Markaðsstofa Vesturlands – áfangastaðastofa

Áfangastaðaþróun og markaðsstarf eru tveir samverkandi þættir í starfi okkar.

Báðir þættir byggja á samstarfi við hagaðila og stuðla að sameiginlegu markmiði um að efla Vesturland sem áfangastað fyrir íbúa og gesti.

Áfangastaðastofan vinnur að því að efla gæði Vesturlands sem áfangastaðar með áherslu á sjálfbærni, samstarf, innviði, þjónustu og upplifun.

Við höldum utan um Áfangastaðaáætlun Vesturlands, öflum og miðlum þekkingu um stöðu ferðamála og styðjum við samráð og samstarf um þróun áfangastaðarins.

Í starfinu felst meðal annars að tengja saman hagaðila, samræma áherslur og styðja við þróun verkefna sem stuðla að bættri aðstöðu, öryggi og upplifun íbúa og gesta.

Markaðsstofa Vesturlands vinnur að kynningu og markaðssetningu Vesturlands sem áfangastaðar fyrir innlenda og erlenda gesti, ferðaheildsölur og ferðaskipuleggjendur.

Við kynnum sérstöðu Vesturlands, náttúru, sögu, menningu, upplifun og þá fjölbreyttu þjónustu sem er í boði á svæðinu.

Markaðsstofan heldur úti kynningarvefjunum vesturland.is og west.is, þar sem ferðaþjónustuaðilar sem eru í samstarfi við stofuna geta kynnt þjónustu sína. Auk þess að halda úti samfélagsmiðlum til að kynna áfangastaðinn.

Við tökum einnig þátt í ferðasýningum og vinnustofum, miðlum upplýsingum til ferðaskipuleggjenda og ferðaheildsala og vinnum að kynningu Vesturlands í samstarfi við Íslandsstofu og aðrar markaðsstofur landshlutanna.

Mikilvægur þáttur í starfinu er að afla og miðla staðbundinni þekkingu um Vesturland, þjónustu, upplifun og nýjungar. Þessar upplýsingar nýtast bæði í okkar eigin markaðsstarfi og við kynningu Íslands í heild.

Áfangastaða- og markaðsstofur landshlutanna, Ferðamálastofa og Íslandsstofa gegna ólíkum en samverkandi hlutverkum í stoðþjónustu ferðamála.

Með samstarfinu tengjum við saman staðbundna þekkingu og verkefni í landshlutunum við sameiginlegar áherslur og kynningu Íslands sem áfangastaðar.

Ferðamálastofa er ríkisstofnun sem sinnir stjórnsýslu og verkefnum á sviði ferðamála, meðal annars rannsóknum, gagnaöflun, leyfisveitingum og eftirliti.

Ferðamálastofa heldur einnig úti opinbera kynningarvefnum ferdalag.is, þar sem miðlað er upplýsingum um áfangastaði, þjónustu og upplifun á Íslandi fyrir innlendan markað.

Við vinnum með Ferðamálastofu að verkefnum sem tengjast áfangastaðaþróun, áfangastaðaáætlunum, rannsóknum og miðlun þekkingar.

Í gegnum samstarf markaðsstofanna er upplýsingum um ferðaþjónustu á Vesturlandi jafnframt miðlað til birtingar á ferdalag.is, þannig að þær nýtist við kynningu á ferðamöguleikum innanlands.

Íslandsstofa annast opinbera kynningu og markaðssetningu Íslands sem áfangastaðar á erlendum mörkuðum.

Kynningarstarfið fer meðal annars fram í gegnum alþjóðlega upplýsingavefinn visiticeland.com, markaðsherferðir, ferðasýningar og vinnustofur með erlendum ferðaskipuleggjendum og ferðaheildsölum.

Við vinnum með Íslandsstofu að því að koma sérstöðu Vesturlands, þjónustu og upplifun á framfæri í alþjóðlegu kynningarstarfi.

Samstarfið felur meðal annars í sér upplýsingamiðlun, þátttöku í kynningarverkefnum og móttökur erlendra blaðamanna, fjölmiðlafólks og áhrifavalda.

Þannig nýtist staðbundin þekking okkar á Vesturlandi við kynningu Íslands á erlendum mörkuðum.

Áfangastaða- og markaðsstofur starfa í landshlutunum sjö og vinna að þróun og kynningu sinna svæða í samstarfi við sveitarfélög, ferðaþjónustuaðila og aðra hagaðila.

Við eigum virkt samstarf við aðrar markaðsstofur landshlutanna um sameiginleg verkefni, upplýsingamiðlun, markaðssetningu og þróun ferðamála.

Með samstarfinu nýtum við betur þekkingu og reynslu hvers annars, samræmum áherslur þar sem það á við og styrkjum tengslin milli landshlutanna.

Markaðsstofurnar gegna jafnframt mikilvægu hlutverki við að miðla staðbundinni þekkingu og upplýsingum um þjónustu og upplifun til Íslandsstofu og Ferðamálastofu.

Þannig tengjum við saman kynningu einstakra landshluta og sameiginlega kynningu Íslands.

Markaðsstofa Vesturlands tekur við upplýsingum um þjónustu, upplifun og nýjungar frá samstarfsaðilum sínum.

Við skráum og miðlum þjónustuupplýsingum á kynningarvefjum Vesturlands og þær berast jafnframt til opinberra kynningarvefja Ferðamálastofu og Íslandsstofu. Þannig tengist upplýsingamiðlun ferðaþjónustuaðila á Vesturlandi við kynningu Íslands fyrir innlenda og erlenda markaði.

Upplýsingar um þjónustu og upplifun á Vesturlandi nýtast í kynningarstarfi Markaðsstofu Vesturlands og á opinberum kynningarvefjum Íslands.

Staðbundin þekking, fréttir og upplýsingar um nýjungar geta einnig nýst við gerð kynningarefnis, markaðsherferðir, ferðasýningar, vinnustofur og upplýsingagjöf til ferðaskipuleggjenda og ferðaheildsala.

Markaðsstofan gegnir þannig mikilvægu tengihlutverki milli ferðaþjónustuaðila á Vesturlandi og þeirra sem annast sameiginlega kynningu Íslands.

Ef þú rekur ferðaþjónustu á Vesturlandi getur þú gert samstarfssamning við Markaðsstofu Vesturlands og tekið þátt í sameiginlegu kynningarstarfi landshlutans.

Með samstarfinu færðu meðal annars tækifæri til að skrá þjónustu þína á kynningarvefi Vesturlands og miðla upplýsingum sem geta nýst í víðtækara markaðsstarfi.

Mikilvægt er að halda þjónustuupplýsingum uppfærðum og miðla fréttum, myndum og nýjungum til markaðsstofunnar.