Mikið er um fjölbreytta matargerð á Vesturlandi og mikið úrval hráefna er að finna í landshlutanum. Hér er mikil sjósókn, sterk landbúnaðarsvæði, grænmetisrækt og mikið um matarhandverk. Gestir Vesturlands hafa tækifæri á að smakka það besta sem Vesturland hefur upp á að bjóða á þeim fjölmörgu veitingahúsum sem finna má vítt og breitt um svæðið. Hver hefur sína sérstöðu enda hefðir og hráefni til matargerðar ólík eftir svæðum.
![](/static/sitemap/sm/703d426c1e4ebc3b295ee1e75002e114-dsc07156.jpg)
Vefur um matartengd verkefni, vestlenskan mat, matarhandverk, matgæðinga, matartengda viðburði og Veislu á Vesturlandi
![](/static/sitemap/sm/116066a0efa6a5a3c858945a7ba6a966-anna.melsted.anok.matur.saga.menning.stykkisholmur.2021-8.jpg)
Svæðisgarðurinn Snæfellsnes hefur þróað Sælkeraferðir um Snæfellsnes s.l. misseri. Á Sælkeraleiðinni eru áfangastaðir sem varpa ljósi á matarmenningu Snæfellsness. Boðið er upp á margvíslega upplifun þar sem ferðlangar kynnast matvælaframleiðslu, sögu og hefðum og síðast en alls ekki síst eru veitingastaðir á leiðinni sem bjóða upp á mat úr héraði.
Við vonum að þið njótið en munið ávallt að athuga opnunartíma staða þar sem hann getur breyst.
Sælkeraleiðin er í stöðugri þróun og við hlökkum til að bjóða upp á fleiri áfangastaði í náinni framtíð.