Hraunsnefsöxl Gönguleið

Hraunsnefsöxl hefur yfir sér hrikalegt og jafnvel óárennilegt yfirbragð, en gönguleiðin kemur skemmtilega á óvart. Hún er fjölbreytt, falleg og ekki sérstaklega krefjandi fyrir vant göngufólk. Að stíga loks upp á þessar hrikalegu og tilkomumiklu fjallsbrúnir sem hafa blasað við ferðafólk í gegnum árin þegar leiðin hefur legið um Borgarfjörð og norður á bóginn. Ef lagt er af stað frá Hraunsnefi er leiðin um 6 kílómetrar að lengd og hækkunin tæplega 490 metrar. Gönguleiðin er stikuð alla leiðina. Þegar upp er komið er hægt að ganga góðan hring, setjast niður með nesti og njóta stórbrotins útsýnis. Horft er yfir Norðurárdal, Borgarfjörð, Baulu, Langjökul, Þórisjökul, Eiríksjökul og nærliggjandi sveitir. Gönguleiðin er merkt með fjölmörgum stikum sem auka öryggi göngufólks og mikilvægt er að viðhalda þeim. Hraunsnefsöxl er sannarlega ein af földu perlum Borgarfjarðar og upplifun sem vert er að uppgötva.