Almenningssalerni á Snæfellsnesi

Við hvetjum ferðafólk til að skipuleggja ferðalagið sitt með hliðsjón af staðsetningu salerna og annarrar þjónustu.
Á Snæfellsnesi er lögð áhersla á að hafa góða aðstöðu til að taka á móti gestum.
Opinberir aðilar reka því á fimmta tug almenningssalerna víðsvegar á Snæfellsnesi.
Þar af eru yfir 20 salerni aðgengileg og opin allan sólarhringinn, allt árið.
En um 20 salerni eru í tengslum við opnunartíma opinberra þjónustueininga og því aðgengileg á auglýstum opnunartíma viðkomandi rekstrareiningar á hverjum tíma.

Vinsamlegast nýtið salernin sem eru til staðar og virðið umhverfið sem þið ferðist um.
Það er ekki viðeigandi að kasta af sér þvagi eða skilja eftir saur í íslenskri náttúru.
Slíkt er mikil óvirðing við landið, heimafólk og aðra ferðalanga.

Sjá yfirlit og staðsetningar opinberra almenningssalerrna á korti hér fyrir neðan:

ATHUGIÐ! -Einnig má benda á að allir þjónustustaðir sem eru með veitingasölu í sal, hafa líka aðgang að salerni fyrir sína gesti.
Því er gott að gera ráð fyrir því að stoppa til að staldra við, fá sér veitingar og styðja við rekstur heimafólks á viðkomandi ferðasvæði og nýta þá aðstöðu sem þar er í boði.

Almenningssalerni á Snæfellsnesi – yfirlit yfir staðsetningu, fjölda og opnunartíma

Staðsetning	Fjöldi salerna	Opnunartími
Gestastofa Snæfellsness – Breiðablik	8	24/7 – opið alla daga
Arnarstapi – almenningssalerni við Arnarstapaveg	5	24/7 – opið alla daga
Snæfellsjökulsþjóðgarður – Gestastofa Malarrifi	3	Auglýstur opnunartími
Snæfellsjökulsþjóðgarður –Gestastofa Malarrifi - útisalerni	2	24/7 – opið alla daga
Snæfellsjökulsþjóðgarður – Djúpalónssandur	2	24/7 – opið alla daga
Snæfellsjökulsþjóðgarður – Þjóðgarðsmiðstöð Hellissandi, Sandahraun 5	6	Auglýstur opnunartími
Snæfellsjökulsþjóðgarður – Þjóðgarðsmiðstöð Hellissandi, Sandahrauni 5 - útisalerni	4	24/7 – opið alla daga
Grundarfjörður – við höfnina, Nesvegur 2	12	Auglýstur opnunartími
Stykkishólmur – við höfnina, Hafnargata 6	2	24/7 – opið alla daga