kirkjustaður og á síðari árum vinsæll áningarstaður. Þar er starfrækt hótel. Þegar í fornöld var skipalægi við Búðaósa og hét þá Hraunhafnarós en Hraunhöfn hét höfuðbólið sem stóð uppi undir fjallinu. Aðalverstöðin var vestar með ströndinni nokkru utar og heita þar Frambúðir og voru þar oft búsett á annað hundrað manns.   Brimakaupmenn versluðu þarna á 16. öld og sjást þar miklar rústir. Útgerð var stunduð frá Búðum allt til ársins 1933, þar hafa fundist minjar um akuryrkju.  

Ströndin við Ytri-Tungu er fyrst og fremst einn besti selaskoðunarstaður á Íslandi. Selir koma þangað, þökk sé grýtri strönd þar sem þeir geta fundið fullkomna blöndu af meginlandi og nálægð við örugga hafið. Mikið hefur verið lagt í göngustíga, frá stóru bílastæði út í fjörur Ytri-Tungu.  Vinsamlegast hafið eftirfarandi í huga:  Vinsamlegast hafðu minnst 50 metra fjarlægð frá næsta sel. Séu ungar er mælt með 100 fjarlægð til næsta sels. Ef selur gefur frá sér hljóð, hreyfir sig eða virðist skelkaður gæti það verið merki um truflun. Ef það gerist, vinsamlegast farðu lengra í burtu. Kvendýr yfirgefa oft ungana sína tímabundið til að fara á veiðar. Vinsamlegast ekki reyna að nálgast eða snerta kópa sem virðast hafa verið yfirgefnir. Láttu einmana kópa vera í friði til að leyfa móðurinni að snúa aftur til afkvæma sinna á eðlilegan hátt. Settu þig aldrei á milli sels og sjávar. Mikilvægt er að selurinn hafi greiðan aðgang að vatni til að hann geti fundið fyrir öryggi og trausti.  Þegar þú gengur í átt að dýrunum skaltu gera það með hægum og rólegum hreyfingum. Forðastu hávaða og haltu röddinni lágri ef þú talar. Yfirgefðu svæðið á sama hljóðláta hátt.  Ekki henda hlutum á svæðinu nálægt selunum. Forðastu að nota myndavélaflass við myndatöku. Velferð sela getur haft neikvæð áhrif af stórum hópum fólks á búsvæði sela. Við komu, ef þú lendir í stórum hópi fólks sem er þegar nálægt selunum, vinsamlegast bíddu þar til eitthvað af fólkinu fer.  Hundar skulu ávallt vera í bandi.  --------------------------------------------------------------------------------------------------------------------- Staðsetning: Ytri-Tunga, Snæfellsnesi Upphafspunktur: Bílastæði við Ytri-Tungu, Snæfellsnesvegur (nr. 54) Erfiðleikastig: Auðveld leið/Létt leið Lengd: 1.67 km. Hækkun: 71 m. Merkingar: Stikur er að finna á gönguleið Tímalengd: 27 mín. Undirlag: Yfirborð úr smáum steinum, blönduðu náttúrulegu efni og grasi Hindranir á leið: Þrep, trappa eða lágur hjallur sem þarf að stíga upp á Þjónusta á svæðinu: Engin þjónusta Lýsing: Gönguleið án lýsingar í myrkri Árstíð: Ferðaleið er opin 12 mánuði ársins GPS hnit upphafs- og endapunktar: N 64°48.2310 W 023°04.8595

Hreðavatn í Borgarfirði liggur í einstaklega fögru umhverfi, í kvos milli hrauns og fjalla. Það er aðgengilegt veiðivatn, nærri háskólaþorpinu á Bifröst. Í því eru nokkrir gróðri vaxnir hólmar, stærstur þeirra er Hrísey. Veiðileyfi í vatnið fæst með kaupum á Veiðikortinu.   Umhverfi Hreðavatns er viðbrugðið sökum náttúru- og litafegurðar og fjölmargar gönguleiðir er að finna í nágrenninu, meðfram og kringum vatnið.   Suðvestan við vatnið liggur útivistarparadísin, Jafnaskarðsskógur, í landi Jafnaskarðs, sem vinsælt er að ganga um.  

Grundarfjörður á Snæfellsnesi er heimabær Kirkjufells sem er eitt af þekktustu fjöllum Íslands ef ekki heimsins alls. Bærinn er umlukinn mikilfenglegri náttúru og dýralífi, en ekki er óalgengt að selir og háhyrningar láti sjá sig í firðinum. Gönguleiðir er víða að finna, upp fjallgarðinn, niður við ströndina og innan bæjarmarkanna.  Gönguleið innan bæjarmarka Grundarfjarðar leiðir gesti að ýmsum áhugaverðum stöðum, þjónustu og kennileitum. Nefna má listaverk bæjarins, íþróttasvæði og sundlaug, Grundarfjarðarkirkju, upplýsingamiðstöð, kajakleigu við ströndina, veitingastaði, gististaði, kaffihús, vinnustofu listamanna og margt fleira. Aðgengi á gönguleið er gott og unnið er að endurbótum á göngusvæðum. Vagnar og hjólastólar geta nýtt mestalla gönguleiðina en hluti leiðar er með malarundirlagi. Á gönguleið er gengið niður að strandlengju bæjarins og er þar að finna stórkostlegt útsýni fyrir fjörðinn, að Kirkjufellinu fræga, til Melrakkaeyjar ásamt fjölbreyttu dýralífi.  Staðsetning: Grundarfjörður (bílastæði við Borgarbraut 17-19). Upphafspunktur: Bílastæði við íþróttasvæði. Erfiðleikastig: Auðveld leið. Lengd: 2.09 km. Hækkun: Minna en 50 metrar. Merkingar: Þjónusta og fyrirtæki á skiltum sem verða sett upp vorið 2024. Tímalengd: 30 mínútur. Undirlag: Yfirborð malbikað og að hluta til með fínu malarlagi. Hindranir á leið: Engar hindranir á leið. Þjónusta á svæðinu: Tjaldsvæði er við gönguleið, salerni er að finna við sundlaug, tjaldsvæði og í samkomuhúsi. Hægt er að nálgast borðkort af Grundarfirði víða á leið.  Lýsing: Gönguleið að hluta með lýsingar í myrkri. Árstíð: Ferðaleið er opin 12 mánuði ársins en hafa ber í huga aðstæður yfir vetrarmánuði. GPS hnit upphafspunktar: N64°55.3122 W 023°14.5813 GPS hnit endapunktar: N64°55.3122 W 023°14.5813

Á Akranesi er að finna þrjár skemmtilegar gönguleiðir um skógræktir. Ein er í Garðalundi, ein í Klapparholti og ein íSlaga. Garðalundur hefur fjölbreytta afþreyingarmöguleikar fyrir íbúa og gesti Akranes, Klapparholt er skógrækt þar sem finna má margbreytilegar tegundir gróðurs, eins og t.d. birki, reynitré og stafafura og Slagi sem er staðsett viðrætur Akrafjalls. Þar hefur veirð gróðursett síðan 1980 og er þar að finna skemmtilegar gönguleiðir auk fallegs útsýnis yfir Akranes.   Inn í Garðalundi er að finna fjölbreytta afþreyingu gesta og íbúa Akranes. Standblakvöllur, frisbeegolf völlur,æfingatæki, áningarstaðir, skáli, gönguleiðir og upplýsingaskilti. Eins er að finna salerni og sorptunnur eru víða. Blómlegt félagslíf er þar að finna fyrir gesti, sem geta notið veðurblíðunnar sem þar er að finna, en mjög skjólsamt erþar eða notið sín í þeim fjölmörgu afþreyingar möguleikum sem hægt er að finna.Inn í Klapparholti er að finna nokkur upplýsingaskilti um svæðið og hjónin Guðmund Guðjónsson og Ragnhildi Árnadótturen þau hófu ræktun og skipulag á svæðinu árið 1988. Eins er að finna „Klapparholtið“ en það stendur í miðri skógrækt. Sögur fara af því að álfakirkja og huldufólk búi í „Klapparholtskirkju“ sem stendur þar. Vinsælt er að útivistafólk nýti svæðið í göngu,hlaup eða hjólaferðir.  Inn í Slaga er að finna salerni og áningarstaði en auk þess er frábært útsýni yfir Akranes og nærsveitir.Gönguleið er úr Slaga að upphafi gönguleiðar upp Akrafjall en einnig er vinsælt að útivistafólk nýti svæðið undir göngu, hlaup eða hjólaferðir.   Svæði: Akranes.  Vegnúmer við upphafspunkt: Við Garðalund (Klapparholtsvegur) inn í Akranesi.  Erfiðleikastig: Auðveld leið. Aðgengi fyrir vagna og hjólastóla en sumstaðar er aðgengi erfitt. Vegalengd: 12.31km  Hækkun: 50-100 metra hækkun.  Merkingar á leið: Merkingar eru að finna inn í sumum skógræktarsvæðum en ekki á milli svæðana. Leiðin er að mestu mjög sýnileg.  Tímalengd: 2.23klst.  Yfirborð leiðar: Smá grjót, trjákurli, grasi og blönduðu efni.  Hindranir á leið: Engar hindranir inn í Garðalundi og Klapparholti en undirlag og þrep í Slaga.  Þjónusta á leið: Við Garðalund og inn í Slaga.  Upplýst leið: Óupplýst leið.  Tímabil: Opið 12 mánuði ársins.   GPS hnit upphaf: N64°19.3052 W022°02.2243. Við Garðalund.  GPS hnit endir: N64°19.9648 W021°58.8807. Við Slaga skógrækt. 

Yst á Snæfellsnesi trónir hinn dularfulli Snæfellsjökull og þar var Snæfellsjökulsþjóðgarður stofnaður 28. júní árið 2001. Hlutverk þjóðgarðsins er að vernda náttúru og landslag, vistkerfi, dýralíf sem og menningararf svæðisins.  Þjóðgarðurinn er 18km2 að stærð og fyrsti þjóðgarður landsins sem nær að sjó og hefur þá sérstöðu að geyma minjar frá útræði fyrri alda. Landslagið á Snæfellsnesi er magnþrungið og margbreytilegt. Ströndin er fjölbreytt þar sem skiptast á grýttir vogar, strendur með ljósum eða svörtum sandi og snarbrattir sjávarhamrar með iðandi fuglalífi um varptímann.  Láglendið innan þjóðgarðsins er að mestu hraun sem runnið hefur frá Snæfellsjökli eða eldvörpum á láglendi og er víðast þakið mosa en inn á milli má finna fallega, skjólsæla bolla með gróskumiklum gróðri. Láglendið á sunnanverðu Snæfellsnesi er forn sjávarbotn sem risið hefur frá því ísöld lauk. Hamrabeltin upp af láglendinu eru því gamlir sjávarhamrar.  Snæfellsjökull gnæfir tignarlegur yfir umhverfinu og undirfjöll hans eru margbreytileg að lögun. Ofar í landinu og nær Jökulhálsi eru vikurflákar og land sem er nýlega komið undan jökli.  Almenningi er heimil för um þjóðgarðinn en ganga skal snyrtilega um svæðið og fylgja öllum umgengnisreglum sem gilda eins og hirða rusl og fylgja merktum leiðum og skipulögðum stígum. Umferð reiðhjóla er aðeins heimil á skilgreindum hjólastígum og vegum og lausaganga hrossa og hunda er ekki heimil. Einnig er óheimilt að kveikja eld á víðavangi þar sem hætta getur stafað af, hvort sem um er að ræða gróður, dýralíf eða mannvirki.  Gestastofa Snæfellsjökulsþjóðgarðs er annars vegar á Malarrifi, sunnanmegin í þjóðgarðinum og hins vegar er, norðanmegin við þjóðgarðinn, Þjóðgarðsmiðstöðin á Hellissandi. Á gestastofunum eru starfandi landverðir sem veita upplýsingar og aðstoð og eru salernin þar opin allt árið.  Smelltu hér til að sjá opnunartíma gestastofanna   

Gönguleið um útjaðar Ólafsvíkur og inn í miðsvæði bæjarins er mjög skemmtileg og fjölbreytt. Innviðir eru til staðar við tjaldsvæði og margir áningastaðir á gönguleiðum. Upplýsingaskilti eru einnig víða að finna og leiktæki fyrir allan aldur. Göngusvæði er því fyrir fjölbreyttan hóp gesta og íbúa og tilvalið að njóta.  Tjaldsvæði er staðsett við útjaðar Ólafsvíkur að austanverðu en þar er að finna salerni, sturtu, rafmagn, eldunaraðstöðu og úrgangslosun. Leiktæki eru á svæðinu en tjaldsvæði er skjólgott og er um 10 mínútna ganga inn í miðbæ Ólafsvíkur. Gestir sem ganga um þær fjölmörgu gönguleiðir munu upplifa fallegan gróður, marga áningastaði, leiktæki og fallega náttúru.  Ólafsvík gönguleið er fjölbreytt og skemmtileg leið. Skógræktarfélag Ólafsvíkur hefur lagt mikið í skógræktinga og tengingu við bæinn en einnig við gönguleið upp Enni og fjalllendi fyrir ofan Ólafsvík. Upplýsingar á gönguleið eru fjölmargar, útsýni yfir Ólafsvík og skógrækt. Svæðið er kjörið fyrir útivist en hægt er að finna fjölmarga afþreyingamöguleika á leiðinni eins og Frisbee-golf brautir, hoppubelg og fleira.  Staðsetning: Ólafsvík Upphafspunktur: Tjaldsvæðið í Ólafsvík (Útnesvegur nr. 574). Erfiðleikastig: Auðvelt Lengd: 4.26 km Hækkun: 50 m Merkingar: Stikur Tímalengd: 1 klst Undirlag: smásteinar og trjákurl  Hindranir á leið: Þrep eru á leiðinni Þjónusta á svæðinu: Þjónustumiðstöð tjaldsvæðis Lýsing: Engin lýsing Árstíð: Leiðin er opin allt árið um kring GPS hnit upphafspunktar: N64°53.3401 W023°41.2849 GPS hnit endapunktar: N64°53.3401 W023°41.2849

Náttúran við Húsafell í Borgarfirði einkennist af víðfeðmum og gróskumiklum skógi sem teygir sig  upp eftir hlíðum fjallanna og inn með giljum sem setja svip sinn á landslagið. Undan skóginum birtist svo hraunið með sínum tæru uppsprettulindum og lækjum.  Húsafell er umlukið fjallahring þar sem tignalegir tróna yfir jöklarnir Ok, Langjökull og Eiríksjökull og frá þeim koma hvítfyssandi jökulár. Náttúran á Húsafelli er rík af auðlindum sem gefur af sér heitt og kalt vatn ásamt fjölskrúðugu fuglalífi. Það má með sanni segja að náttúran við Húsafell sé perla milli hrauns og jökla.   Göngukort af svæðinu hér

Garðalundur á Akranesi, eða skógræktin eins og heimamenn kalla lundinn jafnan, er skammt ofan Byggðasafnsins í Görðum og við hlið golfvallarins. Þar er eitt helsta útivistarsvæðið á Akranesi.  Á síðustu árum hefur jafnt og þétt verið bætt við afþreyingarmöguleikum í Garðalundi en þar eru m.a. ýmis konar leiktæki fyrir börn á öllum aldri, strandblakvöllur og sparkvellir. Einnig glæsilegur grillskáli, minigolfbrautir og dótakista með alls kyns leikföngum og áhöldum til útileikja sem gestum er frjálst að nota.   Í lundinum er fjölbreyttur gróður og margar trjátegundir. Mest áberandi eru hátt í sextíu ára gömul grenitré sem sjá til þess að þar sé alltaf gott skjól til útivistar. Einnig er að finna fallegar tjarnir í Garðalundi þar sem hægt er að veiða síli, fylgjast með öndum og fleiri fuglum, og jafnvel bregða sér á skauta á veturna.   Vinsælt er að halda alls kyns mannfagnaði í Garðalundi s.s. afmæli og ýmsar hópsamkomur, meðal annars á 17. júní og á írskum dögum, bæjarhátíð Akurnesinga.  

Skógræktin er staðsett við þjóðveg og hefur áningarstaðurinn við útjarð skógræktar mikið aðdráttarafl ferðamanna um svæðið en útsýni þaðan er frábært. Gamla réttin og fossinn, Sjávarfoss, vekja mikla athygli þegar keyrt er um svæðið og einnig útsýnið yfir Hvalfjörð. Fossá er skógræktasvæði í Hvalfirði sem fjögur skógræktarfélög halda utan um. Skógræktarfélag Mosfellsbæjar, Kjalarnes, Kjós og Kópavogs. Fossá var formlega tekin inn í Opinn skógur verkefnið árið 2011 en Fossárjörðin er með skjólgott svæði og mikin skóg en hefur einnig að bjóða kræklingafjöru undan Fossárósum, fossar og flúðir sem berast með Fossáinni og ágætis berjalandi. Jörðin er alls 1.100 hektarar og er búið að planta yfir milljón plöntun en aðallega hefur verið gróðursett greni, birki og fura. Á Fossá eru að finna merktar gönguleiðir ásamt áningarstöðum og hefur svæðið því mikla útivistarmöguleika. Skógræktarfélögin fjögur, stofnuðu árið 2001, rekstrarfélag um skógræktina á jörðinni og aðrar framkvæmdir á svæðinu, svo sem stígagerð og lagningu vega í skóginum. Þetta rekstrarfélag nefnist Fossá skógræktarfélag en það hefur tekjur sínar af sölu jólatrjáa en á síðustu árum hefur sala á skógarviði til margvíslegra nota einnig komið til. Jólatrésræktun er fyrirferðamikil á svæðinu og hefur rekstrarfélagið ágætil tekjur af sölu ár hvert. Svæði: Kjósahreppur. Vegnúmer við upphafspunkt: Hvalfjarðarvegur (nr. 47). Erfiðleikastig: Létt leið. Aðgengi er víða fyrir vagna og hjólastóla en ekki allsstaðar. Vegalengd: 9.5km. Hækkun: 50-100 metra hækkun. Merkingar á leið: Stikur eru sýnilegar á köflum á gönguleið en sumsstaðar eru engar merkingar. Tímalengd: 2 klst. Yfirborð leiðar: Smá grjót, gras og stór grjót. Hindranir á leið: Þrep og vað. Þjónusta á leið: Engin þjónusta. Upplýst leið: Óupplýst leið. Tímabil: Ferðaleið er opin alla 12 mánuðiársins. GPS hnit upphaf: N 64°21.1996 W 021°27.9139 GPS hnit endir: N 64°21.1996 W 021°27.9139

Djúpalónssandur á Snæfellsnesi er skemmtileg, bogamynduð malarvík með ýmsum furðulegum klettamyndunum. Þarna er einstaklega kraftmikill staður þar sem hraunið mætir úthafinu þar sem hægt er að fá orku, innblástur og útrás en líka kyrrð og frið.   Á árum áður var útgerð og verbúðarlíf á Djúpalónssandi og þótti mönnum þar reimt. Frá þeim tíma eru fjórir aflraunasteinar sem liggja undir kletti þegar komið er niður undir sandströndina. Þeir heita Fullsterkur 154 kg, Hálfsterkur 100 kg, Hálfdrættingur 54 kg, Amlóði 23 kg. Vinsælt er að reyna krafta sína á steinunum sem liggja undir Gatkletti.   Bannað er að vaða og synda í sjónum við Djúpalónssand en mikið dýpi og sterkir straumar gera slíkt lífshættulegt.   Frá Djúpalónssandi er um 1 km löng gönguleið yfir í Dritvík þar sem var mikil útgerð fyrrum. Dritvíkingar urðu að sækja allt vatn yfir á Djúpalónssand. Vatnsstígur þeirra lá yfir nesið Suðurbarða eða Víkurbarða.   Bílastæði og salerni eru á staðnum.  

Einkunnir í Borgarfirði er fólkvangur, sérkennilegur og fallegur staður með klettaborgum sem rísa upp úr mýrunum rétt norðan við Borgarness. Að fólkvangnum liggur um það bil 2,5 km. malarvegur frá þjóðvegi nr.1 í gegnum hesthúsahverfi hestamannafélagsins Skugga, á móti golfvellinum að Hamri. Þar er tilvalinn, skjólgóður, áningarstaður fyrir allan aldur, ekki síst fjölskyldur með börn. Borð og bekkir eru á staðnum ásamt bílastæðum.   Í Einkunnum hefur verið skógrækt síðan árið 1951, og svæðið var friðlýst sem fólkvangur árið 2006. Nafnið er fornt og kemur fyrir í Egilssögu.   Á Syðri-Einkunn eru tvær vörður, landnámsvarða og útsýnisskífa, en þaðan er mjög víðsýnt. Má meðal annars sjá fimm jökla, Borgarfjarðardali, Mýrar, Borgarfjörðinn og Snæfellsnesið. 

Við bæinn Ölkeldu á Snæfellsnesi er laug þar sem koldíoxíð (CO2) kemur upp með grunnvatninu. Leyfilegt er að smakka á ölkelduvatninu sem margir telja allra meina bót. 

Staðurinn er ekki síst þekktur vegna búsetu sálmaskáldsins séra Hallgríms Péturssonar en Saurbær hefur verið prestssetur og kirkjustaður um langa hríð. Hallgrímskirkja í Reykjavík er einnig nefnd eftir honum.  

Hellnar á Snæfellsnesi er vinsæll áningarstaður ferðamanna sem er í mestu nálægð Snæfellsjökuls og þar er einnig hótel og kaffihús. Bergrani austan við höfnina heitir Valasnös en þar er hin rómaði hellir, Baðstofa. Litbrigði í hellinum eru mjög breytileg eftir birtu og sjávarföllum. Fallegastur er hann talinn vera snemma morguns í sólskini á háflóði.   Ásgrímsbrunnur á Hellnum er kenndur við Ásgrím Hellnaprest (1758-1829). Hann hjó brunn í bergið þar sem aldrei hafði áður verið vatn.  Á Hellnum var um langa hríð sjávarpláss með miklu útræði og um aldir ein af stærstu verstöðvunum á Snæfellsnesi. Allgott lægi er fyrir smábáta á víkinni fram af byggðinni og þar hafa verið gerðar nokkrar lendingarbætur.   Kirkja var sett á staðinn um 1880 og núverandi kirkja var vígð árið 1945 sem er útkirkja frá Staðarstað og hefur verið svo frá 1917.    

Deildartunguhver í Borgarfirði er vatnsmesti hver í Evrópu. Hitastig vatnsins er 100° og úr hvernum koma um 180lítrar af heitu vatni á sekúndu.   Frá Deildartunguhver, sem er friðaður, liggur ein lengsta jarðahitavatnslögn í heimi um 64 kílómetra leið til Akranes. Hitaveita var stofnuð árið 1979 um notkun á vatninu sem hitar upp hús frá Borgarfirði að Akranesi.   Hverinn er hluti af langstærsta jarðhitakerfi Borgarfjarðar, sem kennt er við Reykholtsdal, sem er það öflugasta á Íslandi, ef litið er til náttúrlegs yfirborðsjarðhita, og kemur nær helmingur þess vatnsrennslis er úr hvernum.   Afbrigði af burknanum Skollakambi, vex við hverinn. Hefur hann fengið heitið Tunguskollakambur því talið er að þetta afbrigði sé hvergi annars staðar að finna og eigi ekki sinn líka í veröldinni. Hann er friðaður.   Bílastæði eru á staðnum.  

Botnsdalur í Hvalfirði er að stórum hluta skógi vaxinn og tilvalinn til að njóta útivistar fyrir alla aldurshópa. Í dalnum voru tveir bæir, Stóri-Botn og Litli-botn.   Fyrir botni Botnsdals eru Botnssúlur og er hæsti tindur þeirra 1095m þar norðvestur af er svo Hvalfell, 848 m, sem liggur yfir þveran dalinn.   Í Landnámu segir frá því að Ávangur, írskur maður, hafi fyrst byggt í Botni. Þá var dalurinn svo skógi vaxinn að hann hafi smíðað sér hafskip og hlaðið þar sem nú heitir Hlaðhamar sem er sunnan við Botnsvog.   Fossinn Glymur er innst í Botnsdal.  

Hvanneyri er lítið, vaxandi þéttbýli í Borgarfirði, þar sem höfuðstöðvar Landbúnaðarháskóla Íslands (LBHÍ) eru staðsett en einnig er þar að finna Landbúnaðarsafn Íslands, verslunin Ullarsel og Hvanneyrartorfan, sem eru gömlu skólahúsin á Hvanneyri. Gönguleiðin fer út að Andakílsá og í kring um Torfuna. Friðlýst svæði Umhverfisstofnunar, Ramsarsvæði sem er fuglafriðland er á Hvanneyri en það er við Andakíl. Hvanneyrartorfan er friðlýst svæði Minjastofnunar en auk þess hefur Landbúnaðarskóli Íslands séð um viðhald göngustíga á svæðinu auk sjálfboðaliða. Mikil uppbygging hefur verið í gönguleiðum og útivistarstöðum á svæðinu og hefur Hvanneyri mikið aðdráttarafl fyrir útivistarfólk.   Hvanneyri hefur upp á að bjóða sögu, náttúru og útivist. Fuglalífið á svæðinu er margbreytilegt en aðdráttarafl dýralífs hefur dregið marga ferðamenn til að koma augu á blesgæsina en verndarsvæði hennar er á Hvanneyri. Torfan dregur gesti að Hvanneyri en gömlu skólahúsin eru enn í notkun og hafa þar mismunandi hlutverk, eins og kaffihús, íþróttahús, safnahús og íbúðir fyrir kennnara Landbúnaðarháskólans.  Hvanneyrartorfan er á skrá Minjastofnunar um friðlýst hús og mannvirki en þau eru Hvanneyrarkirkja (byggt árið 1905),Skólahúsið (byggt árið 1910), Skólastjórahúsið (byggt árið 1920), Skemman (byggt árið 1896), Leikfimihúsið (byggt árið 1911), Hjartarfjós (byggt milli 1900-1901), Halldórsfjós og hlaða (byggt milli 1928-1929) og Vélahús.   Umhverfisstofnun friðlýsti Hvanneyri sem búsvæði árið 2002 en stækkaði svo svæðið árið 2011 og fékk þá nafnið Andakíll. Markmið friðlýsingar var og er að vernda þau votlendi sem þar er að finna, sem eru búsvæði fjölmargra fuglategunda.  Gönguleið byrjar við bílastæði Landbúnaðarsafns Íslands og gengið í átt að LBHÍ, á leið út að Andakílsá.Gönguleið fer inn á þjóðveg á litlum kafla en annars er gengið á malarvegi, mottum, hellulögðum stíg, trékurli og smá grjóti.    Vakin er athygli á því að frá 20.apríl til 20.júlí er varptími fugla og því er gestum á svæðinu bent á að taka sérstakt tillit til fuglalífs á verndarsvæðinu. Þá er ekki leyfilegt að vera með hunda/ketti í lausagöngu á svæðinu. Staðsetning: Hvanneyri, Borgarbyggð.  Upphafspunktur: Landbúnaðarsafn Íslands (Hvanneyrabraut nr. 53).  Erfiðleikastig: Auðveld leið/létt leið  Lengd: Heildalengd 8.77km  Hækkun: 12 metrar.  Merkingar: Merkt leið að hluta með stikum.  Tímalengd: 1.46 klst að ganga.  Undirlag: Blandað undirlag, smáir steinar, gras og trjákurl.   Hindranir á leið: Þrep, trappa eða lágur hjalli sem þarf að stíga upp á.  Þjónusta á svæðinu: Landbúnaðarsafn Íslands, Ullarselið og LBHÍ.  Lýsing: Gönguleið án lýsingar í myrkri.  Árstíð: Ferðaleið er opin alla 12 mánuði ársins en bent er á mikilvægt er að halda sig inn á göngustígum frá 20.apríltil 20.júlí vegna fuglavarps á svæðinu.  GPS hnit upphafspunktar: N 64°33.8794 W021°45.9281   

Hvalfjörður í Hvalfjarðarsveit þykir einn af fegurstu fjörðum landsins. Innst klofnar hann í tvo voga, Brynjudalsvog og Botnsvog. Fyrir botni eru Múlafjall, Hvalfell og Botnssúlur en utar Þyrill og fleiri fjöll.   Kaupskip komu í Hvalfjörð fyrr á öldum og þar voru verslunarstaðir. Áið 1402 kom Hvala-Einar Herjólfsson þar á skipi sínu og flutti með sér skæðustu drepsótt sem geisað hefur á Íslandi, svartadauða.   Á árum seinni heimstyrjaldarinnar var Hvalfjörður vettvangur mikilla umsvifa, fyrst Breta og síðan Bandaríkjamanna. Mannvirki voru reist í Hvítanesi, innarlega við fjörðinn þar sem enn sjást leifar en ekki síst í landi Litlasands og Miðsands og oft á tíðum var fjörðurinn fullur af skipum.   Bryggja var gerð undir Þyrilsklifi og eftir stríð var reist þar hvalstöð sem er hin eina á Íslandi. Enn má sjá minjar frá stríðsárunum og eru þar meðal annars braggar sem hafa verið gerðir upp.  Þjóðsagan segir að fjörðurinn beri nafni sitt af illhveli nokkru, Rauðhöfða, sem hafi haft aðsetur á Faxaflóa. Rauðhöfði var í upphafi maður er hafði svikið álfkonu og galt fyrir á þennan hátt. Eirði hann engum er náð varð til á sjónum milli Reykjaness og Akraness.   Meðal þeirra sem hann grandaði voru synir blinds prest er sat í Saurbæ á Hvalfjarðarströnd. Sá var forn í skapi og vissi jafnlangt nefi sínu. Prestur reiddist mjög og ákveður að granda hvalnum. Hann seiðir Rauðhöfða inn fjörðinn, eftir Botnsá og að gljúfrinu. Þá urðu þrengslin svo mikil að allt skalf. Er hvalurinn ruddist áfram upp fossinn glumdi í björgum og jörðin hristist. Heitir fossinn eftir það Glymur og hæðirnar fyrir ofan hann, Skjálfandahæðir.   Prestur linnti ekki látum fyrr en hvalurinn var kominn upp í vatnið fyrir ofan fossinn. Heitir það síðan Hvalvatn, fellið þar nærri Hvalfell og fjörðurinn Hvalfjörður. En er Rauðhöfði kom í vatnið sprakk hann af áreynslunni og sagt er að það hafi fundist gríðarlega stór hvalbein sem þykja vera sögunni til staðfestingar. 

Í Dagverðarnes í Dölum kom Auður djúpúðga í leit að öndvegissúlunum og snæddi þar dögurð og dregur nesið nafn sitt af þeim viðburði.   Á vinstri hönd, á leið niður á nesið, er friðlýstur grjóthringur með grjótbungu í miðju.   Talið er að kirkja hafi lengi verið í Dagverðarnesi. Núverandi kirkja var byggð árið 1934 úr viðum fyrri kirkju og er hún friðuð. Þar hefur alla jafna verið messað einu sinni ári. Úti fyrir nesinu liggur Hrappsey þar sem rekin var fyrsta veraldlega prentsmiðja landsins 

Á Eiríksstöðum í Dölum eru fornar rústir sem líklega eru bær Eiríks rauða Þorvaldssonar og konu hans Þjóðhildar Jörundardóttur. Rústir bæjarins eru friðlýstar fornminjar.  Skammt vestan við rústirnar á Eiríksstöðum var restur tilgátubær sem vígður var árið 2000 í tilefni þess að 1000 ár voru liðin frá landafundum Leifs heppna í Ameríku.  Að Eiríksstöðum er lifandi safnastarfsemi. Starfsfólk er klætt að fornum sið og fræðir gestkomandi um lífið fyrir þúsund árum, gamla verkmenningu og búskaparhætti. Jafnframt er hægt að skoða handverk, vopn og ýmsa muni frá sama tíma. Þá eru söguskilti á svæðinu og stytta af Leifi Eiríkssyni eftir Nínu Sæmundsson.  Keyrður er vegur nr. 60 (Vestfjarðarvegur) en beygt inn á veg nr. 586 (Haukadalsveg) og keyrt inn að bílastæði við Eiríksstaði. Bílastæði er veglegt og er þar að finna þjónustuskála ásamt salerni og upplýsingaskiltum. Gönguleiðir liggja að tilgátuhúsi en einnig að minjum á svæðinu. Gönguleið er að hluta með malarundirlagi og hluta með gangstéttarhellum.  Staðsetning: Dalabyggð Vegnúmer við upphafspunkt: Nr. 586 (Haukadalsvegur) Erfiðleikastig: Auðveld leið/létt leið Lengd: 0.6 km. Hækkun: 29 metrar Merkingar: Engar merkingar en leiðir eru greinilegar, nema ef mikill snjór er á svæðinu Tímalengd: 13 mínútur að ganga Undirlag: Smáum steinum, steyptum gangstéttarhellum og flötum steinum Hindranir á leið: Engar hindranir Þjónusta á svæðinu: Salerni, sorplosun og möguleiki á að kaupa leiðsögn í tilgátuhúsi á opnunartíma Lýsing: Gönguleið án lýsingar í myrkri Árstíð: Ferðaleið er opin 12 mánuði ársins en hafa ber í huga aðstæður yfir. vetrarmánuði GPS hnit upphafs- og endapunktar: N 65°03.5023 W 021°32.1731

Bjössaróló í Borgarnesi er stundum talinn besta geymda leyndarmál Borgarness. Róluvöllurinn var hannaður og smíðaður af hugsjónamanninum Birni Guðmundssyni. Þessi snillingur hugsaði mikið um endurnýtingu og smíðaði leikvöllinn eingöngu úr efni sem hafði verið hent eða nýttist ekki lengur.  Leiksvæðið er neðarlega í bænum og hægt að ganga þangað eftir strandlengjunni, frá Landnámssetri, eða fara niður í Englendingavík og ganga þaðan, sem er styttri leið.   Á Bjössaróló eru rólur, rennibrautir, vegasalt, gamall bátur, brú og ýmislegt fleira skemmtilegt í ævintýralegu umhverfi. Í Englendingavík er fjara sem einnig er upplagt er að leika sér í.  

Helgafell – heilagt fjall í gegnum aldirnar  "Gakktu í þögn upp á Helgafell – þar mætast þjóðtrú, trúarleg helgi og víðáttumikið útsýni sem nær djúpt inn í hjartað". Rétt sunnan við Stykkishólm er Helgafell – lágreist fell en stórt í sögu þjóðarinnar. Fjallið, sem er aðeins 73 metra að hæð er samt áberandi þar sem það stendur eitt og sér í landslaginu. Helgafell hefur frá upphafi byggðar tengst trú þjóðarinnar – og er enn í dag eitt helgasta náttúrukennileiti Vesturlands. Landnámsmaðurinn Þórólfur Mostrarskegg sem þarna nam land og nefndi Þórsnes, helgaði fjallið að heiðnum sið guði sínum Þór. Hann reisti einnig hof tileinkað Þór við rætur Helgafells, og var þar þingstaður Vestfjarðafjórðungs – Þórsnesþing. Þessi tenging við söguna lifir enn í staðarandanum, t.d. í byggðamerki Stykkishólms þar sem Mjölnir hamar Þórs er undirstaðan í merkinu sem verndartákn svæðisins.  Helgafell tengist einnig einni sterkustu kvenpersónu Íslendingasagna, Guðrúnu Ósvífursdóttur úr Laxdælu. Hún bjó að Helgafelli síðari hluta ævi sinnar og sagan segir að hún hvíli þar.   Eftir kristnitöku var klaustur á Helgafelli sem var bæði mennta- og fræðasetur þar sem voru skrifaðar margar bækur. Þar er nú kirkja og var lengi prestsetur. Þannig hefur Helgafell verið tákn og haft stóran sess í trú og sögu þjóðarinnar allt frá landnámi til vorra daga.  Þjóðtrúin segir að þeir sem ganga í þögn og án þess að líta til baka upp á fjallið í fyrsta sinn, megi óska sér þriggja óska – svo fremi sem óskirnar séu gerðar af góðum huga og engum sagðar.  Í dag liggur stikuð gönguleið frá bílastæði við rætur Helgafells upp á topp fjallsins. Þar er útsýnisskífa með upplýsingum útsýnið til allra átta; yfir Helgafellsveitina, Þórsnesið, Breiðafjörð, Snæfellsnesfjallgaðrinn og til fjallanna á sunnanverðum Vestfjörðum og Dölum á fjarlægum sjóndeildarhringnum. Gangan er stutt, en útsýnið og upplifunin mjög áhrifamikil og heillandi.  Virðið helgi staðarins. Gakktu hægt, mæltu ekki orð – og óskaðu með hjartanu. 

Daníelslundur í Borgarfirði er skógarlundur rétt fyrir neðan bæinn Svignaskarð. Staðurinn er tilvalinn áningarstaður til útivistar fyrir alla aldurshópa og er í alfaraleið, við þjóðveg nr. 1.   Í skóginum eru góðir göngustígar, rjóður með bekkjum og borðum ásamt grilli. Mikilvægt er að göngustígum sé fylgt, viðkvæmum gróðri sé hlíft og að gestir hirði rusl eftir sig.   Efst í lundinum er gott útsýni. Ekið er inn á bílastæði af þjóðveginum.  

Borg á Mýrum í Borgarfirði er landnámssetur, kirkju- og prestssetur. Bærinn stendur fyrir botni Borgarvogs og er landnámsjörð Skallagríms Kveldúlfssonar er nam Borgarfjarðarhérað. Hann var faðir Egils Skallagrímssonar og niðjar þeirra bjuggu lengi síðan á Borg.   Egill var höfuðskáld Íslendinga að fornu, einn af höfuðköppum sögualdar á Íslandi. Um hann fjallar Egils saga Skallagrímssonar. Í eldri hluta Borgarness eru götur nefndar eftir sögupersónum í Egilssögu, eins og Skallagrímsgata, Egilsgata, Kveldúlfsgata og fleiri.   Minnismerkið Sonatorrek eftir Ásmund Sveinsson var reist á Borg 1985. Það er tilvitnun í kvæði eftir Egil Skallagrímsson sem hann orti eftir lát sona sinna.   Kirkja á Borg var helguð Mikael erkiengli í kaþólskum sið. Núverandi kirkja var reist 1880. Altaristafla kirkjunnar er eftir enska málarann W.G. Collingwood sem hann málaði eftir Íslandsferð sína 1897. 

Búðardalur í Dölum er þjónustumiðstöð Dalana en þar er að finna fjölmarga þjónustufyrirtæki, heilsugæslu og skóla. Helsta aðdráttarafl Búðardals er Vínlandssetrið en þar er að finna sýningar og sögur af landafundum Eiríks rauða og Leifs heppna Eiríkssonar á Grænlandi, Kanada og Bandaríkjunum. Í Vínlandssetri er að finna upplýsingamiðstöð fyrir ferðamenn en í Búðardal er einnig að finna gistiheimili, tjaldsvæði ásamt veitinga-og kaffihús. Frá Vínlandssetri hefst gönguleið um Búðardal-Laxarós.   Í byrjun göngu er gengið inn Ægisgötu en þar er að finna gangstétt sem liggur upp götuna. Niður við fjörunaer búið að setja upp göngubrýr til að auðvelda aðgengi og mottur hafa verið settar niður á gönguleið til að auðvelda aðgengi gesta. Gönguleið um Búðardal-Laxarós er falleg og fjölbreytt, með skemmtilegum áningarstöðum á leiðinni. Gönguleið er mjög greinileg þegar komið er niður í fjöruborðið en lítið er um merkingar á leiðinni allri. Vínlandssetur er mjög hentugur staður til að hefja eða enda göngu en þar er að finna alla þá þjónustu sem útivistafólk þarf en einnig væri hægt að hefja göngu á öðrum stöðum í Búðardal.    Svæði: Búðardalur, Dalabyggð.  Vegnúmer við upphafspunkt: Vestfjarðarvegur(nr. 60) og gatnamótum Miðbraut og Ægisbraut inn í Búðardal.  Erfiðleikastig: Auðveld og létt leið.  Vegalengd: 1.43 km  Hækkun: 0-50 metrar.  Merkingar á leið: Á nokkrum stöðum á leið.  Tímalengd: 21 mín.  Yfirborð leiðar: malbik, smáir steinar, gras,trékurl, blandað yfirborð.  Hindranir á leið: Þrep eru víða.  Þjónusta á leið: Vínlandssetur.  Upplýst leið: Óupplýstar leiðir.  Tímabil: Gönguleið er opin allt árið.  GPS hnit upphaf: N65°06.6323 W021°46.3246  GPS hnit endir: N65°05.9515 W021°46.3543  

Íþróttamiðstöðin í Borgarnesi er staðsett í miðjum bænum með sundlaug sem hefur verið vinsæll áfangastaður heimamanna og ferðalanga. Næg bílastæði eru á staðnum. Sundlaugin hefur verið afar vel sótt til fjölda ára. Í miðstöðinni eru útisundlaug, vatnsrennibrautir, heitir pottar, vaðlaug, innilaug, eimbað og góð sólbaðsaðstaða. Einnig er hægt að kaupa sér aðgang að líkamsræktarsalnum.  

Langisandur á Akranesi er að margra mati, ein besta bað- og sandströnd landsins og er hún staðsett er neðan við íþróttamannvirki við Jaðarsbakka. Langisandur hefur löngum verið notaður sem útivistarsvæði og fara gestir og heimamenn þar í gönguferðir allan ársins hring og til margra ára var sandurinn æfingasvæði knattspyrnumanna. Á tímabili var sandurinn notaður sem flugvöllur. Þeim fjölgar sífellt sem skella sér í sjósund reglulega og nýta sér þá aðstöðu sem búið er að koma upp við Langasand. Ofan við ströndina hefur verið komið upp skjólsælum palli. Þar er lítið þjónustuhús þar sem hægt er að fá keyptar veitingar. Langisandur er bláfánaströnd en það er umhverfisvottun sem veitt er smábátahöfnum, baðströndum og þjónustuaðilum í sjávarferðamennsku fyrir árangursríkt starf að umhverfismálum

Gönguleið sem býður upp á fjölbreytta upplifun gesta þar sem tignarlegt Hafnarfjall býður gesti velkomna, Snæfellsjökull stendur í fjarska, meðfram strandlengjunni liggur Hvítá, hinu megin við Borgarvoginn sést yfir á Borg á Mýrum og finna má fjölmarga áningastaði þar sem upplifa má kyrrð og ró.  Borgarnes er stærsti þéttbýliskjarni í Borgarfirði eða með um 3.800 íbúa. Borgarnes er þekktur áningastaður fyrir innlenda og erlenda ferðamenn en keyra þarf í gegnum Borgarnes og er þar að finna mikla þjónustu, hvort sem það er í formi gistingar, veitinga eða afþreyingu. Borgarnes er í alfaraleið en farið er í gegnum bæinn til að komast vestur á Snæfellsnes, keyra suður til Reykjavíkur eða Norður til Akureyrar.  Hægt er að finna fjölmargar gönguleiðir í Borgarnesi. Nýjir göngustígar með aðgengi fyrir vagna og hjólastóla er þar á meðal en einnig eru stígar sem leynast víða inn á milli íbúðarhverfa Borgarness, sem eru með mismunandi undirlag, hönnun og aðgengi. Áningastaði er víða að finna, upplýsingaskilti um lífríki Borgarvogs og upplýsingaskilti um sögu Borgarness. Tenging við tjaldsvæði, íþróttasvæði og þjónustusvæði er á gönguleið en hafa þar í huga að ganga þarf yfir þjóðveg nr. 1 á gönguleið en engin undirgöng eða brú er að finna fyrir útivistarfólk. Skallagrímsgarður, Vigdísarlaut, Granastaðir, Vestur-nes, Suður-nes, Mið-nes, Bjössaróló, Hlíðartúnshús, Hjálmaklettur eru allt skemmtileg svæði sem tengjast gönguleið um Borgarnes.  Staðsetning: Borgarnes, Borgarbyggð Heimilisfang byrjunarreits: Brákarbraut 15, Borgarnes Erfiðleikastig: Auðvelt Lengd: 9.89km Hækkun: 50-100 metrar Merkingar: Engar merkingar Tímalengd: 2 klst.  Tegund gangstígar: Möl og smásteinar Fyrirstöður á leið: Nokkur smá þrep eru á leiðinni Þjónusta á svæðinu: Þjónustu má finna víða á leiðinni og á tjaldsvæðinu á Granastöðum og Upplýsingamiðstöð Borgarbyggðar í Ljómalind.  Lýsing: Hluti leiðarinnar er upplýstur Árstíð: Gönguleiðin er aðgengileg og fær allan ársins hring GPS hnit upphafspunktar: N64°53523 W021°923 GPS hnit endapunktar: N64°53523 W021°923

Reykholt í Borgarfirði er lítið þorp og einn merkasti sögustaður landsins. Líkast frægast vegna búsetu Snorra Sturlusonar. Í Reykholti er ýmislegt að skoða og uppgötva fyrir ferðalanga, hvort sem áhuginn liggur í sögu, tónlist, fornminjum, mat og drykk eða útivist.  Snorralaug er í Reykholti, forn og friðlýst laug, kennd við Snorra þótt Landnáma segi að á staðnum hafi verið laug frá árinu 960. Vatni er veitt í laugina um lokaðan stokk úr hvernum Skriflu. Töluverður jarðhiti í Reykholti, eins og nafnið ber með sér, sem m.a. er nýttur til húshitunnar og gróðurhúsaræktunar. Kirkjur hafa staðið í Reykholti frá upphafi kristni. Þar eru nú tvær kirkjur. Sú eldri er timburkirkja. Við viðgerðir á henni var tekið mið af upprunalegri gerð kirkjunnar. Kirkjan er öllum opin.   Uppbygging nýrrar kirkju, hófst 1988 og lauk með vígslu árið 1996. Kirkjan þykir afburðagóð til hljómleikahalds af ýmsum toga og er öflugt tónlistarlíf í kirkjunni, m.a. Reykholtshátíð sem haldin er í lok júlí ár hvert.   Reykholtsskógur er skemmtilegt útivistarsvæði með mörgum stígum. Í skóginum má finna ber og sveppi, fallega flóru og vísir að merktu trjásafni. Forn þjóðleið liggur meðfram og í gegnum skóginn.   Höskuldargerði, hlaðið úr grjóti og söðlabúr með torfþaki, var gert fyrir ríðandi umferð á staðinn. Tilvalið er fyrir gesti Reykholtsstaðar að ganga um skóginn og njóta kyrrðar og útvistar á sögustað.  Snorrastofa í Reykholti býður upp á sýningar, leiðsögn og fyrirlestra. Fosshótel er rekið í Reykholti  

Eldborg í Hnappadal á Snæfellsnesi er óvenjulega formfagur gígur sem rís 60 metra yfir hraunið í kring og er stærstur gíga á stuttri gossprungu. Gígopið er sporöskjulagað, um 100 metrar í þvermál og 50 metra djúpt. Veggirnir eru mjög brattir, gerðir úr örþunnum hraunskánum. Eldborg var friðlýst árið 1974. Gönguleiðin upp á Eldborg er fjölbreytt þar sem gengið er í gegnum kjarri vaxið hraun. Fallegar hraunmyndanir eru á leiðinni og ef vel er að gáð má sjá margar kynjaverur. Ofan á Eldborg er mikið útsýni í allar áttir en í góðu skyggni má sjá fjallahring allt frá Snæfellsjökli að Reykjanesi. Gönguleiðin byrjar við þjónustusvæði við Snorrastaði en þar er að finna gistiaðstöðu. Gönguleið hefur mismunandi undirlag en meirihluti hennar er á hraunbreiðu. Við rætur og upp hlíðar Eldborgar er að finna keðjur til að aðstoða göngufólk upp og niður hlíðar Eldborgar.  Staðsetning: Hnappadalur í Borgarbyggð Vegnúmer: Snæfellsnesvegur nr. 54, Snorrastaðir Erfiðleikastig: Auðvelt en það eru há þrep á leiðinni Lengd: 6.64 km Hækkun: 50-100 metrar Merkingar: Merkingar við upphaf og nokkrar stikur sem vísa veg Tímalengd: 1 klst og 30 mín Undirlag: Litlir og stórir steinar, hraun og mold Hindranir á leiðinni: Það eru þrep á leiðinni og það getur verið erfitt að halda sig á réttri leið Þjónusta á svæðinu: Finna má salerni á leiðinni og ruslatunnur eru á þjónustusvæðinu við Snorrastaði Lýsing: Hluti leiðar er upplýstur, frá Snorrastöðum að upphafi gönguleiðar Árstími: Leiðin er opin allt árið um kring GPS hnit upphafs/endapunktar: N64°46.4456 W022°18.1262

Fiskibyrgi, rétt við Gufuskála á Snæfellsnesi eru merkileg byrgi sem byggð voru fyrr á öldum til að geyma fisk og þurrka. Þau eru hlaðin úr grjóti úti á hrauninu sjálfu og nokkuð erfitt að greina þau frá vegi.   Um 10 mínútna ganga er frá veginum við Gufuskála (vegnúmer 574) upp að nokkuð heillegu byrgi sem má skríða inn í. Þegar inn er komið, er byrgið manngengt  Byrgin voru hlaðin upp í topp og hafa skipt hundruðum fyrr á tíð. Mörg þeirra eru enn sýnileg, enda voru Gufuskálar mikil útgerðarstöð. Talið er að byrgin geti verið um 5-700 ára gömul.  

Varmaland er lítið þorp sem byggst hefur í kring um jarðhitasvæði í Stafholtstungum í Borgarbyggð. Byggðin er staðsett ítungunni á milli Hvítár og Norðurá en þar er starfræktur leikskóli auk sundlaugar og íþróttahús. Laugaland, sem er lítið býli á svæðinu, nýtir jarðhitasvæðið í garðyrkju en ræktaðar eru gúrkur þar allt árið í kring. Hótel Varmaland er staðsett í hjarta þorpsins og er Varmaland vinsæll staður að heimsækja og dvelja.   Varmaland í Borgarbyggð er þekktur staður fyrir ferðamenn, bæði innlenda og erlenda. Tjaldsvæði Varmalands hefur verið þekkt meðal innlendra ferðamanna í áraraðir en með tilkomu hótel Varmalands hefur bæst við fleiri erlendir ferðamenn á svæðið. Varmaland sést vel frá þjóðvegi nr.1 en ljósabirtan og gufan sem kemur frá svæðinu er vel sýnileg.Gönguleið um Varmaland er staðsett inn í skógrækt, á holtinu fyrir ofan Varmaland og er stórgott útsýni yfir nærliggjandi svæði þegar gengið er á holtinu. Gangan hefst við hótel Varmaland og gengið í átt að skólahúsi. Þar er göngustígur sem er vel breiður en beygt er inn í skógrækt sem er á hægri hönd en þar inni er að finna leiksvæði fyrir yngri kynslóð en einnig fjölmarga göngustíga. Fjölbreyttir göngustígar, ásamt fallegu landslagi gerir gönguleið um Varmaland mjög áhugaverða og heillandi upplifun.   Staðsetning: Varmaland, Borgarbyggð.  Upphafspunktur: Hótel Varmaland (Nr. 527 Varmalandsvegur).  Erfiðleikastig: Létt leið.  Lengd: Heildalengd 5.03km.  Hækkun: 75 metrar.  Merkingar: Merkt leið að hluta með stikum.  Tímalengd: 1.07 klst að ganga.  Undirlag: Blandað undirlag, smáir steinar, gras og trjákurl.   Hindranir á leið: Þrep, trappa eða lágur hjalli sem þarf að stíga upp á.  Þjónusta á svæðinu: Hótel Varmaland og sundlaug Varmalands.  Lýsing: Gönguleið án lýsingar í myrkri.  Árstíð: Ferðaleið er opin alla 12 mánuði ársins.  GPS hnit upphafspunktar: N64°21.2886 W021°36.6383  GPS hnit endapunktar: N64°21.2886 W021°36.6383 

Daníelslundur var fyrsti skógurinn sem opnaður var sem opinn skógur árið 2002. Skógurinn er í alfaraleið en þjóðvegur nr. 1 liggur við rætur hans. Daníelslundur ber nafn Daníels Kristjánssonar, skógarvarðar frá Hreðavatni, sem lengi var forvígismaður í Skógræktarfélagi Borgarfjarðar. Víðsýnt er um blómlegar sveitir Borgarfjarðar en í suðri blasir við Skarðsheiði og Hafnarfjall, í norðri sést til Baulu en í austri sést vel til Eiríksjökuls og Langjökuls. Daníelslundur hefur upp á bjóða fjölmarga áningarstaði og víðsýnt útsýni yfir Borgarfjörð. Skógræktin er við þjóðveg 1 og gerir það skóginn mikið sóttan af ferðamönnum og íbúum svæðisins. Gönguleiðir um skóginn eru fjölmargar og fjölbreyttar.  Svæði: Daníelslundur Borgarbyggð Vegnúmer við upphafspunkt: Þjóðvegur nr. 1, Borgarbyggð Erfiðleikastig: Auðveld/létt leið Vegalengd: 3.74 km. Hækkun: 113 metra hækkun Merkingar á leið: Nokkrar stikur eru á leið Tímalengd: 1 klst. Yfirborð leiðar: Trjákurl, graslendi og smá grjót Hindranir á leið: Nokkur þrep er að finna á leiðinni Þjónusta á leið: Engin þjónusta Lýsing á leið: Óupplýst leið Tímabil: Gönguleið er opin allt árið GPS hnit upphaf: N64°39.5119 W021°42.6807 GPS hnit endir: N64°39.5119 W021°42.6807

Gönguleið um Reykholt söguhring er fróðleg og skemmtileg. Mikil vinna hefur verið unnin við uppsetningu skilta og göngustíga en hægt er að ganga inn í Reykholtsskóg sem staðsettur er fyrir ofan þorpið. Alla þjónustu má finna á Snorrastofu og möguleiki er að fylgja forritinu „Snorri" þegar gengið er um svæðið en það er skemmtileg viðbót við gönguna.  Reykholt í Borgarfirði er þekktur staður fyrir ferðamenn og íbúa en þar er að finna Snorralaug, forna og friðlýsa laug sem er kennd við Snorra þó svo að sagt sé í Landnámu að laug hafi verið þar síðan frá árinu 960. Kirkjurnar á svæðinu eru tvær, sú eldri er timburkirkja sem stendur við gönguleiðina en sú nýrri var vígð árið 1996 og er hún mikið notuð, t.d. í tónleikahald en Reykholtshátíð er haldin á ári hverju. Reykholtsskógur er fyrir ofan kirkjurnar en aþr er að finna forna þjóðleið sem fer í gegnum og meðfram skóginum. Snorrastofa er svo upplýsingamiðstöð þar sem hægt er að finna leiðsögn, fyrirlestra og sýningar. Svæðið hefur því mikið upp á að bjóða, hvort sem það sé fyrir gesti sem eru í leit að náttúru eða sögu.  Þjónusta á svæðinu: Salerni er aðgengilegt á gönguleiðinni sem og ruslatunnur. Hægt er að kaupa aðgang að leiðsögn um svæðið. Þjónustu er að finna á Snorrastofu og Fosshótel Reykholt býður upp á gistingu, veitingar og veitir upplýsingar til gesta.  Staðsetning: Reykholt, Borgarbyggð Vegnúmer að upphafspunkti: Hálsasveitarvegur (nr. 518), Borgarbyggð Erfiðleikastig: Auðvelt Lengd: 1.64km Hækkun: 50 metra hækkun Merkingar: Engar merkingar eru á leiðinni Tímalengd: 25 mínútur Tegund jarðvegar: Litlir steinar og malbik Hindranir á leið: Engar hindranir Lýsing: Hluti leiðarinnar er upplýstur Árstíð: Gönguleiðin er opin allt árið um kring GPS hnit upphafspunktar: N64°66318 W021°292 GPS hnit endapunktar: N64°66318 W021°292

Arnarstapi á Snæfellsnesi er vinsæll ferðamannastaður fyrir alla fjölskylduna. Þar eru góðar gönguleiðir, hótel, tjaldsvæði, gistihús og veitingastaðir. Frá Arnarstapa er einnig boðið upp á ferðir á Snæfellsjökul. Stapafell er þar fyrir ofan. Arnarstapi er úr alfaraleið og mikilvægt er að hafa samband við þjónustuaðila ef koma á með hópa inn á svæðið sem nýta sér þjónustuna sem þar er í boði. Ströndin við Arnarstapa er ákaflega fögur og sérkennileg, einkennilega mótuð af briminu. Gönguleiðin milli Arnarstapa og Hellna er einstaklega skemmtileg og að hluta til gömul reiðgata. Hún er við allra hæfi og er ströndin er friðlýst.   Arnarstapi var áður fyrr kaupstaður, sjávarpláss með miklu útræði og lendingin var talin ein sú besta undir Jökli.   Smábátahöfnin var endurbætt árið 2002 og er í dag eina höfnin á sunnanverðu Snæfellsnesi. Þangað koma menn af ýmsum stöðum á landinu og gera út dagróðrabáta yfir sumartímann.   Arnarstapa er getið í Bárðar-sögu Snæfellsáss og þar er steinlistaverkið Bárður Snæfellsás eftir Ragnar Kjartansson myndhöggvara sem setur mikinn svip á svæðið.       

Skorradalur er syðstur Borgarfjarðardala, skógivaxinn og að mestu hulinn með Skorradalsvatni. Dalurinn er tilvalinn til útivistar. Lítið er þar um hefðbundinn búskap í dag en sumarbústöðum fer fjölgandi og skóglendi stækkar ár frá ári.   Sunnan að dalnum liggur Skarðsheiði yst en Dragafell og Botnsheiði innar. Dalurinn er 25 km. langur, hlykkjóttur og frekar þröngur nema rétt neðst. Víðáttumiklir skógar eru í dalnum en miklu samfelldari að norðanverðu. Innan til er dalurinn þröngur og þykir einkar fagur.   Fitjar eru innst í dalnum þar var kirkjustaður. Á Stálpastöðum, sem er í norðanverum dalnumm, er töluverður skógur og þar sem finna má fallegar gönguleiðir. Tjaldsvæðið í Selsskógi er gróður- og skjólsælt tjaldsvæði rétt við Skorradalsvatn.  Jarðhiti er aðeins á einni jörð, Efri Hrepp og er þar sundlaug, Hreppslaug.  

Skógræktarfélag Íslands hefur frá því um 1990 stundað jólatrjárækt í Brynjudal í Hvalfirði og er það í mörgum hjörtum, ómissandi hluti af jólahaldi á ári hverju. Inni í Brynjudalsskógi hafa viðarnytjar verið vaxandi og hefur viður úr skóginum verið notaður til byggingar skjólhýsa og stígagerðar en margir göngustígar eru að finna um skóginn og sumir þeirra eru nýttir sem upphafs eða endaleiðir fyrir hefðbundnar gönguleiðir á Leggjabrjót yfir til Þingvalla eða upp að Botnsúlum. Tvö skjólhýsi eru í skóginum og eru nokkrir áningarstaðir í skóginum auk þrautabrautar. Göngustígar eru fjölmargir í skóginum og er einnig að finna marga áningarstaði. Svæðið er fjölsótt yfir jólahátíð, þar sem jólatrésala fer þar fram hvert ár. Inn í Brynjudal er að finna mikla kyrrð og nálægð við gífurlega fallegan fjallagarð, þar sem Botnsúlur gnæfa yfir svæðið. Skógurinn sjálfur er vel hirtur og er mjög snyrtilegur. Gönguleið um Brynjudalsskóg bíður gestum upp á kyrrð og fallegt umhverfi. Fjalllendið í kring um skógræktina setur mikin svip á umhverfið og er skógræktin kyrrlátur staður til að njóta og upplifa. Svæðið hefur upp á að bjóða mismunandi gönguslóða auk fjölmargra áningarstaði. Svæði: Kjósahreppur.  Vegnúmer við upphafspunkt: Hvalfjarðarvegur (nr. 47). Keyrt inn Ingunnarstaðaveg.  Erfiðleikastig: Auðveld leið.  Vegalengd: 3.2km  Hækkun: 103 metra hækkun.  Merkingar á leið: Sumstaðar eru merkingar en annars engar merkingar.  Tímalengd: 1 klst.  Yfirborð leiðar: Smá grjót og gras.  Hindranir á leið: Þrep.  Þjónusta á leið: Engin þjónusta.  Upplýst leið: Óupplýst leið.  Tímabil: Ferðaleið er opin alla 12 mánuðiársins.  GPS hnit upphaf: N 64°21.8068 W 021°18.1513   GPS hnit endir: N 64°21.8068 W 021°18.1513   

Í hjarta Borgarness er Skallagrímsgarður, skrúðgarður sem er ein af perlum bæjarins. Þar er gott að ganga um, njóta kyrrðar og fegurðar og jafnvel setjast niður og gæða sér á nesti. Skallagrímsgarður er einn merkasti sögustaður Egilssögu ekki síst fyrir haug Skallagríms, sem er í garðinum, en hann og Böðvar sonarsonur hans eru heygðir þar.   Í garðinum er lágmynd eftir Anne Marie Carl Nielsen sem sýnir Egil Skallagrímsson ríða harmþrunginn heim með Böðvar son sinn, eftir að hann drukknaði í Hvítá. Þar er einnig er stytta í gosbrunni eftir Guðmund Einarsson frá Miðdal sem sýnir hafmeyju með fisk.   Skjólgott er í Skallagrímsgarði og þar hafa Borgnesingar löngum haft sín hátíðarhöld. Sem dæmi hefur hátíðardagskrá í tilefni þjóðhátíðardagsins 17. júní tíðum farið þar fram. 

Gönguleið um Tröð skógrækt er skemmtileg ogfjölbreytt. Skógræktin er falleg og góður staður til að njóta umhverfis ognjóta samveru. Göngustígur frá skógrækt er skemmtileg útivistarleið þar semhægt er nálgast tjaldsvæði, Sjóminjasafnið og nýrri byggingu ÞjóðgarðsSnæfellsjökuls.    Árið 1950 hóf Kristjón Jónsson ræktun í Tröðvið Hellisand. Fallegt svæði sem stóð í hrauninu og varð snemma vinsælt meðaláhugafólks um skóg-og trjáræktun. Árið 2002 gerði Skógrækt-oglandverndarfélagið undir Jökli samning við Snæfellsbæ um að taka að sér umsjónsvæðisins, á grundvelli sérstaks samstarfssamning. Skjólgott er í Tröðinni,kjörin staður til að njóta í fögru umhverfi og nýta þær gönguleiðir semtengjast svæðinu, að íþróttasvæði, tjaldsvæði og að Sjóminjasafninu. Tröðskógrækt er „Opinn skógur“ en hann var formlega opnaður árið 2006. Aðgengi ogaðstaða er til fyrirmyndar en inn í skóginum er að finna margar gönguleiðir,áningarstaði, upplýsingar og aðstaða til eldunar. Umhverfis skóginn ergrjóthleðslu girðing en handan girðinga er svo fleiri gönguleiðir ínærumhverfi. Snæfellssjökull skín skært frá skógræktinni og gönguleiðin umhraunið er skemmtileg upplifun.    Svæði: Snæfellsbær.   Vegnúmer við upphafspunkt: Útnesvegur(nr.574).  Erfiðleikastig: Auðveld leið/létt leið.  Vegalengd: 2.08km  Hækkun: 0-50 metra hækkun.  Merkingar á leið: Engar merkingar á leið en leiðin er mjög greinileg.  Tímalengd: 27 mínútur.  Yfirborð leiðar: Hellulagðir stígar, smágrjót, trjákurl, hraun undirlag og gras undirlag.  Hindranir á leið: Þrep yfir grjótgarðinn frá skógræktinni en einnig eru þrep við Sjóminjasafnið.   Þjónusta á leið: Sjóminjasafnið og ný bygging svæðisgarðs Snæfellsjökuls.  Upplýst leið: Leið óupplýst.  Tímabil: Leið opin 12 mánuði ársins.   GPS hnit upphaf: N 64°54.8411 W 023°52.9142  GPS hnit endir: N 64°54.8411 W 023°52.9142 

Tröllagarðurinn býður upp á fjölskylduvæna skemmtun þar sem hægt er að fræðast um tröll og álfa, þjóðsögur, sögusviðið í Fossatúni og staði á Vesturlandi. Svo og keppa í skemmtilegum trölla leikjum og njóta annarrar leikaðstöðu í Fossatúni. Frábært útsýni, náttúrufegurð og Borgfirski fjallhringurinn spillir heldur ekki upplifuninni. 

Bjarnarfoss á Snæfellsnesi er tignarlegur foss, ofan við Búðir, sem fellur fram af hamrabrún fyrir neðan Mælifell. Fossinn, ásamt stuðlabergshömrunum í kring, er á Náttúruminjaskrá og í brekkunum við fossinn er mikið blómgresi.   Stórt bílastæði er fyrir neðan fossinn og góður göngustígur upp í brekkurnar undir fossinum. Áningarstaðurinn við Bjarnarfoss hlaut Umhverfisverðlaun Ferðamálastofu 2018. 

Á Eiríksstöðum í Dölum eru fornar rústir sem líklega eru bær Eiríks rauða Þorvaldssonar og konu hans Þjóðhildar Jörundardóttur. Rústir bæjarins eru friðlýstar fornminjar.   Á grunni rústanna á Eiríksstöðum var reistur tilgátubær sem vígður var árið 2000 í tilefni þess að 1000 ár voru liðinn frá landafundum Leifs heppna í Ameríku. Við bygginguna var lögð áhersla á að styðjast við rannsóknir á fornu verklagi eins og það hafði verið viðhaft á upprunalega bænum.   Að Eiríksstöðum er lifandi safnastarfsemi. Starfsfólk er klætt að fornum sið og fræðir gestkomandi um lífið fyrir þúsund árum, gamla verkmenningu og búskaparhætti. Jafnframt er hægt að skoða handverk, vopn og ýmsa muni frá sama tíma. Þá eru söguskilti á svæðinu og stytta af Leifi Eiríkssyni eftir Nínu Sæmundsson.   Eiríkur rauði var gerður útlægur af Íslandi fyrir víga sakir og leitaði þá landa í vestri. Hið nýfundna land nefndi hann Grænland og flutti þangað með fjölskyldu sína árið 985 eða 986 og fjöldi fólks fylgdi honum.   Leifur fann og kannaði Vínland árið 1000, fyrstur Evrópubúa, nær 500 árum á undan Kólumbusi. Leifur heppni er því meðal merkustu landkönnuða sögunnar.  

Stykkishólmsbær, í samvinnu við Skógræktarfélag Stykkishólms, Minjastofnun og íbúa Stykkishólms hafa ráðist í metnaðarfulla vinnu við að útbúa stefnumótun um framtíðar göngustígagerð í landi Stykkishólms. Fjölbreytta göngustíga er víða að finna, á fallegum stöðum víða í Stykkishólmi og með fallegt útsýni yfir Breiðafjörð, Drápuhlíðarfjall og fjallgarð Snæfellsness.  Gönguleið við Grensás er mikið notuð af íbúum Stykkishólms en skógræktin tengist þar við útivistarsvæði golfklúbbs Stykkishólms og sjósundsfélagsins Flæði. Fjölbreyttar gönguleiðir er þar að finna og áningarstaðir margir en vinsælt er að hópar komi sér saman í skógræktinni og noti útbúnað sem þar er að finna. Gönguleið frá kirkju Stykkishólms niður í Maðkavík er vinsæl meðal ferðamanna en kirkjan setur mikinn svip á Stykkishólm. Maðkavík hefur verið ein af perlum ljósmyndara sem heimsækja Stykkishólm og eru gömlu bátarnir sem þar liggja oftar en ekki aðalfyrirsætur ljósmynda. Gönguleið upp Súgandisey er vinsæl en þar hafa verið lagðir göngustígar víða út um eyjuna og er vel viðhaldið. Gönguleiðir um Hjallatanga og Búðarnes eru vinsælar meðal íbúa Stykkishólms en þar er að finna fjölbreytt dýralíf í bland við tóftir og minjar frá tímum þegar lending skipa var þar.  Staðsetning: Stykkishólmur Upphafspunktur: Bílastæði við skógrækt Erfiðleikastig: Auðveld leið/Létt leið. Hluti leiðar er á gangstéttum Stykkishólms Lengd: 9.84 km. Hækkun: 164 metrar (Súgandisey) Merkingar: Stikur eru sumstaðar að finna en víða eru engar merkingar Tímalengd: 2.20 klst. Undirlag: Yfirborð úr smáum steinum, malbiki, blönduðu náttúrulegu efni og grasi Hindranir á leið: Þrep, trappa eða lágur hjalli sem þarf að stíga upp á Þjónusta á svæðinu: Tjaldsvæði er við gönguleið, salerni er að finna við sundlaug og tjaldsvæði Lýsing: Gönguleið er að hluta til með lýsingu í myrkri Árstíð: Ferðaleið er opin 12 mánuði ársins en hafa ber í huga aðstæður yfir vetrarmánuði GPS hnit upphafs- og endapunktar: N 65°03.8011 W 022°44.2534

Fellsströnd í Dölum er strandlengjan út með Hvammsfirði sem endar við Klofning. Þar fyrir utan er fjöldi eyja og skerja og eru margar eyjarnar kunnar úr sögunni. Þéttbýlt var áður á Fellsströnd.   Staðafell er fornt höfuðból og kirkjustaður á Fellsströnd. Þar var rekin húsmæðraskóli 1927-1976, meðferðarheimili SÁÁ frá 1980-2018 og þar er félagsheimili Fellsstrendinga. Einn af fyrstu kunnum ábúendum á Staðarfelli var Þórður Gilsson, faðir Hvamms-Sturlu sem Sturlungar eru komnir út frá. Núverandi kirkja á staðnum er úr timbri og var vígð árið 1891.  Við þjóðveginn er minnisvarði um Bjarna Jónsson sem kenndi sig við bæinn Vog. Meðal almennings er hann ef til vill þekktastur fyrir það að hollenskir vindlar voru kenndir við hann og stóð á vindlakassanum Bjarni fá Vogi.   Í Dagverðarnesi næddi Auður Djúpúðga dögurð er hún kom þar við í leitinni að öndvegissúlunum sínum. Á vinstri hönd á leið niður á nesið, er grjóthringur með grjótbungu í miðju. Þetta er friðlýst.   Talið er að kirkja hafi lengi verið í Dagverðarnesi og núverandi kirkja var byggð árið 1934 úr viðum fyrri kirkju og er hún friðuð. Þar er alla jafna messað einu sinni ári. Úti fyrir nesinu liggur Hrappsey þar sem rekin var fyrsta veraldlega prentsmiðja landsins.  

Fossatún er þekktur áfangastaður í Borgarfirðien þar er að finna gönguleiðir sem tengjast þjóðsöguarfi og tröllabókum semstaðarhaldari hefur skrifað og sögusviðið er af Vesturlandi. Fossatún erstaðsett miðsvæðis á milli stóra sumarhúsa svæða en Skorradalur og Húsafellliggja hvoru megin við Fossatún. Við Fossatún liggur Grímsá og er útsýni yfirfjallagarða Borgarfjarða stórbrotið.    Fossatún er staðsett um 90 km frá Reykjavíkvið veg nr.50, mitt á milli Borgarnes og Reykholts í Borgarfirði. Mismunandigistiaðstaða er til staðar á Fossatúni, frá tjaldsvæði, smáhýsi, gistiheimiliog sveitahótel. Veitingastaður auk aðstöðu fyrir gesti til eldunar er tilstaðar og hafa allir aðgang að heitum pottum. Fossatún er staðsett á bökkumGrímsár og er gönguleiðir meðfram árbakkasvæðinu en einnig er gönguleið inn aðBlundsvatni, þar sem er að finna fjölbreytt fuglalíf og fallegt útsýni yfirfjallagarða Borgarfjarðar.  Hægt er að ganga frá þjónustuskála viðFossatún og genga meðfram Grímsá en mikið af skiltum eru á leiðinni og þáskilti um tröll og þjóðsögur. Gönguleiðin er vel greinileg og er malarstígursem er vel breiður. Margir áningarstaðir er á þeirri gönguleið og endar hún svoaftur við þjónustuskála. En leiðin að Blundarvatni er nokkuð greinileg en undirlagá þeirri gönguleið er með bæði graslendi og malastíg og er hún einnig nokkuðbreið. Leiðin liggur við bakka Blundarvatns og inn á sumarhúsabyggð en þar erað finna vegslóða sem liggur svo frá sumarhúsabyggð, aftur að þjónustuskála.   Staðsetning: Fossatún, Borgarbyggð.  Upphafspunktur: Við þjóðveg nr. 50 (Borgarfjarðarbraut).  Erfiðleikastig: Auðveld.  Lengd: 1.75km í Tröllagöngu og 3.13km að Blundsvatni. Samtals: 4.8km  Hækkun: 47 metra hækkun að Blundsvatni og 60 metra hækkun í Tröllagöngu.  Merkingar: Merkt leið með stikum, hlöðnum steinum og myndefni.  Tímalengd: Tröllaganga 32mín og ganga að Blundsvatni 40mín. Samtals 1.2klst  Undirlag: Yfirborð úr smáum steinum og blönduðu yfirborði.  Hindranir á leið: Engar hindranir á leið.  Þjónusta á svæðinu: Þjónustuhúsnæði Fossatún.  Lýsing: Gönguleið án lýsingar í myrkri.  Árstíð: Ferðaleið er opin nema þegar tímabundnar lokanir eiga sér stað, t.d. á varptíma fugla eða vegna ófærðar yfirvetrarmánuði.  GPS hnit upphafspunktar: N64°35.5672 W021°34.6263   GPS hnit endapunktar: N64°35.5672 W021°34.6263  

Búðakirkja á Snæfellsnesi er lítil svört timburkirkja sem heillar marga og fólk kemur víða að úr heiminum til að innsigla þar ást sína.

Í Stálpastaðaskóg er að finna fjölmargar trjátegundir og gönguleiðir víða um skógrækt. En vinsælasti áningarstaðurinn er við steyptu fjóshlöðuna sem er að finna á Stálpastöðum. Vinsælt er að stoppa við þau bílastæði sem er að finna og ganga upp að hlöðunni, njóta útsýnis yfir Skorradalsvatnið og skrifa í gestabók inn í hlöðunni. Íbúar Skorradals og Borgarfjarðar hafa verið dugleg að setja upp ýmis konar sýningar við hlöðuna en þar má nefna ljósmyndasýningar, myndlistarsýningar og fleira.   Útivistarsvæði um Stálpastaði er í miðju sumarhúsabyggð í Skorradal. Svæðið er því mikið nýtt af þeim fjölmörgu gestum og íbúum í Skorradal. Við Skorradalsvatn er að finna fjölmarga möguleika fyrir útivist og er því stór markhópur sem nýtir góðs af. Skógræktin hefur verið öflug í gegnum tíðina við það að grysja, leggja stíga og auðvelda aðgengi enþað gerir þessa gönguleið einstaka upplifun útivistarfólks, þar sem útsýni yfir Skorradalsvatn í bland við þá kyrrð sem þar er að finna, einstaka á Vesturlandi. Gönguleið um Stálpastaðaskóg er skemmtileg gönguleið sem breiður hópur gesta getur nýtt sér. Aðgengi er mjög gott, þar sem göngustígar eru breiðir en einnig eru merkingar vel sýnilegar. Svæðið í kring um hlöðuna er fallegt og hefur skógræktin og íbúar Skorradals gert mjög vel að útbúa slíkan demant.    Svæði: Skorradalur.  Vegnúmer við upphafspunkt: Við þjóðveg nr. 508 (Skorradalsvegur).  Erfiðleikastig: Auðveld leið (leiðinn er samblanda af skógarvegi, fjallaleið og gamla bæ. Hafa ber í huga að vinnuvélarfara stundum um skógarveginn á virkum dögum).  Vegalengd: 1.6 km  Hækkun: 0-50 metra hækkun.  Merkingar á leið: Engar merkingar.  Tímalengd: 23 mín.  Yfirborð leiðar: Smá grjót og gras.  Hindranir á leið: Engar hindranir.  Þjónusta á leið: Möguleiki er að nálgast bækling um gönguleiðir um skóginn allan.  Upplýst leið: Óupplýst leið.  Tímabil: Ferðaleið opin alla 12 mánuði ársins.  GPS hnit upphaf: N 64°31.2295 W 021°26.3108   GPS hnit endir: N 64°31.2295 W 021°26.3108   

 Á bænum Ólafsdal í Dölum var fyrsti búnaðarskóli Íslands starfrækur, 1880-1907. Þar stofnaði Torfi Ólafsson skóla upp á eigin spýtur.   Auk skólans var einkum mikilvægt framlag hans til bættra vinnubragða og tækjabúnaðar í landbúnaði sem vert er að minnast. Ekki síst tilkoma skoskra ljáa sem hann lét gera og flutti til landsins sem breyttu mjög miklu fyrir íslenska bændur á þeim tíma.   Bærinn Ólafsdalur er í samnefndum dal sem gengur til suðurs úr innanverðum Gilsfirði. Þar stendur myndarlegt skólahús, frá 1896 og er opið gestum á sumrin.   Margar minjar eru einnig í Ólafsdal bæði um byggingar og einnig jarðrækt. Í Ólafsdal er minnisvarði af Torfa og Guðlaugu konu hans eftir Ríkharð Jónsson myndhöggvara.   Ólafsdalsfélagið vinnur að viðhaldi og endurreisn staðarins.  

Breiðafjörður er annar stærsti flói landsins og liggur á milli Vestfjarðakjálkans og Snæfellsness.   Eyjar á Breiðafirði eru eitt af þrennu sem kallað hefur verið óteljandi á Íslandi. Auk eyjanna eru í flóanum aragrúi skerja sem fara í kaf á flóði. Áður fyrr var töluverður búskapur í eyjunum og byggð talsverð. Eyjabúskapur var um margt sérstakur og komust íbúarnir vel af því eyjarnar voru réttnefndar matarkistur. Enn eru þar hlunnindi af dún- og eggjatöku.  Í straumskiptum milli flóðs og fjöru streymir mikill massi sjávar inn og út milli eyjanna og skerjanna. Straumarnir eru víða miklir og hættulegir minni bátum. Þessir straumar hafa átt þátt í að móta hið sérstæða breiðfirska bátalag.   Aðalheimkynni hafarnarins eru við Breiðafjörð, en hann er í senn sjaldgæfasti og langstærsti ránfuglinn í íslensku fuglafánunni.  

Breiðin er syðsti hluti Akraness og þar er fagurt útsýni yfir allan Faxaflóann, sérstaklega ef farið er alla leið upp í Akranesvita, en þaðan má sjá allt frá Reykjanesskaga að Snæfellsjökli í góðu skyggni.   Á Breiðinni er að finna einn elsta steinsteypta vita landsins frá árinu 1918 ásamt yngri vita, Akranesvita, sem reistur var á árunum 1943-44. Á Breið eru líka gamlir skreiðarhjallar og greina má steinlagt stakkstæði þar sem saltfiskur var breiddur út á góðviðrisdögum áður fyrr.   Fuglalíf er mikið á þessu svæði og mikilfenglegar, brimbarðar klapparfjörur. Norðurljósadýrð getur orðið þar einstök og sólarlagið ægifagurt. Svæðið býður því upp á einstakt útsýni og litadýrð allan ársins hring.  

Stálpastaðaskógur í Skorradal, Borgarfirði er samnefndur 345 ha eyðijörð í Skorradal. Skógurinn er fyrst og fremst dæmigerður timburskógur og hefur mikið fræðslugildi um ýmis atriði varðandi timburframleiðslu úr sitkagreni hér á Íslandi.   Við stíga í þjóðskógum landsins er víða að finna staura með símanúmerum. Þegar gengið er fram á slíkan staur er upplagt að taka upp símann, hringja í númerið sem gefið er upp á staurnum og hlusta á skemmtilega fróðleiksmola um skóginn.   Öllum er heimil ganga um skóginn en ferðamenn eru hvattir til að ganga vel um og skilja ekki eftir sig rusl. Jörðin hefur verið í eigu Skógræktar Ríkisins frá 1951.