Almyrkvinn sýndi styrk samstarfs á Vesturlandi
Í nýrri skýrslu Forsætisráðuneytisins er farið yfir undirbúning og framkvæmd verkefnisins. Niðurstaðan er afar jákvæð. Dagurinn gekk í meginatriðum samkvæmt áætlun og engin stærri atvik höfðu áhrif á heildarframkvæmdina.
Sveitarfélög og aðrir staðbundnir hagaðilar gegndu lykilhlutverki í undirbúningnum, en skýrslan leggur sérstaka áherslu á mikilvægi staðbundinnar þekkingar, sameiginlegrar stöðumyndar og góðs upplýsingaflæðis.
Markaðsstofur landshlutanna á almyrkvasvæðinu komu meðal annars að samræmdri upplýsingagjöf til almennings og ferðafólks í samstarfi við stjórnvöld, Ferðamálastofu og Íslandsstofu.
Reynslan af almyrkvanum sýnir vel hversu miklu góð samhæfing, staðbundin þekking og öflug upplýsingamiðlun geta skilað þegar margir ólíkir aðilar þurfa að vinna saman að stóru samfélagsverkefni.