Umferðarstýring á Vesturlandi vegna almyrkvans 12. ágúst

Vegna almyrkvans sem verður sýnilegur á Íslandi miðvikudaginn 12. ágúst 2026 er búist við verulega aukinni umferð á Vesturlandi og víðar um landið. Til að tryggja öryggi vegfarenda og greiða fyrir umferð verður gripið til tímabundinnar umferðarstýringar á nokkrum vegum í umsjón Vegagerðarinnar. Megintilgangur þessara ráðstafana er að tryggja greiða leið fyrir viðbragðsaðila ef neyðartilvik koma upp, auk þess að draga úr umferðarteppum og auka öryggi allra sem verða á ferðinni.

10.08.2026

Umferðarstýring hefst á mismunandi tímum eftir svæðum, á bilinu kl. 08:00–11:00, og á sumum vegköflum verður hámarkshraði lækkaður. Vegfarendur eru hvattir til að gera ráð fyrir lengri ferðatíma, fylgja leiðbeiningum lögreglu og umferðarstjóra og sýna öðrum vegfarendum tillitssemi.

Lögreglan bendir á að ökutæki sem lagt er ólöglega eða þannig að þau hindri umferð eða skapi hættu verða fjarlægð á kostnað eiganda.

Ef miklar tafir myndast við Hvalfjarðargöng gæti þurft að loka göngunum tímabundið og beina umferð um Hvalfjörð.

Umferðarstýring á Snæfellsnesi

Eftirfarandi breytingar verða í gildi á Snæfellsnesi:

Útnesvegur (574): Einstefna verður frá Búðum að vegamótum við Öndverðarnesveg frá kl. 09:00.
Öndverðarnesvegur (579): Vegurinn verður lokaður fyrir almenna umferð. Snæfellsjökulsþjóðgarður mun bjóða upp á rútuferðir fyrir þá sem vilja heimsækja svæðið.
Jökulshálsvegur (570): Einstefna verður til norðurs frá Arnarstapa til Ólafsvíkur.
Eysteinsleið: Verður lokuð.

Umferðarstýring í Dalabyggð

Klofningsvegur (590): Einstefna verður á veginum frá 09:00.

Skipuleggðu ferðina vel

Vegfarendur eru hvattir til að fylgjast með nýjustu upplýsingum frá Vegagerðinni og Lögreglunni áður en lagt er af stað. Þar sem búast má við miklum fjölda gesta á Vesturlandi er mikilvægt að skipuleggja ferðina með góðum fyrirvara, leggja eingöngu á þar til gerðum bílastæðum og virða umferðarstýringu og fyrirmæli á vettvangi.

Frekari upplýsingar um almyrkvann.