Leita
Finnur þú það ekki? Prófaðu leitina :)

Eldfjallasafn

Eldfjallasafnið var opnað formlega á hvítasunnu, 31.maí 2009 með kynningarsýningu byggða á safni Haraldar Sigurðssonar eldfjallafræðings. Haraldur Sigurðsson starfaði sem prófessor í eldfjallafræði og haffræði í Bandaríkjunum en er nú fluttur til Íslands eftir um 40 ára starf erlendis. Á ferðum sínum um heiminn og í störfum sínum hefur Haraldur komið sér upp miklu safni af efni, ýmiskonar listaverkum, rannsóknarefni og bókum sem snerta eldgos og eldvirkni víðsvegar um heiminn.

Í safni Haraldar eru mörg hundruð listaverka. Þar má nefna málverk, málmstungur og svartlist ýmiskonar frá eldvirkni um allan heim. Einnig er þar að finna frumstæða list (alþýðulist) frá Indónesíu, Mexíkó, Mið-Ameríku og víðar. Úrval er af japanskri "goslist" einnig listmunir og safn minjagripa. Í safninu má m.a. finna stórt verk eftir Andy Warhol frá 1985 af eldgosi, myndir eftir Japanann Katsushika Hokusai (1760-1849), Mexíkanana David Alfaro Siqueiros og Dr. Atl, auk merkilegs safns af prentverki og plakötum af bíómyndum sem fjalla um eldgos.

Haraldur hefur einnig komið sér upp vönduðu safni bóka um eldgos og eldfjallafræði auk rúmlega 6000 sérprentana með vísindagreinum og safni jarðfræðikorta. Loks má nefna töluvert safn kvikmynda og efnis á myndböndum. Allt er þetta efni í spennandi ferð um lendur jarðsögunnar, og fræðslu um eldvirkni víðs vegar um heim.

Opnunartími Mán.: Þri.: Mið.: Fimm.: Föst.: Lau.: Sun.:
Sumar (17. maí-31. ágúst) 10-17 10-17 10-17 10-17 10-17 10-17 10-17
Haust 13-16 13-16 13-16 13-16 13-16

Aðgangseyrir 2019:

Fullorðnir kr. 1.000,-

Nemar, eldriborgarar, hópar kr. 900,-

15-18 ára kr. 500,-

Frítt fyrir yngri en 15 ára

Safnapassi stykkishólmsbæjar - öll söfnin (Eldfjallasafn, Vatnasafn og Norska húsið:

Fullorðnir kr. 2.650,-

Nemendur, eldriborgarar og hópar kr. 2.000,-

Eldfjallasafn

Aðalgata 8

GPS punktar N65° 4' 34.491" W22° 43' 32.640"
Sími

433-8154

Opnunartími Allt árið
Flokkar Söfn , Sýningar

Eldfjallasafn - ferðaupplýsingar

Úr gagnagrunni Ferðamálastofu Íslands

Aðrir

Stykkishólmur Slowly ehf.
Gönguferðir
  • Hafnargata 4
  • 340 Stykkishólmur
  • 766-0996
Náttúra
6.50 km
Helgafell

Fornfrægt fjall (73 m) þaðan er fagurt útsýni yfir Breiðafjörð.

Þjóðtrúin segir að þrjár óskir uppfyllist ef maður lítur aldrei um öxl og mælir ekki orð af munni meðan gengið er á fjallið. Óskirnar mega einungis vera góðs hugar, engum má segja þær og biðjandi þarf að horfa til austurs.

Upp á Helgafelli er útsýnisskífa svo auðvelt er að átta sig á fjallahringnum.

Núverandi kirkja á Helgafelli var reist 1903 og tekur 80 manns í sæti.

Guðrún Ósvífursdóttir, ein helsta sögupersóna Laxdælu bjó síðari hluta ævi sinnar á Helgafelli. Þar var hún greftruð að írskum sið. Á leiðinu er minnisvarði gerður úr steini úr Helgafelli með ártalinu 1008, en steinninn var settur á leiðið 1979.

Árið 1184 var klaustur af Ágústínusarreglu flutt frá Flatey að Helgafelli og eftir það var staðurinn menntasetur og höfuðstaður bóklegrar iðju á Vesturlandi.

Upp á Helgafelli er tóft, hlaðinn úr hellugrjóti sem talin er vera rúst af kapellu munkanna.

Náttúra
10.91 km
Drápuhlíðarfjall

Drápuhlíðarfjall er 527 m, litskrúðugt og sérkennilegt fjall blasir við þegar keyrt er eftir þjóðvegi 54 í nánd við Stykkishólm.

Í fjallinu er bæði basalt og líparít. Surtarbrandur milli blágrýtislaga og steingerðir trjábolir. Mikið um brennisteinskís og ýmsa sérkennilega steina, japis og glerhalla.

Talið var að gull væri í fjallinu og þess var leitað en magnið þótti of lítið.

Eftir miðja síðustu öld var vinsælt að taka grjót úr Drápuhliðarfjalli og nota í arinhleðslur en grjóttaka er algjörlega bönnuð í dag.

Aðrir

Amtsókasafnið Stykkishólmi
Bóka- og skjalasöfn
  • Borgarbraut 6a
  • 340 Stykkishólmur
  • 433-8160
Gallerí Braggi
Handverk og hönnun
  • Aðalgötu 28
  • 340 Stykkishólmur
  • 893-5588 , 438-1808

Aðrir

Stykkið Pizzagerð
Veitingahús
  • Borgarbraut 1
  • 340 Stykkishólmur
  • 438-1717
Olís - Þjónustustöð
Kaffihús
  • Aðalgata 25
  • 340 Stykkishólmur
  • 438-1254

Vesturland

Þéttbýli
Þéttbýlisstaðirnir á Vesturlandi eru eins fjölbreyttir og þeir eru margir. Alls eru 10 staðir með fleiri en 50 íbúa og er Akranes fjölmennasti þéttbýliskjarninn með rúmlega 6.600 íbúa.

Öll stærri bæjarfélögin leggja æ ríkari áherslu á öfluga ferðaþjónustu þar sem fjölbreytt afþreying og þjónusta er í boði. 

Bæir og þorp

Map Hellissandur, Rif Grundarfjörður Stykkishólmur Búðardalur Dalir Arnarstapi Hellnar Snæfellsnes Bifröst Húsafell Reykholt Borgarfjörður Hvanneyri Borgarnes Hvalfjörður Akranes Ólafsvík