Blesgæsir á túnum Hvanneyrar verða skoðaðar en allar aðrar fuglategundir að sjálfsögðu líka.
Hittumst laugardaginn 10. október kl. 9:00 hjá Landbúnaðarsafninu á Hvanneyri, rétt hjá kirkjunni, teljum þátttakendur og ræðumst við. Sameinumst í bíla og ökum Hvanneyrarhringinn – og notum bílana sem fuglaskoðunarhús.
Athugið að úr Reykjavík er um 1,5 klst. akstur á Hvanneyri.
Þegar blesgæsaskoðun lýkur eftir ca 2 klst. ökum við sem leið liggur í Borgarnes og fáum okkur hressingu á kaffihúsi. Að því loknu förum við og skönnum fjörur og leirur í kringum Borgarnes.
Að fuglaskoðun í Borgarnesi lokinni verður komið við á Flösinni á Akranesi, þar munum við líta eftir fuglum en háfjara verður um kl. 12:00 þennan dag þannig að það verður farið að flæða að þegar við komum.
Nauðsynlegt er að skrá sig fyrir kl. 16. miðvikudag 7. október með því að senda póst á fuglavernd@fuglavernd.is. Gott er að skrá sig sem fyrst!
Þeir sem eiga ekki bíl fá far með einhverjum í hópnum, látið fylgja með skráningu hvort vantar far.
Hvanneyrarjörðin er innan Andakíls, svæðis sem er alþjóðlega mikilvægt fyrir blesgæsir.
Blesgæs verpur víða á norðlægum slóðum og skiptist í nokkra vel aðgreinda stofna. Fuglar sem verpa á V-Grænlandi eru sérstök deilitegund (Anser albifrons flavirostris) og hafa þeir viðdvöl á suðvestanverðu landinu vor og haust. Vetrarstöðvar þessara fugla eru á Bretlandseyjum og þá aðallega á Írlandi og í Skotlandi. Sjá nánar á heimasíðu Náttúfræðistofnunar
Fararstjórar: Anna María Lind Geirsdóttir, starfsmaður skrifstofu Fuglaverndar og Vala Friðriksdóttir, líffræðingur og félagi í Fuglavernd.