Hvar ætlar þú að vera 12. ágúst 2026?
12. ágúst 2026 verður almyrkvi á sólu sýnilegur víða á Vesturlandi – sjaldgæf og ógleymanleg upplifun.
Nú er ekki seinna vænna að hefja heimavinnuna: kynna sér feril myrkvans, velja sér stað og undirbúa sig fyrir þennan atburð.
12.08.2025
Horfðu til himins 12. ágúst 2025 og ímyndaðu þér augnablikið að ári: Hvar viltu vera þegar almyrkvinn verður?
Til umhugsunar:
Fyrir alla
- Undirbúið ykkur fyrir mikla umferð á Vesturlandi 12.08.2026 og aukið álag dagana í kring.
Fyrir gesti og íbúa á Vesturlandi
- Skoðaðu kortið og hvar þú vilt vera þegar sólmyrkvinn verður - gerðu ferðaplan.
- Skipulegðu ferðina tímanlega, tryggðu þér gistingu og reiknaðu með mikilli umferð.
- Mættu snemma á svæðið, gefðu þér góðan ferðatíma og njóttu dvalarinnar.
Fyrir þjónustuaðila á Vesturlandi
- Hugið að vöru og þjónustu í tilefni dagsins (aðstaða, vörur, viðburðir, leiðsögn ofl.).
- Gerið áætlun um opnun, mönnun, bílastæði og gestaflæði.
- Miðlið skýrum og tímanlegum upplýsingum á heimasíðum og miðlum.
Fyrir sveitarfélög og viðbragðsaðila
- Tryggja gott skipulag og umferðastjórnun, bílastæði, merkingar og virka upplýsingagjöf.
- Hafa samstillta vöktun, viðbragðsáætlanir og boðleiðir á álagstímum og lykilsvæðum.
- Tryggja aðgengi að salernum, sorphirðu og öryggismálum fyrir almenning
-
Við á Markaðsstofu Vesturlands- Áfangastaðastofu – erum tilbúin til að vinna með ykkur og aðstoða eins og kostur er við undirbúning og upplýsingamiðlun varðandi sólmyrkvann á Vesturlandi.