Hvað er að frétta í ferðaþjónustunni á Vesturlandi?
Markaðsstofa Vesturlands verður á ferðinni til að taka púlsinn á ferðaþjónustunni í landshlutanum dagana 16.-17. apríl.
Ætlunin er að hitta og eiga samtal við ferðaþjónustuaðila víðsvegar á Vesturlandi og kynna spennandi tæknilausnir sem Broadstone hefur verið að þróa útfrá þörfum ferðaþjónustunnar en Broadstone var stofnað af aðilum úr ferðaþjónustu með það að markmiði að búa til markaðs- og söluefni sem er sérhannað fyrir ferðaþjónustu.Þau nýta myndefni og myndbrot á gagnvirkan hátt, ekki svo ósvipað tölvuleik, til þess að selja afþreyingu, hótel og áfangastaði ferðaþjónustu. Þau eru að vinna að markaðs- og söluefni fyrir Vesturland í samstarfi við Markaðsstofu Vesturlands og ferðaþjónustufyrirtæki. Þau munu kynna sínar lausnir og samstarfið á fundunum. Nánar hér:broadstonenetwork.com
Sjö fundir verða haldnir á þessum tveimur dögum en staðsetningar voru valdar með það í huga að sem flestir ættu að sjá sér fært að koma án þess að þurfa að ferðast langar vegalengdir, sjá tíma- og staðsetningar hér að neðan og skráningarform má nálgast neðst á síðunni.
Verðum með á samhristingi í Dölunum - nánar auglýst síðar.