Staðsett við útjaðar bæjarins að austanverðu, við Hvalsá. Klósett, sturta, heitt og kalt rennandi vatn, eldunaraðstaða, úrgangslosun og rafmagn. Leiktæki eru einnig á svæðinu.
Tjaldsvæðið liggur við fallega skógrækt og frisbígolfvöll sem býður upp á skemmtilega afþreyingu fyrir gesti á öllum aldri. Svæðið er nokkuð slétt og er girt af. Tjaldstæðið er skjólgott og er í 10 mínútna göngufæri frá miðbæ Ólafsvíkur og um 15 mínútna göngu frá sundlauginni. Margar góðar gönguleiðir liggja frá tjaldsvæðinu um Ólafsvík og nágrenni.
