12. ágúst
Almyrkvablót á Eiríksstöðum
View
Samráðsvettvangur um sólmyrkva
Almyrkvi á sólu mun ganga yfir Vesturland 12. ágúst 2026. Um er að ræða sjaldgæfan náttúruatburð sem vekur mikla athygli bæði innanlands og erlendis, því má gera ráð fyrir aukinni aðsókn gesta á svæðið. Þó óvissa ríki um veður, ferðamynstur og fjölda gesta benda fyrirliggjandi upplýsingar til þess að verulegt álag geti skapast á vegakerfi, þjónustu, fjarskipti og innviði á Vesturlandi, sérstaklega á sólmyrkvadaginn, en líka dagana í kringum atburðinn.
Samráðsvettvangur Vesturlands vegna sólmyrkva hefur verið stofnaður til að samræma undirbúning, upplýsingagjöf og samstarf milli sveitarfélaga, stofnana og annarra hagaðila. Markmið hans er að skapa sameiginlega yfirsýn yfir stöðu mála, tryggja samhæfingu aðgerða og miðla samræmdum upplýsingum um aðgengi, aðstöðu og aðstæður á Vesturlandi í aðdraganda almyrkvans.
Markaðsstofa Vesturlands – áfangastaðastofa leiðir samráðsvettvanginn og heldur utan um fundi, upplýsingamiðlun og yfirsýn yfir stöðu mála. Undirbúningur og framkvæmd aðgerða er hins vegar á ábyrgð þeirra aðila sem fara með viðkomandi málaflokka, þar á meðal sveitarfélaga, viðbragðsaðila og annarra stofnana.
Mikilvægt er að öll sveitarfélög á Vesturlandi séu virkir þátttakendur í undirbúningi og samráði, skilgreini ábyrgð og verkþætti innan sinnar stjórnsýslu og vinni markvisst með samráðsvettvangnum. Undirbúningur og aðgerðir fyrir svona viðamikinn atburð verða aldrei traustari en veikasti hlekkurinn í samstarfinu. Til að tryggja sem besta niðurstöðu fyrir íbúa, gesti og starfsemi á svæðinu þarf samhæfða vinnu allra sveitarfélaga og hagaðila á Vesturlandi.
Kortið hér að ofan sýnir hversu lengi almyrkvinn varir á mismunandi svæðum.
*Samráð við ferðaþjónustuaðila og landeigendur
Mikilvægt er að ná til ferðaþjónustuaðila og landeigenda sem kunna að hafa aðstöðu eða áhuga á að taka á móti gestum í tengslum við almyrkvann, til dæmis með:
- bílastæðum
- tjaldsvæðum
- aðstöðu fyrir hópa
- annarri þjónustu
Þeir sem hafa áhuga á að taka þátt í slíku samráði eru hvattir til að skrá sig hér:
Skráning í samráð um mögulega aðstöðu eða þjónustu vegna almyrkva
Linkur á skráningarform
Skráningin er ekki bindandi, heldur aðeins til að skrá áhuga á að ræða möguleika á nýtingu á aðstöðu eða landi. Markaðsstofa Vesturlands mun í framhaldi hafa samband við þá aðila sem skrá sig til frekara samráðs.
*Skráning safnstaða vegna almyrkva á Vesturlandi
Aðilar á Vesturlandi – sveitarfélög, landeigendur og aðrir sem hafa aðgang að landi eða aðstöðu – eru beðnir um að skrá safnstaði sem þeir hafa forræði yfir eða umsjón með og hyggjast gera aðgengilega vegna almyrkvans 12. ágúst 2026.
Safnstaðir eru staðir þar sem vilji er til að beina fólki á til að stoppa og dvelja á meðan almyrkvinn gengur yfir, og sem uppfylla eftirfarandi:
Aðkoma og aðgengi:
Greið og örugg aðkoma fyrir bíla og/eða rútur, án þess að valda hættu eða truflun á umferð
Rými og burðargeta:
Áætlað þol svæðisins fyrir fjölda gesta/ökutækja, án þess að skemmast eða skapa hættu
Öryggi:
Staðurinn er metinn öruggur með tilliti til landslags, umferðar og aðstæðna
Aðstaða (kostur):
Aðgengi að grunnþjónustu, s.s. salernum, vatni eða annarri nauðsynlegri aðstöðu
Útsýni og upplifun:
Gott útsýni að almyrkvaslóð og aðlaðandi umhverfi til dvalar
Utanumhald:
Tilgreindur aðili hefur yfirsýn yfir staðinn og getur brugðist við ef á þarf að halda
Tilnefndir safnstaðir verða settir inn á kort og kynntir opinberlega sem staðir þar sem íbúar og gestir geta safnast saman til að fylgjast með almyrkvanum.
Mikilvægt er að sem flestir skili inn upplýsingum til að tryggja góða yfirsýn yfir áningar- og safnstaði á Vesturlandi og samræmda upplýsingagjöf til íbúa og gesta.
Upplýsingarnar verða nýttar í skipulag og kynningu, m.a.: á vefsíðu Markaðsstofu Vesturlands, á Visit Iceland, á vefsíðum sveitarfélaga og á öðrum opinberum upplýsingaveitum
*Burðarmat: Gróft mat á fjölda gesta/ökutækja nægir og verður eingöngu notað í innri vinnu (ekki birt opinberlega).
👉 Fylla þarf út eitt eyðublað fyrir hvern stað Linkur á skráningarform
Starfsmenn samráðshóps
Viðburðir á Vesturlandi 12. ágúst
12.-16. ágúst
Almyrkvahátíð / Iceland Eclipse 2026 á Hellissandi
Viðburður haldin af: Iceland Eclipse, Immersive Experiences and Secret Solstice Festival
Staðsetning viðburðar: Hellissandur
August 12-15, 2026 Snæfellsnes Peninsula, Iceland Total Solar Eclipse at 17:47 UTC
On August 12, 2026, a total solar eclipse will sweep over Iceland for the first time in 72 years. For two full minutes, day turns to night in one of Earth’s most dramatic landscapes.
From that moment on, the experience unfolds. World-class music, large-scale art, cosmic rituals, and thought-provoking encounters meet black sand beaches, lava tunnels, glaciers, and geothermal springs.
Co-created by #IMXP and #SecretSolstice, this cosmic event welcomes a global community drawn to wonder, creativity, and connection.
"Sól mun sortna, sökkur fold í mar, hverfa af himni heidar stjornur.Geisar eimi og aldurnari, leikur hár hiti viõ himin sjálfan."
Join the community of eclipse seekers at icelandeclipse.com!#IcelandEclipse2026
Follow Us:Instagram: @icelandeclipseX: @IcelandEclipseTikTok: @icelandeclipseFacebook: @IcelandEclipse
View