Fara í efni

Eða prófaðu að leita eftir flokki og/eða staðsetningu

Hvernig höldum við í gott fólk? Menntamorgunn ferðaþjónustunnar – 14. október kl. 11:00–12:00.

Gott starfsfólk er gulls ígildi – en hvað fær það til að vera áfram og hvað fær fyrrverandi starfsfólk til að snúa aftur? Menntamorgunn ferðaþjónustunnar fer fram 14. október kl. 11:00–12:00 í beinu streymi. Á fyrsta Menntamorgni vetrarins verður sjónum beint að fólkinu okkar og því hvernig hægt er að skapa vinnustaði þar sem starfsfólk vill vera, vaxa og leggja sitt af mörkum.
08.10.2026

Fjallað verður meðal annars um mikilvægi góðra samskipta, viðurkenningar, fræðslu og starfsþróunar og hvernig þessir þættir geta stuðlað að aukinni starfsánægju og sterkari vinnustaðamenningu. Einnig verður rætt um hvað fær starfsfólk til að snúa aftur og hvernig fyrirtæki geta nýtt veturinn til að undirbúa næsta ferðatímabil.

Það þarf ekki alltaf stórar eða kostnaðarsamar breytingar til að bæta starfsumhverfið. Litlar breytingar í daglegum samskiptum, skýrari væntingar og tækifæri til að þróast í starfi geta skipt miklu máli – bæði fyrir starfsfólkið og reksturinn.

Menntamorgunn ferðaþjónustunnar – 14. október kl. 11:00–12:00.

Skráning og nánari upplýsingar á haefni.is/vidburdir.

Menntamorgunn ferðaþjónustunnar er samstarfsverkefni Hæfniseturs ferðaþjónustunnar, Samtaka ferðaþjónustunnar, Ferðamálstofu og Markaðsstofa landshlutanna.