Fréttir og fróðleikur

Á Syðra-Lágafelli á Snæfellsnesi er lítið kaffi- og listahús sem býður m.a. upp á æt blóm, salat og hnallþórur. Þar er vistvæn ræktun og jarðvarmi frá svæðinu nýttur til að hita upp gróðurhúsin.

Staðbundnir leiðarvísar veita gestum skemmtiferðaskipa hjálpleg tilmæli áður en komið er í höfn á hverjum stað. Þeir innihalda ábendingar um hvert sé best að fara og ráð um hvernig eigi að vera tillitsamur gestur. Meðal annars hvetur leiðarvísirinn gesti til að njóta bæjarins og landslagsins, en láta gróður, dýr og menningararf ósnortna. Leiðarvísirinn bendir einnig á markverða staði og gönguleiðir.

Eitt af áhersluverkefnum Áfangastaðaáætlunar Vesturlands er að greina og kortleggja aðgengilegar útivistarleiðir og safna gögnum um þær í miðlægan gagnagrunn sem ætlaður er til úrvinnslu og upplýsingamiðlunar.

Samtök um söguferðaþjónustu héldu aðalfund samtakanna í Húsafelli og fóru vettvangsferð um uppsveitir Borgarfjarðar núna á þriðjudag og miðvikudag.

Samtök um söguferðaþjónustu héldu aðalfund samtakanna í Húsafelli og fóru vettvangsferð um uppsveitir Borgarfjarðar núna á þriðjudag og miðvikudag.

Mannamót Markaðsstofa landshlutanna var haldið 24. mars síðastliðinn. Ferðaþjónustuaðilar og gestir voru jákvæðir og ánægðir að geta loksins komið saman eftir langa bið og var margt um manninn í Kórnum í Kópavogi.

Áfangastaða- og Markaðsstofa Vesturlands (Á&M) stefnir á að senda samstarfsaðilum og öðrum hagaðilum fréttabréf þar sem fram koma helstu fréttir og upplýsingar um verkefni sem unnið er að og eru fram undan. Í þessu fréttabréfi verður því bæði “horft um öxl - og fram á við”.

Áfangastaða- og Markaðsstofa Vesturlands stóð fyrir málstofu á Akranesi í gær, í samstarfi við Akraneskaupstað, AECO og Faxaflóahafnir þar sem rætt var um tækifæri og áskoranir í komu skemmtiferðaskipa í Akraneshöfn.

Áfanga- og markaðssvið SSV ásamt Akraneskaupstað og Faxaflóahöfnum taka nú þátt í samstarfsverkefni um gæði í móttöku á skemmtiferðaskipum á Akranesi. Þetta er Nora verkefni sem kemur í gegn um Ferðamálastofu og er samstarfsverkefni við AECO þar sem unnið er með nokkrum höfnum á Íslandi, Noregi, Færeyjum og Grænlandi.

Giljaböðin í Húsafelli eru ein af 14 bestu upplifunum í heimi fyrir ferðamenn skv. lista Culture Trip fyrir 2022.

Áfangastaða- og Markaðsstofa Vesturlands munu standa fyrir svokölluðum “SPRETTVERKEFNUM” á næstu misserum þar sem unnið verður með samstarfsaðilum og öðrum hagaðilum að því að útbúa þemaferðir um Vesturland í því skyni að styrkja ímynd svæðisins, koma sérstöðu þess á framfæri og styðja við markaðssetningu.

Við viljum aðstoða fyrirtæki í landsbyggðunum að vaxa, styrkja viðskiptatengsl þeirra út um Evrópu og allan heim og kynna þau á sem breiðustum alþjóðlegum vettvangi.