Skemmtiferðaskip hafa áhrif víða um Snæfellsnes
Ný greining Teya á kortaveltu erlendra ferðamanna sýnir að komur skemmtiferðaskipa til Grundarfjarðar hafa umtalsverð áhrif á verslun og þjónustu, og áhrifin ná langt út fyrir hafnarbæinn sjálfan.
07.10.2026
Samkvæmt greiningunni má rekja um 15% af erlendri kortaveltu sumarsins í Grundarfirði til skemmtiferðaskipa. Á þeim dögum sem skip eru í höfn eykst erlend kortavelta þar um 45% miðað við sambærilega daga án skips.
Áhrifin dreifast jafnframt um Snæfellsnes. Um 70% af aukningunni á skipadögum í Grundarfirði verður utan bæjarins, meðal annars í Stykkishólmi, Ólafsvík og annars staðar á Snæfellsnesi.
Greiningin byggir á kortaveltu með erlendum greiðslukortum hjá söluaðilum Teya og nær til meira en 1.900 skipakoma sumrin 2025 og 2026.