Formfegurstu fjöll Vesturlands - Kirkjufell

Kirkjufell í hnotskurn

• Hæð: 463 m

• Staðsetning: Við Grundarfjörð á norðanverðu Snæfellsnesi

• Kennileiti: Kirkjufellsfoss og Breiðafjörður

• Þekkt fyrir: Einstaka lögun, jarðlög, ljósmyndun og Game of Thrones
• Göngur: Uppganga er hættuleg og mælum við ekki með því
• Sérstaða: Eitt þekktasta og mest ljósmyndaða fjall Íslands

Kirkjufell rís 463 metra yfir sjávarmáli við norðanvert Snæfellsnes, skammt frá Grundarfirði. Það stendur að mestu eitt og sér við Breiðafjörð og sker sig því sérstaklega úr landslaginu. Þessi staðsetning, ásamt mjórri og samhverfri lögun fjallsins, gerir það áberandi úr fjölmörgum áttum.

Nafnið Kirkjufell vísar einmitt til lögunarinnar sem minnir á kirkjuturn eða kirkju. Í gegnum tíðina hafa önnur nöfn einnig fylgt fjallinu. Danskir sjómenn kölluðu það Sukkertoppen, eða Sykurtoppinn, en í eldri íslenskum heimildum kemur nafnið Firðafjall fyrir.

Kirkjufell er órjúfanlegur hluti af ímynd Grundarfjarðar. Fjallið blasir við úr bænum og stendur sem náttúrulegt kennileiti yfir byggðinni og Breiðafjörð. Við rætur þess er Kirkjufellsfoss, sem hefur orðið ómissandi hluti af einu þekktasta myndefni Íslands.

Sérstaklega fallegar aðstæður geta skapast við fjallið þegar sólin sest yfir Breiðafjörð á sumrin eða norðurljósin dansa á himni að vetri. Kirkjufell er því vinsæll áfangastaður ljósmyndara og náttúruunnenda allt árið um kring.

Kirkjufell var þekkt löngu áður en það birtist á sjónvarpsskjánum, en alþjóðleg frægð þess jókst enn frekar þegar það kom fyrir í Game of Thrones sem „Arrowhead Mountain“. Þar með varð fjallið þekkt fyrir áhorfendur víða um heim og styrkti enn frekar stöðu sína sem eitt af einkennum íslenskrar náttúru.

Þótt Kirkjufell sé freistandi gönguleið þá mælum við ekki með því.

Kirkjufell er eitt þeirra fjalla sem þarf ekki að klífa til að upplifa. Það þarf einfaldlega að staldra við og horfa.