Sumarsólstöður í Hreppslaug

Flothetta býður upp á nærandi flotviðburð á Sumarsólstöðum í Hreppslaug í Borgarfirði. Þar ætlum við að eiga fallegt stefnumót við íslensku sumarnóttina og njóta himneskrar vatnavellíðunar og fallegrar samverustundar í vatninu.

Sumarsólstöður eru kynngimagnað fyrirbæri og tengdar ýmsum fornum átrúnaði. Það er hefð fyrir því á Norðurlöndunum að fólk komi saman til að gleðjast og njóta nærandi samvista í náttúrunni á lengsta degi ársins.

Hreppslaug í Borgarfirði er ein af þessum einstöku sveitasundlaugum Íslands en hún var byggð árið 1928. Laugin hefur farið í gegnum miklar endurbætur s.l. ár og er nú öll aðstaða þar til fyrirmyndar. Hreppslaug er einstök að því leyti að vatnið í laugina kemur úr heitum uppsprettum úr hlíðinni fyrir ofan.

Viðburðurinn hefst kl. 22.00
Nauðsyn að skrá sig fyrirfram hér: https://flothetta.is/products/sumarsolstodur-i-hreppslaug
Allar flotgræjur á staðnum