Fara í efni

Á Íslandi er fjöldinn allur af hótelum í ýmsum verð- og gæðaflokkum. Flestir ættu að
geta fundið eitthvað við sitt hæfi.

Hótel Hafnarfjall
Hótel Hafnarfjall er sveitahótel með 16 herbergjum og 5 bústöðum. Öll herbergi hafa þráðlaust netsamband.   Hótelið er staðsett undir Hafnarfjalli sunnan Borgarfjarðarbrúar andspænis Borgarnesi, rétt um 70 km. frá Reykjavík. Kyrrð, rólegheit og náttúrufegurð skipa öndvegi hjá Hótel Hafnarfjalli.
Rjúkandi Hótel, Kaffihús & Veitingastaður
Rjúkandi Kaffi - Kaffihús er lítið fjölskyldufyrirtæki sem býður uppá hágæða nýmalað kaffi, heimabakaðar kökur og léttan mat. Rjúkandi Kaffi - Veitingahús býður upp á freistandi úrval af mat úr héraði. Við höfum lagt vinnu í samstarf við bændur í nágrenninu til að geta alltaf boðið uppá besta og ferskasta hráefnið eftir árstíðum. Allt á matseðlinum okkar er búið til á staðnum úr fyrsta flokks hráefni og standa frábærir kokkar á bak við hvern og einn rétt og úr verður óvænt upplifun matargesta þar sem nútíminn og íslensk matarhefð mætast í tíma og rúmi. Hótel Rjúkandi býður upp á 14 herbergi. 13x tveggjamanna herbergi og 1x þriggjamanna herbergi. Hönnunin er stílhrein með innblæstri frá Scandinaviu og borin er virðing fyrir umhverfinu. Herbergin eru hljóðeinangruð og með mjúkri lýsingu, gólfhita, Wi-Fi, sjónvarpi, hárþurrku, katli, skrifborði og stólum. Hvert herbergi er útbúið snyrtiaðstöðu og eru öll baðherbergin með sturtu. Fallegt útsýni er úr herbergjunum og um að gera að opna gluggann og njóta golunnar sem blæs á Snæfellsnesi. Boðið er upp á aðgang að þráðlausu interneti án endurgjalds auk þess sem stutt er í frábærar gönguleiðir og alla aðra afþreyingu sem er í boði á Snæfellsnesi, svo sem hestaferðir og ferðir á jökulinn. Þjóðgarðurinn við Snæfellsjökul á Snæfellsnesi er rúma 58 km frá Rjúkanda. Þar fá gestir tækifæri til að upplifa og komast í snertingu við íslenska náttúru, feta í fótspor forn Íslendinga með því að ganga um hraunið eins og þeir gerðu á sínum tíma. Stutt er í allar áttir en Rjúkandi er aðeins í eins og hálfs tíma akstri frá Reykjavík. Við erum fyrir miðju Snæfellsness og aðeins 32 km til Stykkishólms. Þá eru 38 km til Grundarfjarðar, 57 km til Ólafsvíkur, 35 km til Búða, 54 km að Arnarstapa og 58 km til Hellna.
Hótel Langaholt
Langaholt er staðsett miðsvæðis á sunnanverðu Snæfellsnesi, við bæinn Garða í sveit þeirri er áður hét Staðarsveit en er núna hluti Snæfellsbæjar. Svæðið umhverfis er sannkölluð náttúruperla, tignarlegur fjallgarður, jökullinn í allri sinni dýrð, gullin strönd við Faxaflóann og stjörnubjartur himinn með norðurljósatrafi þegar skyggir. Langaholt er í miðri hringiðu Snæfellskrar náttúru, strönd, fjöll, hraun, vötn, lækir, fuglar, selir, allt er þetta í grennd og meira til, já sannkölluð náttúruparadís þar sem sjálfur Snæfellsjökull blasir við í allri sinni tign. Umhverfi Langaholts er markað af nálægð sinni við sjóinn og hinni gullnu strönd og er margt þar forvitnilegt að skoða í ró og næði fyrir alla náttúruunnendur unga sem aldna og er ströndin endalaus uppspretta leikja og ævintýra.
Hótel Borgarnes
Hótel Borgarnes er 3ja stjarna hótel með 75 herbergi sem öll eru með sér baðherbergi, sjónvarpi og síma. Gott veitingahús er á hótelinu sem og frábær aðstaða fyrir fundi bæði fyrir litla og stóra hópa.
Hótel Arnarstapi
Hótel Arnarstapi er nýtt 36 herbergja hótel staðsett við rætur Stapafells og Snæfellsjökul. Á hótelinu er veitingastaðurinn Snjófell sem opinn er frá 10:00 - 21:00. Á honum er fjölbreyttur matseðill í boði gerður úr íslensku hráefni. Hótelið er mjög vel staðsett til þess að heimsækja helstu perlur Snæfellsnes s.s. Djúpalónssand, Dritvík, Snæfellsjökul, Rauðfeldsgjá, Lóndranga, Saxhól svo eitthvað sé nefnt. Hótelið er einnig í 2,5 km göngufæri frá Hellnum. Gönguleiðin byrjar frá Höfninni í Arnarstapa sem er í nokkra mínútna göngufjarlægð frá Hótelinu og endar í fjörunni á Hellnum. Þessi ganga er einstök því gengið er meðfram ströndinni fram hjá Gatklett inní hraunið og niður í fjöru. Gestamiðstöði þjóðgarðsins Snæfellsjökuls er á Malarifi sem er í 10 km fjarlægð frá Arnarstapa. Öll herbergin eru með sérbaðherbergi með hárþurrku og ókeypis snyrtivörum. Morgunmatur er í boði á hótelinu. Gatklettur er 220 metra frá hótelinu. Styttan af Bárði Snæfellsás er 400 metra í burtu. Miðbær Ólafsvíkur er 37 km frá Arnarstapa. Arnarstapi er á einum fallegasta stað Snæfellsnes. 32 herbergi, Dbl/Twin/Triple4 x íbúðir sem rúma 6 manns, elshúskrókur og 2 baðherbergi.Morgunverður frá 07:00-10:00Veitingastaður og barÞráðlaust internetGönguleiðirFuglaskoðun
Hótel Fransiskus
Hótelið er staðsett í hinum rómaða bæ Stykkishólmi. Á hótelinu sem er staðsett í hjarta bæjarins eru 21 herbergi, setustofa með bar og morgunverðarsalur. Herbergin eru fallega innréttuð með mildum litum og vinalegu andrúmslofti. Hvert herbergi hefur verið innréttað með nýjustu þægindum, með magnað útsýni yfir höfnina, miðbæinn, fjallahringinn og hinn dásamlega flóa Breiðafjörð með sínum eyjum og fjölbreytta fuglalífi. Veitingastaðir, söfn, verslanir og gallerý eru öll í göngufjarlægð frá hótelinu.
Fosshótel Stykkishólmur
Fosshótel Stykkishólmur er með einstaklega fallegt útsýni yfir bæinn og eyjarnar í kring. Á hótelinu er að finna hlýlegt veitingahús, nýtískulegan bar og fullkominn ráðstefnusal sem tekur allt að 300 gesti. Hótelið er tilvalinn áfangastaður fyrir þá sem vilja ferðast um Snæfellsnesið eða sigla um eyjarnar og skoða hið einstaka dýralíf sem þar finnst. 79 herbergi Morgunmatur í boði Ókeypis þráðlaust net Fundaraðstaða Veitingastaður og bar Ókeypis bílastæði Hluti af Íslandshótelum
Hótel Flatey
Gisting er í nýuppgerðum pakkhúsum í miðju þorpsins í Flatey, í Eyjólfspakkhúsi, Stóra-Pakkhúsi og veitingasalur hótelsins er í samkomuhúsinu. Eyjólfspakkhús stendur við samnefnda bryggju og þaðan er útsýni yfir Hafnareyna. Stóra-Pakkhús ásamt samkomuhúsinu eru þar við hliðina. Hótel Flatey býður nú upp á 7 tveggja manna herbergi, 2 fjölskylduherbergi (hjónarúm og 2 kojur), 3 svítur og 2 eins manns herbergi. Samtals 12 herbergi og 23 rúm. Öll herbergin eru með sameiginlegu baðherbergi. Morgunmatur er innifalinn í verðinu.
Hótel Egilsen
Hótel Egilsen er staðsett við höfnina í hinum fallega bæ Stykkishólmi við strendur Breiðafjarðar. Hér eru veturnir dimmari og sumrin bjartari en á flestum öðrum stöðum. Lífið gengur á sínum eigin tíma og allir hlutir eiga sína eigin sögu. Íbúarnir eru sögumenn, reiðubúnir að deila sérstakri ástríðu sinni á bæjarfélaginu með gestum sínum. Lítið snyrtilegt 10 herbergja hótel í sögufrægu húsi í hjarta Stykkishólms.
Fosshótel Reykholt
Fosshótel Reykholt er rómantískt hótel í Borgarfirði og býður upp á fjölbreytta aðstöðu fyrir ráðstefnur, fundi og aðrar uppákomur. Fosshótel Reykholt stendur á sögulegum slóðum og er einungis í nokkurra mínútna fjarlægð frá Krauma, Deildatunguhver, Hraunfossum og Húsafelli. Á hótelinu er einnig að finna glæsilegan veitingastað. Fosshótel Reykholt býður upp á glænýja heilsulind með útipottum, slökunarherbergi, sauna, eimbaði, setustofu og búningsklefum. Sannkallaður lúxus sem býður þín eftir að hafa notið einstakrar náttúru og upplifað fossa, fjöll, hraun og skóga.  83 herbergi Morgunverður í boði Veitingastaður og bar Heilsulind og líkamsrækt Fundaraðstaða Ókeypis þráðlaust net Lokað um jólin Hluti af Íslandshotelum
Hótel Laxárbakki
Hótel Laxárbakki stendur á bökkum Laxár, við þjóðveg 1, skammt frá ósum Laxár við Grunnafjörð í Hvalfjarðarsveit, aðeins 12 km frá Akranesi og 20 km frá Borgarnesi. Gisting í herbergjum með og án sérbaðs og í sumarhúsi. Eldunaraðstaða fyrir alla og aðgengi að þvottavél. Heitur pottur og sauna. Á staðnum er veitingastaður opinn frá morgni til kvölds. Fjölbreytt úrval afþreyingar í næsta nágrenni og ekki lengi verið að aka til allra helstu ferðamannastaða á Vestur- og Suðvesturlandi.
Vogur Country Lodge
Boðið er upp á gistingu í tveggja manna herbergjum með baði og svítur, notalegan matsal og setustofu, heitan pott og sauna. Mikið úrval gönguleiða, einstæð náttúrufegurð og vagga sagnanna.
Nýp á Skarðsströnd
B&B, 2 x 2ja manna herbergi með sameiginlegu baði og 3 x 2ja manna herbergi með sér baði. Heimabakað brauð, berjasultur og grænmeti úr görðunum okkar. Við tökum á móti ferðafólki frá 15. maí - 15. september. Möguleiki að taka á móti smærri hópum utan þess tíma. Við leggjum áherslu á náttúruupplifun og kyrrð; gönguferðir og fuglaskoðun; í anddyri gistiheimilisins eru sýningar á hönnun og myndlist, inni á herbergjum valdar bókmenntir og myndlist. Arkítektateymið Studio Bua hannaði breytingar á byggingunni í samvinnu við eigendur.  Verið velkomin! Bókanir: thora@this.is. Sími: 896-1930 eða 891-8674.Þið finnið okkur á Facebook hér. Vinsamlega sendið okkur netpóst, hringið eða sendið sms.
Kirkjufell Hótel
Kirkjufell Hotel er við sjávarsíðuna, upphaflega byggt sem verbúð fyrir sjómenn árið 1954. Það er staðsett í Grundarfirði, litlu sjávarþorpi á Snæfellsnesi. Stutt er í allar helstu náttúruperlur Snæfellsness.  Á hótelinu eru 29 þægileg herbergi sem eru öll með sér baðherbergi, te og kaffi, sjónvarp og hárþurrku. Þráðlaust internet er aðgengilegt á öllu hótelinu fyrir gesti.
Hótel Bifröst
Hótel Bifröst er notalegt hótel á fallegum stað í hjarta Borgarfjarðar. Hótelið er staðsett við þjóðveg 1 - 102 kílómetra frá Reykjavík og því í aðeins eins- og hálfs tíma akstursfjarlægð frá höfuðborginni. Á Hótel Bifröst eru 52 rúmgóð, björt og hlýleg, tveggja manna herbergi. Öll herbergin eru með sér snyrtingu og sturtu, gervihnattasjónvarpi og internettengingu. Lyfta er á hótelinu og því gott aðgengi fyrir fatlaða.  Veitingastaður hótelsins - Kaffi Bifröst tekur um það bil 100 manns í sæti. Þar er mikið lagt upp úr því að framreiða fjölbreyttan og hollan mat með áherslu á að nota hráefni úr heimabyggð. Hægt er að bóka ráðstefnur, fundi eða námskeið til að halda á hótelinu en þar er að finna sali af öllum stærðum og gerðum.
Hótel Búðir
Hótel Búðir var stofnað 1948 og hefur það, síðan þá, öðlast fastan sess í íslenskri menningu. Gisting Á hótelinu eru 28 herbergi sem öll hafa sinn eigin persónuleika og sérstöðu. Herbergjunum er skipt upp í fjóra flokka sem eru loft herbergi, standard herbergi, deluxe herbergi og ein master svíta með útsýni að Snæfellsjökli. Veitingar Veitingastaðurinn hefur í mörg ár verið í sérflokki og er þekktur fyrir einstaka fiskrétti. Lögð er sérstök áhersla á hráefni úr nánasta umhverfi og hefur náttúran í kringum hótelið nýst vel í gegn um tíðina. Ráðstefnur og viðburðir Hótel Búðir hafa á síðustu árum sannað sig sem kjörin staðsetning fyrir fundi og ráðstefnur, ásamt því að vera vinsæll staður fyrir brúðkaup og aðra stórviðburði. Umhverfi Hótel Búðir eru umvafðar kyrrð, fegurð svo ekki sé talað um kraft jökulsins sem er nánast áþreifanlegur allt um kring. Búðarkirkja stendur við hliðina á hótelinu og er þekkt sem ein fallegasta kirkja landsins.  
Hraunsnef sveitahótel
Á sveitahótelinu eru 15 herbergi. Fimm herbergi á jarð hæð og tíu herbergi á efri hæð. Herbergin á annari hæð eru öll með útsýni úr hverjum glugga, og eru herbergin á fyrstu hæð með sér pall. Herbergin eru innréttuð hvert í sínum stíl. Herbergin hafa öll sama útbúnað: sér inngangur, snyrting með sturtu, hárþurrka og sléttujarn, sloppar, sjónvarp. Smáhýsi: við bjóðum uppá tvö 15 fm smáhýsi. Þau eru útbúin með hjónarúmi 140 x 200 cm, sér klósetti, sjónvarpi og eldhúskrók. Gistirými fyrir 2 mannskjur. Einnig bjóðum við uppá eitt 25 fm smáhýsi sem er útbúið með hjónarúmi 140 x 200 cm með koju yfir 80 x 190 cm ásamt einu einstaklingsrúmi 90 x 200 cm og svefnsófa 110 x 190 cm. Sér klósett og sturta, eldhúskrókur og sjónvarp er í húsinu. Gistirými fyrir allt að 5 manns.  Heitir pottar: það er alltaf gaman að busla í vatni. Hér er hægt að velja um að leika sér á tjörninni í gúmmíbát eða að slappa af í unaðslega heitum pottum. Skoðunarferðir um dýraríkið: margar sortir af dýrum er að finna á Hraunsnefi og gaman er að halda í skoðunarferð og sjá dýrin og jafnvel fá smá brauð og gefa þeim. Veitingastaðurinn er opinn allt árið. Opið daglega frá 12-21. Fleira upplýsingar er hægt að nálgast á www.hraunsnef.is
B59 Hótel
B59 er 4 stjörnu hótel með notalegri gistingu, veitingastað og heilsulind á Vesturlandi. Við erum með 60 standard, 3 Deluxe herbergi, 8 Superior herbergi og 3 Svítur. Svo bjóðum við upp á 44 svefnpláss á B59 Hostel. Snorri Veitingastaður & Bar er opið 7 daga vikunnar í morgunmat og kvöldmat frá kl 17:00 til 21:00.
Icelandair hótel Hamar
Icelandair hótel Hamar er nýlegt og glæsilegt hótel á Vesturlandi á rólegum stað við golfvöllinn Hamar í þjóðleið rétt utan við Borgarnes (ca. 5 mín. akstur frá Borgarnesi). Hér er hægt að njóta kyrrðarinnar í sveitinni en öll þjónusta er þó innan seilingar. Útsýnið yfir Borgarfjörð er stórbrotið og veitingastaður hótelsins hefur getið sér gott orð fyrir frábæran mat og faglega þjónustu. Öll hótelherbergi eru með eigin útgangi út í hótelgarðinn og smá verönd. Herbergin eru vel útbúin og má þar nefna hita í gólfum sem heldur hita á gestum í hvaða veðri sem er.  Eiginleikar: 54 herbergi 4 herbergi innréttuð sérstaklega fyrir fatlaða Staðsett á 18 holu golfvelli Næg bílastæði fyrir framan hótelið Bar/Setustofa Flottir fundar- og veislusalir 600 Vildarpunktar fást fyrir hverja gistinótt Frítt internet  Heitir pottar Fyrsta flokks veitingastaður og veisluþjónusta Dásamlegt útsýni
Hótel Húsafell
Hótel Húsafell býður upp á 48 vel útbúin herbergi í fjórum stærðum. Öll herbergin eru reyklaus og skreytt með málverkum eftir Pál Guðmundsson, listamann á Húsafelli. Hér getur þú sameinað notalega dvöl á þægilegu lúxushóteli og einstakar upplifanir í íslenskri náttúru. Í nágrenni Húsafells getur þú uppgötvað faldar perlur í okkar stórkostlega landslagi. 
Hótel Varmaland
Á hótelinu eru 58 endurnýjuð herbergi í skandinavískum stíl, útbúin öllum helstu þægindum. Þar sem lagt var upp með að halda sjarma gamla húsmæðraskólans eru herbergin mismunandi að stærð. Economy herbergi er góður valkostur fyrir einstakling eða par en í Standard herbergjum er hægt að velja á milli þess að hafa tvíbreið rúm eða tvö rúm með náttborði á milli. Deluxe og Superior herbergi eru stærri og þar er hægt að bæta við auka rúmi svo herbergin geta rúmað allt að þrjá gesti. Öll herbergi eru með sér baðherbergi og baðvörum, sjónvarpi, te- og kaffiaðstöðu og þráðlaust net er um allt hótel. Morgunmatur innifalinn í gistingunni og er framreiddur á 4. hæð á veitingastaðnum Calor frá 08:00 til 10:00 virka daga og frá 08:00 til 10:30 um helgar. Innritun er frá kl 15:00 á daginn og útritun er til kl 11:00.
Hótel Glymur
Heimilislegt hótel og glæsileg hús í þorpinu við Glym staðsett steinsnar frá Reykjavík í fallegu umhverfi með yndislegu útsýni yfir Hvalfjörðinn. Afslappað andrúmsloft og veitingastaður með fjölbreyttu úrvali veitinga. Herbergi - hótelið er með 22 lúxusherbergi. Öll herbergin eru á tveimur hæðum með baðherbergi og setustofu á neðri hæðinni og svefnherbergi á efri hæðinni. Öll herbergi og svítur eru afskaplega vel búin með þráðlausu interneti, sjónvarpi, síma og síðast en alls ekki síst kaffivél. Hvert herbergi er sérhannað, útbúið hágæða ítölsku leðursófasetti og skreytt einstökum listaverkum. Eitt herbergi er á jarðhæð með aðgengi fyrir hjólastóla og verönd. Svítur - Svíturnar okkar heita Hallgrímsstofa, eftir Hallgrími Péturssyni og Guðríðarstofa eftir Guðríði Símonardóttur (Tyrkja-Guddu, konu Hallgríms). Svíturnar eru báðar á jarðhæð með eigin verönd og útgangi í heitu pottana. Mikið er lagt í að skapa gott og afslappað andrúmsloft í svítunum með smekklegum innréttingum og fallegum listaverkum. Svíturnar eru með öllum sama búnaði og herbergin auk fullkominna hljómflutningstækja. Pottar - hvernig væri að slaka aðeins á? Hótelið er með tvo heita potta undir beru lofti sem, eðli málsins samkvæmt, er kjörið að slappa af í og njóta útsýnisins, hvort sem það eru Norðurljósin á köldum vetrarkvöldum eða Hvalfjörðurinn í öllu sínu veldi. Þorpið - sex glæsileg heilsárshús með stórfenglegt útsýni er yfir Hvalfjörðinn úr stórum gluggum sem snúa í suður. Húsin eru mjög vel búin, öll með glæsilegu alrými með leðursófasetti, borðstofuborði, stórum flatskjá, fallegum listaverkum og fullbúnu eldhúsi. Í eldhúsi er stór ísskápur, uppþvottvél, góð eldavél með ofni, örbylgjuofn og borðbúnaður fyrir 4 – 6 aðila. Veitingar - veitingastaður Hótel Glyms býður úrval af grænmetis-, fisk- og kjötréttum auk eftirrétta.  Matseðillinn tekur stöðugum breytingum og tekur mið af árstíðum. Fallegt útsýni er úr matsal yfir Hvalfjörð.  Opið fyrir hópa haust og vetur 2021-2022.  Fylgstu með okkur á Facebook
Hótel Á
Hótel Á er staðsett milli Reykholts og Húsafells. Hótelið er byggt upp af gömlum útihúsum sem hafa verið gerð upp sem hótelgisting og veitingastaður. Alls eru 15 herbergi með sér baðherbergjum. Ókeypis þráðlaust netsamband í móttökunni og veitingasalnum en ekki á herbergjum. Á veitingastaðnum er boðið upp á gómsæta rétti á kvöldin og gestir njóta fagurs útsýnis yfir Hvítá úr borðsalnum.

Aðrir (5)

Hey Iceland Síðumúli 2 108 Reykjavík 570-2700
Hótel Breiðafjörður Aðalgata 8 340 Stykkishólmur 433-2200
Stundarfriður Hólar 1 340 Stykkishólmur 8642463
Welcome Hótel Hellissandur Klettsbúð 9 360 Hellissandur 487-1212
Hótel Laugar Sælingsdal Laugar 371 Búðardalur 6119909