Markaðsstofa Vesturlands

Markaðsstofa Vesturlands ehf. (MSV) var stofnuð árið 2008 á grunni Upplýsinga- og kynningarmiðstöðvar Vesturlands. Hlutverk MSV er að sinna ábyrgri opinberri kynningu á Vesturlandi sem áfangastað og vekja athygli á sérstöðu svæðisins, helstu áfangastöðum, náttúru, útivist og fjölbreyttri upplifun.

MSV vinnur jafnframt að því að styðja við og efla markaðssetningu þeirrar þjónustu sem samstarfsaðilar markaðsstofunnar bjóða ferðafólki á Vesturlandi. MSV leggur áherslu á sjálfbæra uppbyggingu ferðamála þar sem náttúra, samfélag og góð upplifun ferðafólks fara saman. Með upplýsingamiðlun, sameiginlegum verkefnum og þátttöku í markaðsstarfi innanlands og erlendis vinnur MSV að því að styrkja Vesturland sem eftirsóknarverðan og nærandi áfangastað.

Lesa meira