Leita
Finnur þú það ekki? Prófaðu leitina :)

Sjóminjasafnið í Sjómannagarðinum á Hellissandi

Sjóminjasafnið á Hellissandi er í Sjómannagarðinum við Sandahraun. Í safninu eru margháttaðar minjar sem tengjast útgerð áraskipa á liðnum öldum auk margra annarra gripa og mynda, bátavéla og aflraunasteina. Þar er endurbyggð þurrabúðin Þorvaldsbúð sú búð er síðast var búið í hér á Hellissandi.

Safnið er til húsa í tveimur sambyggðum húsum. Aðgengi er gott fyrir fatlaða um húsið og á snyrtingar. Við vesturhlið safnsins er pallur með borðum. Í vesturenda garðsins er stór hraunbolli, þar er einnig stór pallur. Góður áningarstaður. Göngustígur er frá garðinum inn í Sandahraunið. Þar er margt að sjá. Í jaðri Sandahraunsins er útsýnishæð með góðu aðgengi. Þaðan sér vítt yfir Breiðafjörð og byggðina á Hellissandi, fjallahringinn með Snæfellsjökul yst í vestri.

Í garðinum hefur verið komið fyrir styttan Jöklarar eftir myndlistarmanninn Kjartan Ragnarsson sem var afhjúpuð árið 1974.

Sumarið 2019 verða fjórar sýningar í gangi: Náttúran við Hafið, Sjósókn undir Jökli, Sagan Okkar(Ljósmyndasýning) og í garðinum er sýningin Landnámsmenn í Vestri.

Opið frá 1. júní til 30. september, 10:00-17:00 alla daga.
Kaffisala og meðlæti á staðnum.

Aðgangseyrir 2019: kr. 1.300,- á mann (fullorðnir), frítt fyrir börn 0-16 ára.

Á öðrum tímum opið eftir samkomulagi fyrir hópa.

Sjóminjasafnið í Sjómannagarðinum á Hellissandi

v/Sandahraun

GPS punktar N64° 54' 50.616" W23° 53' 8.434"
Sími

844-5969

Opnunartími 01/06 - 30/09
Þjónusta Áningarstaður Hellaskoðun Opið á sumrin Viti Aðgengi fyrir hreyfihamlaða Reykingar bannaðar Aðgengi fyrir hjólastóla Athyglisverður staður Athyglisverður staður Gönguleið Fuglaskoðun Útsýni með hringsjá Útsýni Selalátur Kaffihús Veitingastaður Tjaldsvæði Upplýsingamiðstöð Sundlaug Íþróttahús Aðgangur að interneti Golfvöllur Listasafn Handverk til sölu Hraðbanki Kirkja Tekið við greiðslukortum Flugbraut
Flokkar Söfn , Sýningar

Sjóminjasafnið í Sjómannagarðinum á Hellissandi - ferðaupplýsingar

Úr gagnagrunni Ferðamálastofu Íslands

Aðrir

Golfklúbburinn Jökull
Golfvellir
  • Fróðá
  • 355 Ólafsvík
  • 861-9640
Brimhestar
Gistiheimili
  • Brimilsvellir
  • 356 Snæfellsbær
  • 436-1533, 864-8833
Söguferðir Sæmundar Kristjánssonar
Gönguferðir
  • Rif
  • 360 Hellissandur
  • 436-6767, 893-9797
Saga og menning
9.22 km
Viti - Svörtuloftaviti

Árið 1914 var reistur 10 m hár járngrindarviti með 2,3, m ljóshúsi yst á Skálasnaga á Svörtuloftum vestast á Snæfellsnesi. Thorvald Krabbe teiknaði mannvirkið.

Vitinn entist í 17 ár þá var hann orðinn mjög ryðbrunninn og þótti ekki lengur treystandi.

Árið 1931 var tekinn í notkun nýr viti sá var steinsteyptur, ferstrendur 9,5 m hár. Benedikt Jónsson verkfræðingur hannaði vitann.

Upplýsingar eru fengnar úr bókinni Vitar á Íslandi, útgefandi er Siglingastofnun Íslands árið 2002.

Náttúra
24.31 km
Djúpalónssandur

Djúpalónssandur er skemmtileg malarvík með ýmsum furðulegum klettamyndunum.

Á árum áður var þar útgerð og verbúðarlíf og þótti mönnum þar reimt. Frá þeim tíma eru 4 aflraunasteinar sem liggja undir kletti þegar komið er niður á sandströndina; Fullsterkur 154 kg, Hálfsterkur 100 kg, Hálfdrættingur 54 kg, Amlóði 23 kg. Vinsælt er að reyna krafta sína á steinunum.

Breski togarinn Epine GY 7 frá Grímsby fórst í aftakaveðri fyrir utan Djúpalónssand í mars 1948. Fimm skipsverjar lifðu slysið af en 14 manns fórust. Járn úr skipinu er á víð og dreif um sandinn.

Saga og menning
2.09 km
Fiskibyrgi

Skammt frá Gufuskálum má finna rústir á annað hundrað byrgja þar sem fiskur var þurrkaður og geymdur en á Gufuskálum var verstöð.

Byrgi þessi eru talin vera 500 - 700 ára gömul.

Um 10 min. ganga er frá veginum við Gufuskála (vegnúmer 574) upp að nokkuð heillegu byrgi sem má skríða inn í. Að innan er byrgið manngengt.

Saga og menning
11.35 km
Viti - Öndverðarnesviti

Árið 1909 var fyrsti vitinn reistur á Öndverðarnesi. Vitinn var stólpaviti en árið 1914 var reist 2,5 metra há timburklædd járngrind með 2,4 m háu áttstrendu ljóshúsi.

Steinsteyptur viti var síðan byggður að Öndverðarnesi árið 1973. Vitinn er ferstrendur 3,5 metra hár með 3 m háu áttstrendu ljóshúsi. Vitinn er sömu gerðar og Surtseyjarviti sem reistur var sama ár. Aðalsteinn Júlíusson verkfræðingur hannaði vitann.

Upplýsingar eru fengnar úr bókinni Vitar á Íslandi, útgefandi Siglingastofnun Íslands, 2002.

Náttúra
20.73 km
Snæfellsjökull

Snæfellsjökull er 1446 m hár og hefur oft verið kallaður konungur íslenskra fjalla. Jökullinn sért Víða á landinu og njóta margir fegurðar hans í fallegu sólsetri. Sumir finna sterk áhrif frá jöklinum og telja að hann sé ein af sjö stærstu orkustöðvum jarðar. Sagt er frá því í Bárðar sögu Snæfellsáss að Bárður hafi gefist upp á samneyti við fólk og að lokum gengið í jökulinn Upp frá því er Bárður af sumum talinn verndari svæðisins. Þeim sem hyggja á ferðir á Snæfellsjökul er bent á að kynna sér vel aðstæður og ástand jökulsins. Tilmælum er beint til ökumanna snjósleða og jeppa að leitast við að trufla ekki umferð gangandi fólks á jöklinum. Óvönu fólki er bent á að ganga á jökulinn með leiðsögumanni en nokkur fyrirtæki bjóða uppá ferðir á Jökulinn.

Saga og menning
2.34 km
Ingjaldshóll

Ingjaldshóll var höfuðból og höfðingjasetur í margar aldir og kemur við sögu í Víglundarsögu og Bárðar sögu Snæfellsáss.

Þar varð snemma kirkjustaður og lögskipaður þingstaður og þá um leið aftökustaður sakamanna.

Kirkjan á Ingjaldshóli er elsta steinsteypta kirkja heims sem var reist 1903.

Náttúra
10.87 km
Saxhóll

Saxhóll er gígur á vestanverðu Snæfellsnesi.

Gönguleið er upp á Saxhól og þaðan er mjög góður útsýnisstaður.

Aðrir

Hvítahús
Sýningar
  • Krossavík
  • 360 Hellissandur
  • 692 4440 / 896 6860, 896 6860

Aðrir

Grillið
Skyndibiti
  • Ólafsbraut 19
  • 355 Ólafsvík
  • 436-1362
Hraðbúðin Hellissandi - N1
Verslun
  • við Sandahraun
  • 360 Hellissandur
  • 436-6611
Söluskáli ÓK
Verslun
  • Ólafsbraut 27
  • 355 Ólafsvík
  • 436-1012

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík