CLIA heimsækir Grundarfjarðarhöfn

Á dögunum heimsóttu fulltrúar CLIA, alþjóðlegra hagsmunasamtaka skemmtiferðaskipa Grundarfjörð, þar sem skoðuð var ný og glæsileg þjónustuaðstaða við höfnina. Um leið gafst tækifæri til að ræða móttöku ferðafólks í litlum byggðarlögum og mikilvægi þess að undirbúningur og innviðir séu í lagi. Markaðsstofa Vesturlands tók þátt í heimsókninni og lagði áherslu á mikilvægi samræmdrar sýnar og samvinnu heimamanna þegar kemur að þróun ferðaþjónustu. Ljóst er að vel heppnuð móttaka krefst skýrrar verkaskiptingar, góðrar þjónustu og virkrar þátttöku samfélagsins. Sérlega ánægjulegt var að sjá hversu fjölbreytt þjónusta stóð gestum til boða – allt frá leiðsögn og skipulögðum ferðum til heimsókna á áhugaverða staði í nærumhverfinu. Slík heimsókn er góð áminning um að þegar ferðaþjónustan byggir á sterkum innviðum og samhentu samfélagi, njóta allir – gestir, heimamenn og náttúran – góðs af.