Mannamót Markaðsstofa landshlutanna 2022
Mannamót Markaðsstofa Landshlutanna er árleg ferðakaupstefna sem haldinn er af Markaðsstofum landshlutanna. Ferðakaupstefnan er kynningarvettvangur ferðaþjónustunnar á landsbyggðinni og tækifæri til að koma á fundum fagaðila í greininni. Markmið og tilgangur viðburðarins er að skapa vettvang þar sem landsbyggðarfyrirtæki fá tækifæri til að kynna sína þjónustu og vöruframboð fyrir ferðaþjónustuaðilum sem staðsettir eru á höfuðborgarsvæðinu. Viðburðurinn er sá fjölmennasti í íslenskri ferðaþjónustu og hefur skipað sér sess sem einn mikilvægasti í íslenskri ferðaþjónustu. Þar gefst samstarfsfyrirtækjum Markaðsstofa landshlutanna tækifæri til að kynna sig fyrir fólki í ferðaþjónustu sem starfar á höfuðborgarsvæðinu og koma á nýjum viðskiptasamböndum og styrkja þau sem fyrir eru. Ísland hefur mikið upp á að bjóða og Mannamót hjálpa til við að mynda tengsl innan ferðaþjónustunnar. Gestum á Mannamóti gefst kostur á kynna sér það sem mismundi landshlutar eru að bjóða uppá.
Alla jafna fer Mannamót fram í janúar en féll það niður árið 2021 og var frestað fram í mars í ár vegna Covid faraldursins. Um það bil 220 fyrirtæki mættu á ferðakaupstefnuna sem sýnendur og um 700 gestir sóttu sýninguna í ár.