Leita
Finnur þú það ekki? Prófaðu leitina :)

Vatnasafn

Vatnasafn / Library of Water er langtíma verkefni skapað af Roni Horn í fyrrum bókasafni sjávarþorpsins Stykkishólms á Íslandi. Byggingin stendur á kletti með útsýni yfir hafið og þorpið. Þar er til húsa safn sem endurspeglar náin tengsl Roni Horn við einstaka jarðsögu Íslands, loftslag þess og menningu.

Vatn, úrval er safn 24 glersúlna fylltum af vatni sem safnað var úr ís af mörgum helstu jöklum Íslands. Glersúlurnar brjóta upp og endurvarpa ljósi á gúmmigólf sem búið er að greypa í breiðu orða á ensku og íslensku er öll lúta að veðrinu - innra sem ytra. Innsetningin býður upp á svigrúm til íhugunar í einrúmi jafnframt því að nýtast til allskyns félagslegra nota.

Í litlu hliðarherbergi geta gestir skoðað flokk bóka Roni Horn, To Place, sem allar hafa orðið til á Íslandi, ásamt því að hlusta á úrval frásagna fólks af veðrinu. Á árunum 2005 til 2006, að undirlagi Roni Horn, tóku Oddný Eir Ævarsdóttir, rithöfundur, bróðir hennar fornleifafræðingurinn Uggi Ævarsson, og faðir þeirra Ævar Kjartansson, útvarpsmaður, viðtöl um veðrið við um það bil hundrað einstaklinga frá Stykkishólmi og nágrenni. Veðrið vitnar um þig, setur þessa vitnisburði fram sem einskonar sameiginlega sjálfsmynd lands þar sem veðrið leikur stórt hlutverk í daglegu líf fólksi.

Neðri hæð Vatnasafns / Library of Water er gestavinnustofa fyrir rithöfund. Á hverju ári hefur rithöfundum verið boðið að búa þar í nokkra mánuði og vinna .Ýmist er boðið íslenskum eða erlendum höfundum, en fram að þessu hafa þau Guðrún Eva Mínervudóttir, Rebecca Solnit, Anne Carson, Óskar Árni Óskarsson og Oddný Eir Ævarsdóttir dvalið þar.

Artangel sá um framkvæmd þessa verkefnis ásamt Stykkishólmsbæ, Menntamálaráðuneytinu, Samgönguráðuneytinu og Fjárlaganefnd Alþingis.

Opnunartími: Mán.: Þri.: Mið.: Fim.: Föst.: Lau.: Sun.:
1. maí - 28. ágúst: 10-17 10-17 10-17 10-17 10-17 10-17 10-17
29. ágúst - 30. apríl: 09-16 09-16 09-16 09-16 09-16 09-16 Lokað

Miðasala fyrir Vatnasafn fer fram í Eldfjallasafni OG Norska húsinu

Aðgangseyrir fyrir Vatnasafn:

Fullorðnir 650,-

Nemar, eldriborgarar og hópar 500,-

Frítt fyrir yngri en 18 ára


Aðgangseyrir fyrir Norska húsið og Eldfjallasafn:

Fullorðnir 1250,-

Nemar, eldriborgarar og hópar 1000,-

Frítt fyrir yngri en 18 ára

Safnapassi stykkishólmsbæjar - öll söfnin:

Fullorðnir 2500,-

Nemendur, eldriborgarar og hópar 2000,-

Vatnasafn

Bókhlöðustígur 19

GPS punktar N65° 4' 38.216" W22° 43' 42.821"
Sími

865-4516

Opnunartími Allt árið
Þjónusta Opið á sumrin Aðgengi fyrir hjólastóla Almenningssalerni Athyglisverður staður
Flokkar Söfn , Sýningar

Vatnasafn - ferðaupplýsingar

Úr gagnagrunni Ferðamálastofu Íslands

Aðrir

Way Out West ehf.
Ferðaskipuleggjendur
  • Garðaflöt 10
  • 340 Stykkishólmur
  • 834-7000
Stykkishólmur Slowly ehf.
Ferðaskipuleggjendur
  • Hafnargata 4
  • 340 Stykkishólmur
  • 766-0996
Náttúra
6.57 km
Helgafell

Fornfrægt fjall (73 m) þaðan er fagurt útsýni yfir Breiðafjörð.

Þjóðtrúin segir að þrjár óskir uppfyllist ef maður lítur aldrei um öxl og mælir ekki orð af munni meðan gengið er á fjallið. Óskirnar mega einungis vera góðs hugar, engum má segja þær og biðjandi þarf að horfa til austurs.

Upp á Helgafelli er útsýnisskífa svo auðvelt er að átta sig á fjallahringnum.

Núverandi kirkja á Helgafelli var reist 1903 og tekur 80 manns í sæti.

Guðrún Ósvífursdóttir, ein helsta sögupersóna Laxdælu bjó síðari hluta ævi sinnar á Helgafelli. Þar var hún greftruð að írskum sið. Á leiðinu er minnisvarði gerður úr steini úr Helgafelli með ártalinu 1008, en steinninn var settur á leiðið 1979.

Árið 1184 var klaustur af Ágústínusarreglu flutt frá Flatey að Helgafelli og eftir það var staðurinn menntasetur og höfuðstaður bóklegrar iðju á Vesturlandi.

Upp á Helgafelli er tóft, hlaðinn úr hellugrjóti sem talin er vera rúst af kapellu munkanna.

Náttúra
10.98 km
Drápuhlíðarfjall

Drápuhlíðarfjall er 527 m, litskrúðugt og sérkennilegt fjall blasir við þegar keyrt er eftir þjóðvegi 54 í nánd við Stykkishólm.

Í fjallinu er bæði basalt og líparít. Surtarbrandur milli blágrýtislaga og steingerðir trjábolir. Mikið um brennisteinskís og ýmsa sérkennilega steina, japis og glerhalla.

Talið var að gull væri í fjallinu og þess var leitað en magnið þótti of lítið.

Eftir miðja síðustu öld var vinsælt að taka grjót úr Drápuhliðarfjalli og nota í arinhleðslur en grjóttaka er algjörlega bönnuð í dag.

Aðrir

Gallerí Braggi
Handverk og hönnun
  • Aðalgötu 28
  • 340 Stykkishólmur
  • 893-5588 , 438-1808
Amtsókasafnið Stykkishólmi
Bóka- og skjalasöfn
  • Borgarbraut 6a
  • 340 Stykkishólmur
  • 433-8160

Aðrir

Olís - Þjónustustöð
Kaffihús
  • Aðalgata 25
  • 340 Stykkishólmur
  • 438-1254
Stykkið Pizzagerð
Veitingahús
  • Borgarbraut 1
  • 340 Stykkishólmur
  • 438-1717

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík