Dagur íslenskrar tungu 16. nóvember
Á hverju ári, þann 16. nóvember, er Dagur íslenskrar tungu haldinn hátíðlegur um land allt. Dagurinn er tileinkaður íslenskunni og er haldinn á fæðingardegi skáldsins og nýyrðasmiðsins Jónasar Hallgrímssonar (1807-1845), sem átti stóran þátt í þróun og eflingu íslensks máls.
16.11.2026
Markmið dagsins er að minna á mikilvægi íslenskrar tungu og fagna sögu hennar, samtíð og framtíð. Dagurinn var fyrst haldinn hátíðlegur árið 1996 eftir að íslensk stjórnvöld ákváðu árið 1995 að helga íslenskunni sérstakan dag ár hvert. Dagur íslenskrar tungu er jafnframt einn af opinberum fánadögum Íslands.
Af þessu tilefni hvetjum við íbúa, fyrirtæki og stofnanir á Vesturlandi til að leggja sitt af mörkum til að efla og varðveita íslenska tungu, hvort sem það er með því að njóta íslenskra bókmennta, deila íslenskum sögum eða nota tungumálið með stolti í daglegu lífi. Tungumálið er einn af mikilvægustu hornsteinum menningar okkar og sjálfsmyndar.