Upplýsingar um verð
3000 kr.
Undanfarin ár hefur fjölskylda Rósu Jóhannesdóttur komið fram á ýmsum stöðum, leikandi á fiðlur, harmonikku, ukulele og píanó, ásamt söng og kveðskap. Börnin sem kalla sig Tríó Zimsen, syngja alls konar lög í þremur röddum og þær mæðgur syngja dúetta saman. Inn í tónlistardagskrána flétta þau kveðskap, oftast eftir fjölskylduföðurinn, Helga Zimsen en ýmis önnur skáld slæðast einnig með eins og Hallgrímur Pétursson, Þórarinn Eldjárn, Davíð Stefánsson o.fl.
Dagskráin hentar jafnt fullorðnum sem og börnum, erlendum gestum sem og íslenskum.